Eclesiastés 3:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ma' ñi'maxare na' ñaqai chita'gue ỹo'uet, ỹaatqajam lo'yaxanec nqai'en ná'ogue; chaqai illaagui yi la'deenataxanaxac na qom quiyim ỹa'deentapega ná'maq sqaica lqodoc, 'eno'm na qom se ỹovi' quiyim ỹa'den quet da lecaic ñi qota'olec quená'maq lo'ueenatec chaqai quecá'maq ỹo'uet ma'le.

Eclesiastés 3:11 Iomraidhean Croise

Génesis 1:31

Ca' ñi qota'olec iuana quiyim sá'ogue so lo'ueenatec ỹa'maqachiguiñi. Ca' chaqaido' dá'maq 'neeto' na'le na' ỹovirerec saua seis na'xata'.

Job 11:7

¿'Ñiisapego' vichirau'a na se re'xogui no'ueenataxaquipi ñi qota'olec, ca' shichi' vichirau'a cá'maq se re'xogui leloxoỹaxac ñi'maxare?

Salmos 104:24

¡Ỹaatqajam 'xoic na ro'ueenachiqui', qami' ỹa'gaxala'! Ná'ogue na'maxare chicqochigui da ra'deenaxanaxa'e'; ¡ná'ogue na 'laua no'qajlec quená'maq ro'ueenachiqui'!

Eclesiastés 1:13

Ca' ỹaatqajam ñomatalta' quiyim sa'ajan chaqai ñapaxaguina queda chi ỹa'deenaxanaxa ná'ogue ná'maq qaỹo'ueetetac quena 'laua. Ca' ¡chalego lecaic dá'maq ñi qota'olec illaalec na ỹalliripi, qaiyi nemanachit nqai'en na qomyipi!

Eclesiastés 8:17

ca' paguec yitan quiyim na qom se ishit ỹa'den dá'maq ỹo'ueetetac ñi qota'olec chaqai ná'maq 'ue quena 'laua. 'Eno'm chalego ca na'ñaaqataxac idaantaque ca leloxoỹaxac, qam se ỹanata; 'eno'm cá'maq 'deenaxanqachaqaic 'naac ỹa'den, qam dá'maq ỹaatqajam lliqueta quiyim saqa' ỹanata ca leloxoỹaxac.

Mateo 11:27

Ñi ita'a ỹomato'ot aỹim ná'ogue nanchaqaina. Ca' qaica cá'maq ỹaatqajam ỹa'den najo llaalec, ta'ta'a ñí'maq leta'a. Chaqai qaica cá'maq ỹaatqajam ỹa'den ñi'maxare, ta'ta'a najo llaalec chaqai ná'maq na llaalec ỹahotaque ỹa'deenaxanaxanegue ñi'maxare.

Mateo 13:22

Chaqai asó'maq nanecse tajlec ca hua'ñi ca leesat, ca 'nejem ca qom quiyim 'xaỹa da na'qaatec. Qam imelec ná'ogue nanchaqaina hueetalec na 'laua, ca' da nesallaxa ỹayin, ca dá'ogue dajo ỹapolec da na'qaatec, ca' se ỹa'ue ca laỹaxac cajo qom.

Marcos 7:37

Ca ỹaatqajam 'xoic da ne'laxa, ca qohinaco' quen: —Ỹaatqajam ná'ogue ná'maq ỹo'ueetetac ỹa'maqachiguiñi, ma' vire'ta na ra'ñaagui lqahic 'qaa nqai'en, chaqai na qaicaua la'qaatqa retaqa nqai'en.

Romanos 1:28

Ma' mashic tot ỹa'deenapega ñi qota'a, ca' ñi'maxare ca'e na'maxare quedá'maq se no'uen la'deenataxanaxac, qaiyi ỹo'uet ná'ogue ná'maq se no'uen.

Romanos 11:33

¡Ỹaatqajam chalego lecaic da lqouagaxa ñi qota'olec, chaqai da la'deenaxanaxa, chaqai qaỹaataq ca ỹa'den! Chaqai se sa'deenaq quiyim sa'xataxe' naua na'deenaxaco, chaqai vire'ta se sa'deenaxe' naua nayicyaxaco.