Eclesiastés 3:12 - La'qaatqa ñi qota'olec Qota'olec & Qota'olec Novita Na Qomyipi

¹² Ỹim sa'den quiyim dá'maq paguec la'maxa quiyim ỹo'uet ca qom, reualaxaitac chaqai ỹo'uet cá'maq ỹa'maqachiguiñi queda nachaalataxac.

Eclesiastés 3:12 Iomraidhean Croise

Eclesiastés 11:9

Qami' ne'necolec, hualaxai'sac queda nachaalataxaqui' ma' ñaqaqami' nogot. Quiisa'pegue' da ra'deenataxanaxaqui' quená'ogue ná'maq 'ajñisac, qam 'neeto' lotqai 'laxachite quiyim quedá'ogue dajo rimichi' ma'le ñi qota'olec.

Eclesiastés 2:24

Dá'maq paguec loyac quiyim ỹo'uet ca qom 'neetasa': que'e chaqai ne'et, chaqai ỹouen cá'maq laseue' da lo'ueenataxanaxac, ma' sanata quiyim dajo qai'neeta chicqo'ot ñi qota'olec.

Eclesiastés 2:3

Ca quedá'maq ỹa'deenataxanaxac quiichigui nqaishin da na'deenaxanaxa, sahotaque se'guen da lo'ueenataxanaxac na lataxa. Ca' lotqai yimelec ñi'et, ma' sahotaque sa'den quiyim chaqaido' dá'maq paguec la'maxa queca qom quenaua na'xatarolqai' quiyim ñaq ỹouootegueri' quena 'laua.

Eclesiastés 3:22

Ca' yitan quiyim qaica quet cá'maq paguec loyac quena qom, ta'ta'a quiyim netoonta'gue ná'maq chicqaugui da lo'ueenataxanaxac, ma' chaqaida dá'maq icoñiguit, ma' qaica quet cá'maq iuanaxanaxanegue cá'maq 'neeta quiyim ma' ime ileu.

Isaías 64:5

Qami' coñichiguit ca raỹaacotalec quiyim ỹo'ueetetac ca ỹa'maqachiguiñi chaqai se ỹa'laxate quiyim ỹo'uet dá'maq vi'saque. Qami' 'ohisari', ma' 'ue dá'maq qarasauaxaset; chaqai mashic shi'gom so'maqajanqatac aqami'.

Lucas 11:41

Ca' vichiguiño' qamiri quiyim chitaxanataxañii, qam 'ỹaañiuec cá'maq pa'aauo, qaiyi ná'ogue co'teeta.

Hechos 20:35

'Eda da chaqai'en ỹapaxaguinataxanaxac caqamiri quiyim 'ueenataxañii chaqai tauañii na 'ue ca louenaxanaxa. Sqai 'laxachii da la'qaatec so qara'gaxala' Jesús, na' 'naac: “Paguec la'maxa quecá'maq rachitaxanataxan, quecá'maq 'ue ca icoñiguit.”

Deuteronomio 12:7

Ca' cá, hua'ñi, ca qui'ii, qaiyi ỹauanchiguilo qamiri ñi qara'gaxala' ñí'maq qota'olec caqamiri, rqui'ỹaxauahi ca qachaalaxahipi, netooñigue cá'maq chicqaugui ca ro'ueenataxanaxaguii quedá'maq lqouagaxa ñi qara'gaxala' ñí'maq qota'olec caqamiri.

Deuteronomio 26:11

Ca ma' ime, ca 'viichi' ca remaqachiqui', taỹaugui nqai'ñi' ná'ogue ná'maq lqouagaxa caqami' ñi qara'gaxala' qota'olec caqami' chaqai ná'ogue na qachaalaxai'pi. Qai'neeta nouanau'a nqai'ñi' da netoonaxaqui' na llaalqaipi so Leví chaqai ná'maq ỹoqa'a ca chicqa'gue neetauguilo qamiri.

1 Timoteo 6:18

'Ñirapega na'maxare quiyim ỹo'uet cá'maq no'uen, qaiyi 'ec lesallaxa da'maxare quiyim ỹo'uet cá'maq ỹa'maqachiguiñi. Chaqai qaica ca huapigui lauel, ta'ta'a quiyim 'ue ca ỹaan lotaanaxanaxat.