Eclesiastés 2:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ỹaatqajam ỹim choxoraic chaqai vire'ta sapacauec quesá'ogue só'maq 'auaxaiquipi caỹim quiyi Jerusalén. Qam quedá'maq dajo se na'laañi da na'deenaxanaxa caỹim.

Eclesiastés 2:9 Iomraidhean Croise

1 Reyes 10:23

Ca' so Salomón ỹaatqajam napacalec na liỹa nashillipi quena 'laua queda lesallaxa chaqai queda la'deenec so'maxare.

1 Reyes 10:7

qam qainaquita ỹaatqajam seuelec nagui, ma' ñovi', ca' seuanchigui quenaua ñqote'. Qam mesqai ỹaatqajam ná'ogue qaỹa'xat, vire'ta ñaq lavinñi quet ca qaỹa'xat quená'ogue ná'maq rovinqui', ma' paguec na'maxare quená'maq ỹa'xaỹaxac quen.

1 Reyes 3:12

ca' ỹim saañiraxarom ná'maq shiilaxañisaque: saanem qami' da na'deenaxanaxa, qaiyi qaica ca qalañiralec, ca' qaiyi qaica ca 'nejem qami' queso 'auaxaiquipi chaqai na co'uaataxanaxaiquipi.

Eclesiastés 1:16

Ca' na'le, ca' ñanecalta', ca' shinac: 'Ena seuete'e, 'ec ỹim chalego lecaic ỹale, paguec ỹa'deenaxanaxa quesá'ogue só'maq 'au nashillipi quena Jerusalén; ỹaatqajam ñomatalta' ñañaañiguit da na'deenec chaqai na'deenataxanaxac chaqai da hualoxonqaishic chaqai da mogollishic, qam qaidaata quiyim yitan quiyim dajo 'ec cá'maq ỹahotaque nollaañi ca nonot.

Eclesiastés 5:11

ma' quiyim nqo'neuec aca lam, ca' nqo'neuec acá'maq igajten. Ca ¿negue' cá'maq laueguec quiyim 'ue aca hueeto'ot? Ta'ta'a quiyim chi ỹa'ajantac acá'maq hueeto'ot.