Eclesiastés 3:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Ca' vichiguiño' shinac ma' ñi qota'olec ñí'maq imit ma'le queca lasauaxaset ca 'maxataxaraic chaqai ca hualoxonaq, ma' quená'ogue 'ue yi laloqo' quená'maq 'ue chaqai quená'maq qaỹo'uet.

Eclesiastés 3:17 Iomraidhean Croise

Génesis 18:25

Ca' ¿shichi' lauachi' qai'neeta cá'maq sqaica ca lasauaxaset, queeta'ñi' cá'maq sauaqhuaic? ¡Sqai 'ñitetegue dajo quiyim caua'que sqaica ca qohineguelo! Qami' ma' qaica ca 'nejem aqami' quiyim michi' ca nasauaxaset quená'ogue na hueetalec ana 'laua. Ca' ¿sqai shichi'o' daañiraque ca la'maqa' dajo?

Salmos 96:13

queda reloqota'gue ñí'maq naata qara'gaxala'! ¡Ajá'a, nanac ñi'maxare, ca' ỹoiquentac na qomyipi quena 'laua ma'le, ca' da lo'ueenataxanaxac ỹa'maqachiguiñi chaqai lliqueta!

Salmos 98:9

reloqoto'ot ñi qara'gaxala' novi' quiyim ỹoiquentac na 'laua. Ñi'maxare ỹoiquentac ma'le na qomyipi quena 'laua, ỹa'maqachiguiñi da lo'ueenataxanaxac, ná'ogue naloqojne'ejta'.

Eclesiastés 1:16

Ca' na'le, ca' ñanecalta', ca' shinac: 'Ena seuete'e, 'ec ỹim chalego lecaic ỹale, paguec ỹa'deenaxanaxa quesá'ogue só'maq 'au nashillipi quena Jerusalén; ỹaatqajam ñomatalta' ñañaañiguit da na'deenec chaqai na'deenataxanaxac chaqai da hualoxonqaishic chaqai da mogollishic, qam qaidaata quiyim yitan quiyim dajo 'ec cá'maq ỹahotaque nollaañi ca nonot.

Eclesiastés 11:9

Qami' ne'necolec, hualaxai'sac queda nachaalataxaqui' ma' ñaqaqami' nogot. Quiisa'pegue' da ra'deenataxanaxaqui' quená'ogue ná'maq 'ajñisac, qam 'neeto' lotqai 'laxachite quiyim quedá'ogue dajo rimichi' ma'le ñi qota'olec.

Eclesiastés 12:14

Ñi qota'olec qarenat ma'le quená'ogue ná'maq so'ueetqatac lo'yaxanec loqo'm se no'uen, 'eno'm ñañoxotqatañi quiyim so'ueetaq.

Eclesiastés 2:1

Na'le, ca' lotqai ñanecalta', ca' shinac: Hua' nagui, ca' se'guen na nishiquiaxac. ¡Qam vire'ta da'maxare qaica ca 'negue!

Eclesiastés 3:1

Quenajo 'laua ná'ogue 'ue na laloqo'; quiyim ỹovirelec canchaqaica, ná'ogue 'ue na lqodoquiaqa'.

Mateo 16:27

Ma' najo ỹale llaalec ma' novi', ca' naquetaugui da lauaq ñi leta'a chaqai liỹaatac na lelaatqaipi piguim laseripi. Ca' ma'le, ca ishiueten quiñi 'óna quecá'maq lo'ueenatec.

Juan 5:22

Chaqai ñí'maq ita'a se ỹa'ue ca nouaxanaxaset ca qom, ta'ta'a quiyim ỹaanem na llaalec dá'ogue da lquesaxanaxa quiyim ỹa'ue ca nouaxanaxaset ca qom,

Hechos 1:7

Ca' so Jesús 'naapegalo': —Qamiri sqa taiguit 'yiiñii lagui, loqo'm negue' ca na'xa'a 'ue ca ỹo'uet ñi qota'a, ma' chaqaiñiita ñi'maxare ỹo'viijñi ma'le quiyim ỹo'uet.

Hechos 17:31

Ma' ñi'maxare mashic ỹa'uo' ca laloqojnec na'xa'a quiyim imit ná'ogue na qom neetalec na 'laua quiyim ỹoỹoote'oga ca lo'yaxanec, qam ỹachigoxochichigui so ỹale chi lca'acsec, leenaxat Jesús. Ca' quedajo ichoxochichigui quená'ogue, na' ileu, qam liỹa nca'laxatec.

1 Corintios 4:5

Ca vichiguiño' caqamiri mesqai 'aviỹalec quiyim michii ca riỹahi. Nauaañiỹa'piguit só'maq qara'gaxala' ma' novi', ca re'oq nqai'en ca hueetaugui na napalaxa. So'maxare re'oq nqai'en ma'le na 'neetari' na ne'taxanatallipi. Ca ñi qota'a ỹaanem queca 'óna cá'maq 'neeta ca na'maqataxac.

2 Corintios 5:10

Ma' qomá'ogue ñachaataxau'a ma'le cá'maq hua'ñi so Cristo quiyim imit na nasauaxaseteripi, ca' quiñi 'óna icoñiguit ca laseue' ca lo'ueenatec na' ñaq ỹouootegueri', 'maxaraic, loqo'm se ỹa'maxañi.

1 Tesalonicenses 5:1

Qam qamiri qarqaỹa', quecá'maq na'xa'a loviraxaqui dajo se ipacaque quiyim seraxañi.

Apocalipsis 11:18

Ca na ỹoreta'oguit qomyipi ro'o, qam ỹovita ca laloqo' quiyim vite ca nouaxanaxaset. Chaqai qai'neeta ỹovita ca laloqo' quiyim michi' na leuaxaiquipi, chaqai quiyim 'ỹaañitem ca nishiue' ná'maq relaataxai'pi ỹa'xatesac da ra'qaachiqui', ná'maq ỹaatqajam nañaanot aqami' quiyim imaqachintac da qadeenaxachi', lodegaxat, loqo'm cocho'qui'. Chaqai ỹovita ca laloqo' quiyim lauachi' ná'maq ralauataxantac quena 'laua.

Apocalipsis 20:2

Ca' sojo nelaatec ỹaconlec so isecỹac 'ec naanoc, só'maq ñauapeco' quen nanaic lodegaxat, ca' chaqaiso' só'maq na'ỹaapec chaqai Satanás, ca' coñirari' quesaua mil ñaxari.