Eclesiastés 3:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Chaqai sa'den quiyim ná'ogue ná'maq ỹo'uet ñi qota'olec sqaica ca lqodoc. Ca' qaica quet cá'maq qaỹoqotec chaqai cá'maq qanaqata'a. Ñi qota'olec 'ne'tegue dajo da lo'ueenataxanaxac, qaiyi se qanapacalec ñi'maxare.

Eclesiastés 3:14 Iomraidhean Croise

Salmos 33:11

qam ná'maq 'neeta'pegue ñi qara'gaxala' qaica idaxan, chaqaidaata da 'neetari'.

Eclesiastés 12:13

Ca' ime da ỹa'qaatqaipi. Ná'ogue shi'gue sa'xat. Maqachiñi' ñi qota'olec chaqai 'viichi' naua lelaataxanaxaco, ma' chaqaida dá'maq 'em quiyim qaỹo'uet na qom.

Eclesiastés 7:18

Dá'maq paguec la'maxa quiyim ỹaatqajam qanolliichiguiñi dajo, qam se qoỹaxanec queda nqai'laxat dajo liỹa. Cá'maq imaqachin ñi qota'olec, ca no'uen ca 'neeta quená'ogue najo.

Hechos 2:23

Qam na' qoỹaanouguilo qamiri quiyim ipaquichigui nqohin dá'maq la'deenataxanaxac ñi qota'olec nallaaqo', ca' qamiri coñirii chaqai lauachii, qaipatentaho nqai'ñii queso qomyipi hualoxonyipi.

Hechos 4:28

Ca' saua'maxare co'na' ỹo'ueete' dajo, ỹaatqajam taachigui nqai'ne' dá'maq shi'gue 'maxachisañi, ca ipaquichigui nqohin.

Hechos 5:39

Qam no'm ñi qota'olec lo'ueenataxanaxac, ca' qamiri sqai shichii huagaxachiỹac. Vichiguiño' rovichiỹari', 'neeto' loguiita'pegue', pa'guiñitac ñi qota'a.

Romanos 11:36

Ma' ná'ogue nanchaqaina chicqo'ot ñi qota'olec, chaqai chi lo'ueenatqaipi ñi'maxare, chaqai chi lalamaxareteripi. Ca vichiguiño' ¡se neme semaqachinqatac ñi qota'olec! Ajá'a, chaqaida 'neeta dajo.

Efesios 3:11

Ca' dajo ỹo'uet ñi qota'a, qam nachiñi'chiguit nqai'en dá'maq sqaica lqodoc ỹahotaque ñi'maxare, ca ipaquichigui imigui nqai'en queso qara'gaxala' Jesucristo.

Tito 1:2

chaqai qai'neeta ỹa'deenta da quitaxac queda chaalataxac sqaica lqodoc. Dá'maq ỹachaxantac na' saqa'leca na 'laua ñí'maq qota'a, ma' ñí se na'majan.

Santiago 1:17

Ná'ogue na ỹa'maqachiguiñi chaqai na naloochiguiñi quená'maq qoỹaanema qomi', na'maxare chicqashiguim chicqo'ot ñi qota'a, ñí'maq lo'ueenata na coỹarelec najo. Ñi'maxare se nadalaxatalta' chaqai se nqo'in quiyim 'ec chicqochigui ca la'al.

Apocalipsis 15:4

¿Negue' queto' cá'maq se no'cha'a qami', qami' qara'gaxala'? ¿Negue' queto' cá'maq se imaqachin aqami'? Ma' chaqaqamite' qami' co'teeta, chaqai anac ná'ogue na ỹoreta'oguit qomyipi, ca' imaqachin aqami'. Ma' qaiuanchigui quiyim sqaica ca se ỹa'maxañi quená'ogue ná'maq 'viichi'.