Eclesiastés 3:4 - La'qaatqa ñi qota'olec Qota'olec & Qota'olec Novita Na Qomyipi

⁴ 'Ue yi laloqo' quiyim oỹenaxac, chaqai yi laloqo' quiyim naỹallicyaxac. 'Ue yi laloqo' quiyim 'ue da nasauaxac, chaqai yi laloqo' quiyim 'ue da naỹaac.

Eclesiastés 3:4 Iomraidhean Croise

Génesis 21:6

Ca co'na' ra'deenataxantac aso Sara, ca 'naaco': Ñi qota'olec raỹaleguere nqai'en aỹim, chaqai ná'ogue ná'maq ỹa'den quiyim 'ue ñi ỹaalec, qai'neeta raỹaleguere.

2 Samuel 6:16

Ca' aso lahite' saua naqataxaco co'na' ỹovira'a yi na'a' neeta'ñi so David, ca' aso Mical só'maq llaale so Saúl ra'ỹauco' caso nqote so lauo'. Ca co'na' idaana'a so David nenotetashiguim chaqai rasotetacot ñi qara'gaxala', ca' aso'maxare ỹaatqajam ra'aguelec so'maxare.

Éxodo 15:20

Co'na'le, ca' aso qota'a letaxaỹaxaqui leenaxat María, lqaỹa so Aarón, icona aso nasaquinata. Ca' sá'ogue so liỹa 'aallipi coỹaretalec rasoteta chaqai ỹasaquintapigui aso nasaquinata.

Eclesiastés 3:5

'Ue yi laloqo' quiyim qaiuagaxat na qa', chaqai 'ue yi laloqo' quiyim qalapoon. 'Ue yi laloqo' quiyim nqa'aalta', chaqai 'ue yi laloqo' quiyim nalajta'.

Isaías 40:1

'Naac ñi qota'olec caqamiri: Lo'daxachigui lauel na ỹalamaxareteripi, lo'daxachigui lauel;

Isaías 40:2

nichiriita taxahi quiyi Jerusalén, ca 'ñiỹapega: Ime da ncoñiitaxaguii, shi'gue machiigui da ro'maxashichii, shi'gue coñiguit caỹim dá'maq paguec lecaic nouaxanaxashichii quesá'ogue so rasauaxashichii.

Mateo 11:17

“Spe'taxaguilo naua qarpe'tel, qam se rasochii; chaqai so'ueenqata'pe nauá'maq qaỹo'ueene' quena 'ue yi nasauaxanec, qam se nohiñii.”

Mateo 9:15

Ca' so Jesús 'naaco' quesaua'maxare: —¿Peeta'a ishiteto' quiyim rachicota, 'ec 'ue ca lasauaxanec, cá'maq nalecsec queca shilaq quiyim ñaq ỹalequetaho cá'maq shiltapego? Qam 'ue ca na'xa'a ma'le ma' ỹovita qanaqata'a só'maq nashilaxaua. Ca' quiyi, ca ishit nqopaaqachit na'maxare.

Lucas 1:58

Ca ná'maq sqoỹoqaque quiyi la'a' chaqai na lauo' laseripi nqo'ta aso'maxare qanetoonta'pegue co'na' qaỹa'den quiyim ñi qara'gaxala' ỹaatqajam 'xoic da le'xorenataxanaxa caso'maxare.

Romanos 12:15

Netoonaxauahi cá'maq netoontac, chaqai noỹenaxauahi cá'maq noỹentac.

2 Corintios 7:10

Ma' cá'maq nachicoxo quiyim qana'ñaxachiguit quiyim nqo'ta ñi qota'a, ca chicqaugui ca togotaxa, ca' re'oq nqai'en ca nca'laxa. Ca' sqai qanetogoteta'pegue. Qam da nachicoxo hueetalec na 'laua, ca chicqaugui da nelauaxa.

Santiago 4:9

Ỹaatqajam chigoita, chaqai nohiñii chaqai naualaxaiñii. Sqa ỹalliguiritac, ta'ta'a quiyim niñitesañi naua rachiri. Chaqai sqai huaguichiguiñi, ta'ta'a quiyim chigoita.