Eclesiastés 3:7 - La'qaatqa ñi qota'olec Qota'olec & Qota'olec Novita Na Qomyipi

⁷ 'Ue yi laloqo' quiyim 'ue ca qaỹasectaqta'gue, chaqai 'ue yi laloqo' quiyim 'ue ca qaneuara'gue. 'Ue yi laloqo' quiyim retaqa na qom, chaqai 'ue yi laloqo' quiyim i'maxañi.

Eclesiastés 3:7 Iomraidhean Croise

Génesis 37:29

Ca co'na' so Rubén liỹa ỹovita añi ni'ỹa, qa' totqai hueeta'ñigui so José. Ca nasectaqta'ahi saua loho queda lqui'ic nqai'en.

Génesis 37:34

Co'na'le, ca' so Jacob nasectaqta'ahi saua loho, ca' ỹañiñi saua noho nasouaxaqui'. Ca' dajo lasouaxac so llaalec mesqai chita'gue ca ỹapalaxat.

Génesis 44:18

Co'na'le, ca' so Judá nqo'not so José, ca 'naaco': —Ỹim ñi'xoresene'tot, qami' qara'gaxala', quiyim 'maxariñi' 'ue ca sa'xat caqami' ñimoote'tot. Qam qouaquiric, sqai 'o'iriua', ma' qami' chaqai 'ec 'ñiisari' ñí'maq Faraón.

Génesis 44:34

Ma' ¿negue' quet cá'maq 'neeta quiyim sopil, sopila ca ita'a, no'm se iỹaatac dá'maq ne'nec? Se sa'maxaren quiyim seuantalec ca le'xoric ca ita'a.

2 Samuel 1:11

Co'na'le, ca' so David chaqai sauá'maq liỹareta'pe nasectaqta'ahi naua loho queda nqui'ic.

1 Reyes 21:27

Ca' so Acab co'na' 'qaachigui dá'ogue dajo, ca nasectaqta'ahi saua loho, ca' ỹañiñi saua noho nachicoxoqui' chaqai nqopaaqachit. Chaqai quena' laq, ca' queeta'anto saua loho ỹansañi, chaqai rachicotam.

2 Reyes 18:36

Ca' so qomyipi i'maqatam, qaica ca 'ue ca ỹa'xat, ma' so nashi Ezequías 'naaco' quiyim qaica ca retaqa.

2 Reyes 5:7

Ca co'na' so nashi quiyi Israel retaqalec aso nelaata, ca nasectaqta'ahi saua loho queda nqui'ic. Ca 'naaco': —Ca ¿ỹimo' ná'maq ỹim qota'olec quiyim ỹaanec da nca'laxa chaqai quiyim ỹacona da chaalataxac quiyim cajo nelata ỹim na ỹale quiyim ñataren na le'ne' na loshicmaxa? ¡Ỹaatqajam 'ajñita, ca' 'yiiñii ma'le quiyim ỹahotaque ca lligo queca ño'ueenataxac quiyim yiloquin!

Ester 7:4

Ma' ỹim chaqai na iuo' laseripi qaimeene' qomi', qaiyi qanalauachiñi qomi'. Qaica nqai 'negue queta' qaimeene' quiyim na'aqa qomi', ca' yi'maqata queta'le, ma' na qanpa'guenaxaua se noquiiguiñi nqai'en da resallaxa'e' qami' qarashi.

Job 2:13

Ime, ca' nqa'xanyi'ñi' quena 'laua, ca neesa'anyi quesaua siete na'xata' chaqai saua siete piri qaica ca la'qaategue', ma' iuanta da nqui'ic chalego lecaic queso Job.

Eclesiastés 3:6

'Ue yi laloqo' quiyim 'ue ca 'deenaxac, chaqai 'ue yi laloqo' quiyim 'ue ca qoyique'e. 'Ue yi laloqo' quiyim na'maqataxanaxac, chaqai 'ue yi laloqo' quiyim 'ue ca qainaxauec.

Jeremías 36:24

Ca' so nashi chaqai vire'ta so lotauaripi, só'maq 'qaatapega sá'ogue só'maq qaretaqateguelec, ỹaatqajam qaica ca lqolonaxa chaqai ñaqai 'ue quet ca nqui'ic nqai'en.

Joel 2:13

¡Pilliu'a qamiri ñi qara'gaxala', ñí'maq qota'olec caqamiri, ỹaatqajam 'chiichiguiñi nqai'ñii ca netacochaxahi cañi re'taxanatahi, qam se nasectaxachiỹa'ahi naua qatoohi! Ma' ñi qara'gaxala' sotaxaraic da lo'ueenataxanaxac chaqai qouagaxanqachaqaic, hualaxauaic chaqai imaañi da le'xorenataxanaxa, 'eco' se nqo'ta quiyim 'ue ca ỹa'ue ca nouaxanaxaset.

Amós 8:3

Ca ỹovita ma'le cajo na'xa'a quiyim na no'ueenec quiñi 'imec lodegaxat ñigui ma'le ca ỹenaxac. 'Xoic ca qom ileu ma'le, ca' chi nachicochiguiñi, ma' qainaxe'oguiyi na leuaxaiquipi. Ñi qara'gaxala' i'taxajñi da la'qaatec.

Hechos 4:20

Ma' qomi' se seshitaq quiyim saxanaxañi sa'xataq cá'maq sauanqachigui chaqai cá'maq sa'xaiqachigui.

Hechos 9:39

Ca' so Pedro queguelo saua'maxare. Ca co'na' ỹoviro, ca qaỹavicshi'ma cá'maq shi'co' qaillaugui pa'aashiguim 'imec. Ca sá'ogue so pa'ỹellipi noỹentagui, lapoỹaho, ca qaỹachaxantapeguem na loxoquiripi chaqai na lamaxaquiripi ná'maq lo'ueenatqaipio' aso Dorcas co'na' ñaq nca'leetauec.

1 Samuel 10:16

Ca' so Saúl ra'qaataxanem so neteesqo', 'naaco': —Ñi'maxare ra'qaataxanalo qomi' quiyim cauá'maq 'ashina shi'gue qaỹanatalo. Qam so Saúl se ỹa'xat quiyim chaqaiso so'maxare qaỹahotaque quiyim nashi, dá'maq la'xaỹaxac chicqo'ot so Samuel.