Eclesiastés 2:3 - La'qaatqa ñi qota'olec Qota'olec & Qota'olec Novita Na Qomyipi

³ Ca quedá'maq ỹa'deenataxanaxac quiichigui nqaishin da na'deenaxanaxa, sahotaque se'guen da lo'ueenataxanaxac na lataxa. Ca' lotqai yimelec ñi'et, ma' sahotaque sa'den quiyim chaqaido' dá'maq paguec la'maxa queca qom quenaua na'xatarolqai' quiyim ñaq ỹouootegueri' quena 'laua.

Eclesiastés 2:3 Iomraidhean Croise

Génesis 47:9

Ca' so Jacob 'naaco': —Mashic sovite' yaua ciento treinta ñaxari quiyim ñamaqategueri' saachi'ñalo. Sqo vite', qam se no'viiñi naua seuetauguilo ñaxari. Ma' saqa' sovite' nagui caua ñaxari ỹovite' yí'maq 'auaxaic ita'allipi.

Job 14:14

Ca no'm ileu ca qom, ¿peeta'a liỹo' nca'leuec? Ca' ỹim sauaanaxantac queta'le quenaua'que naua na'xata', vire'ta queta' novi' ca lachiguimqa' naua i'xoyaxaco.

Salmos 104:15

ca loq, qaiyi 'ue ca lquesaxanaxa, chaqai 'uva li'i, qaiyi netoon da nachaalataxac, ca ỹo'uet quiyim nenoqouec na lashic 'ec na'meentapigui ca 'aceite.

Eclesiastés 12:13

Ca' ime da ỹa'qaatqaipi. Ná'ogue shi'gue sa'xat. Maqachiñi' ñi qota'olec chaqai 'viichi' naua lelaataxanaxaco, ma' chaqaida dá'maq 'em quiyim qaỹo'uet na qom.

Eclesiastés 2:24

Dá'maq paguec loyac quiyim ỹo'uet ca qom 'neetasa': que'e chaqai ne'et, chaqai ỹouen cá'maq laseue' da lo'ueenataxanaxac, ma' sanata quiyim dajo qai'neeta chicqo'ot ñi qota'olec.

Eclesiastés 7:18

Dá'maq paguec la'maxa quiyim ỹaatqajam qanolliichiguiñi dajo, qam se qoỹaxanec queda nqai'laxat dajo liỹa. Cá'maq imaqachin ñi qota'olec, ca no'uen ca 'neeta quená'ogue najo.

Mateo 6:24

Qaica ca ishit quiyim dos caua na'cooro'. Ma' ỹamaqa'gue ca 'óna chaqai nqo'ta ca liỹa, loqo'm 'xaỹaxanaxaraic queca 'óna chaqai se ỹaqamaq queca liỹa. Ca' se ishit qaro'ueenataxanot ñi qota'olec chaqai aca re'qoochigui plata.

Efesios 5:18

'Neeto' lotqai rquiñiuguichii, ma' dajo tai'a quiyim na'laañi nqai'en ca qom. Ta'ta'a quiyim no'qaachiguilo qamiri queso Espíritu Santo.

Jueces 9:13

Qam aso 'uva lashi 'naaco' 'e', ma' no'm nashi cana qo'paq, ca' ỹaxanñi quiyim 'ue ana la chicqaugui na lataxa, ná'maq ishit quiyim ỹa'ue quiyim netoon ca qom chaqai ñi qota'olec.

1 Samuel 25:36

Ca co'na' aso Abigail pila'a cá'maq neeta'ñi so Nabal, ca so'maxare ỹo'ueetetac so nqui'ỹaxac lodegaxat 'ec ca lqui'ỹaxac ca nashi, chaqai ỹaatqajam raỹaacotac chaqai quiñiuguetaxaic. Vichiguiño' aso'maxare qaica ca 'naapega, ta'ta'a queso liỹa nete'e.