Eclesiastés 3:2 - La'qaatqa ñi qota'olec Qota'olec & Qota'olec Novita Na Qomyipi

² 'Ue yí'maq laloqo' quiyim ne'qaañi, chaqai ca laloqo' quiyim ileu. 'Ue yí'maq laloqo' quiyim nanaxanaxac, chaqai ca laloqo' quiyim qanapoc ana nanecse.

Eclesiastés 3:2 Iomraidhean Croise

Génesis 17:21

Qam da ña'maqataxac se'taxajñi ma'le ca Isaac ca llaalec añi Sara 'ue ma'le ma' ime na ñaaxa.

Génesis 47:29

Ca 'uo' so na'xa'a so Israel nauata'guito' quiyim tot qaỹaloq ileu. Ca roỹaxane'oga so llaalec José, ma' ỹahotaque 'naapega: —No'm llic vi'saque qouaquiric, ca' shichitot na rqai'laxachi' na ỹoteleta'. Ca 'ỹaañitot ca ra'qaachiqui' ñi qota'olec, quiyim shichi' 'viichi' cá'maq sashiilaxanaque. ¡Qouaquiric, se yishiñiriño' ma'le quena Egipto!

2 Reyes 4:16

Ca co'na'le, ca' so Eliseo 'naaco' caso'maxare: —Quena liỹa ñaaxa, ca' 'ue ca qachaalqui' ma' ỹovire'oga najo na'xa'a. Ca aso'maxare 'naaco': —'E', qami' ỹa'gaxala', se yayiñi', ma' qami' nale ñi qota'olec.

Job 14:14

Ca no'm ileu ca qom, ¿peeta'a liỹo' nca'leuec? Ca' ỹim sauaanaxantac queta'le quenaua'que naua na'xata', vire'ta queta' novi' ca lachiguimqa' naua i'xoyaxaco.

Job 14:5

Ma' qami' ná'maq 'viichi' ca lqodoc ca qom, ca' taachi'ñi nqai'ñi' ca nachaalataxac, ca' quiyim vite ca raloqojonqui', ca' qaica napacalec,

Isaías 54:1

Qami' Jerusalén, qami' 'ec aca 'aalo se co'o, qami' se ỹauanapega co'ii', raualqaisari' queda raỹaaqui', nachipishiguim nqai'ñi' ca ro'viinqui' queda netoonaxaqui', ma' ñi qara'gaxala' 'naac caqami': “Aca 'aalo nalate paguec ma'le ca llaalqaipi cana 'aalo 'ue ca loua.”

Jeremías 1:10

Sellaugui na qadapi' naua ỹa'qaatqa. Nagui, ca' saañiraxarom da nquesaxanaxa napacalec na nashillipi chaqai na ỹoreta'oguit qomyipi, qaiyi pogoxoñi' chaqai maqairiñi, poxoỹaxachirigui chaqai huagaxachirac, chaqai qai'neeta quiyim no'xoñirishiguim chaqai danaxañi'.

Jeremías 45:4

ca' yila' quiyim shinac caqami': Ỹim ñopoxoỹaxajñi ná'maq ño'xonshiguim chaqai ñapoc ná'maq sanñi. Ca' chaqaida shine'tegue quená'ogue na 'laua.

Mateo 13:41

Ca' najo ỹale llaalec ila' ma'le na lelaatqaipi piguim laseripi quiyim lapoon quedá'maq lo'ueenataxanaxac ná'ogue ná'maq ỹo'uet ca lasauaxaset ca liỹa, chaqai ná'maq ỹo'ueetetac na se no'uen.

Mateo 15:13

Qam so Jesús 'naaco' quesaua'maxare: —Canchaqaca nanecse quiyim sqa ỹanñi ñi ita'a qota'olec neeta'gue da piguim, ca' qanaqat liỹaashi'me' na lpa'a'.

Lucas 1:13

Qam so nelaatec 'naaco': —Zacarías, se ro'chi'i', ma' ñi qota'olec 'qaatapega da nqouagaxainaxaqui'. Ca' nagui añi roua'e' Elisabet 'uo' ma'le ca llaalec. Ca' ca'maxare ñiteco' ma'le leenaxat Juan.

Lucas 1:20

Qalaxam qami' sqai vi'relec dá'maq shinac, ca' nagui sqaicaua ma'le caua ra'qaataxahi'. Se ishit taxahi', toco' ma' ne'qaañi ca qachaalqui'. Ca da'maxare ipaquichigui ma'le ma' ỹovita ca laloqo'.

Lucas 1:36

Chaqai añi qauochi' lase Elisabet, añi'maxare 'uo' ma'le ca llaalec, 'eno' mashic qo'xoi. Añí'maq qohinac quen qaica ca llaalec, ca' nagui mashic ỹovite' naua seis shiriguiri quiyim 'manaxai.

Juan 16:21

Quena' ana 'aalo sham co'o, ca ỹaatqajam rachitata, ma' ỹovirelec ca laloqo' da nqui'ic. Qam quena' ime ne'qaañi ca noctoqui', ca' coua'e dá'maq nqui'ic, ma' paguec da netoonaxac quiyim ne'qaañi ca noctoqui' quena 'laua.

Juan 7:30

Ca' qaỹahotaco' qaiconlec quiyim qaicoñi'; qam qaico' ca ishit iconlec, ma' saqa' ỹovita ca laloqo' so'maxare.

Hechos 7:17

Ca co'na' ipalata'a ca laloqo' quiyim ỹovirelec i'taxajñi da la'qaatec ñi qota'a co'na' na'deenta'pegue' so Abraham, ca' noquiiguec na Israel laseripi, paguec 'xoic co'na' neeta'ñi yi Egipto.

Hechos 7:20

Ca' quesauajo na'xata' chaqaisaua huauguilo quiyim ne'qaañi so Moisés. Qam sojo noctoqui' ỹaatqajam lqo'itaxat ñi qota'olec, ca' saua leta'al cochiisapega quiyi la'aate' quesaua tres shiriguiri.

Gálatas 4:4

Qam na' ỹovita ca laloqo', ca' ñi qota'a nela' so llaalec, ne'qaañi nqai'en caso 'aalo, chicqotougui nqai'en na judioipi ma' hueetaugui da lapaxaguinataxanaxac na naqataxaquipi.

Deuteronomio 34:5

Ca' chaqaida dá'maq 'neeta na'le so Moisés só'maq lelaatec ñi qota'olec ileualec yi 'laua Moab, ma' chaqaida dá'maq 'naaco' na'le ñi qara'gaxala'.

Hebreos 9:27

Ca' chaqai 'nejem quiyim ná'ogue na qom 'oonoqui' ileu, ime, ca nauaanaque ca na'xa'a quiyim qanimit ná'ogue najo,

1 Samuel 2:5

ná'maq 'au qaica na'le ca ỹouentaque, qam nagui ro'ueenataxanteguelec ca loq; qam ná'maq 'ue na'le na lqopaaxa, qam nagui, ca' qaica ca ỹouentaque. Chaqai aná'maq 'aalo qaica quen ca llaalec, qam siete co'o nqai'en; qam aná'maq 'xoic na'le na llaalqaipi, ca' nagui ỹaatqajam 'ec ỹaso nqai'en.