Eclesiastés 2:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Dá'maq paguec loyac quiyim ỹo'uet ca qom 'neetasa': que'e chaqai ne'et, chaqai ỹouen cá'maq laseue' da lo'ueenataxanaxac, ma' sanata quiyim dajo qai'neeta chicqo'ot ñi qota'olec.

Eclesiastés 2:24 Iomraidhean Croise

1 Reyes 4:20

Ỹaatqajam 'xoic na qomyipi neeta'ñi yi Judá chaqai yi Israel, tot qaishit qanaloqochin, 'nejem na lo'uaxanaxa hueeto'ot na lahi aso huaaxai. Chaqai ỹaatqajam 'xoic na na'ic chaqai na qani'chigui, chaqai 'xoic da na'maxa.

Nehemías 8:10

Chaqai qai'neeta 'naac so Esdras: —Mohi, a'guii cá'maq no'uen na'ic, chaqai ni'chiigui cá'maq lataxa chaqai nouañite'e' cá'maq qaica ca loq ỹa'maxatetañi, ma' najo na'xa'a lalamaxaret ñi qara'gaxala'. Totaxan chigoita, ma' se'guenqot da la'maxa lauel ñi qara'gaxala'.

Eclesiastés 2:10

Se ỹauanapega quiyim sqai shigue'uegue ca ishoxo; se ỹauanapega quiyim se salequetaho queca nemaqachic. Ỹaatqajam ñitoon quedá'ogue dá'maq ỹo'ueenataxanaxac, ca' dajo ñitoonaxac, da'maxare chi ñishiue'.

Eclesiastés 2:25

Ma' ¿negue' quet cá'maq ishit que'e, loqo'm netoontac, no'm mesqaiñi ñi'maxare ỹo'uet?

Eclesiastés 2:3

Ca quedá'maq ỹa'deenataxanaxac quiichigui nqaishin da na'deenaxanaxa, sahotaque se'guen da lo'ueenataxanaxac na lataxa. Ca' lotqai yimelec ñi'et, ma' sahotaque sa'den quiyim chaqaido' dá'maq paguec la'maxa queca qom quenaua na'xatarolqai' quiyim ñaq ỹouootegueri' quena 'laua.

Eclesiastés 3:22

Ca' yitan quiyim qaica quet cá'maq paguec loyac quena qom, ta'ta'a quiyim netoonta'gue ná'maq chicqaugui da lo'ueenataxanaxac, ma' chaqaida dá'maq icoñiguit, ma' qaica quet cá'maq iuanaxanaxanegue cá'maq 'neeta quiyim ma' ime ileu.

Eclesiastés 5:17

Chaqai dá'maq liỹa paguec la'aaxa, quiyim dá'ogue da nachaalataxac hueetaugui na napalaxa, chaqai 'xoic da ledaxac, nqui'ic chaqai da lauelgaxanaxac.

Hechos 14:17

Qam ñaqaiyiita da nachaxanaxac ñi'maxare, quedá'maq no'uen lo'ueenataxanaxac, quena' ỹa'ue na ỹaxat, chaqai lo'yaxanec nqai'en na laỹaxac na nanecsec, chaqai sqoue nqai'en ca qonoq, ca' qomi' ñitoonqatac.

1 Corintios 15:32

Ỹim shiquiaxam ỹaatqajam seloguiỹa'e' na iseripi na'le quiyi Efeso; qam ¿nega'ỹo' ca ỹaueguec quedajo? No'm llic quiyim tot nca'leuec nqohin ná'maq mashic ileu, ca' ỹaatqajam 'chiñi quiyim llic da na'qaatec 'neetasa': “Squi'ỹaq, chaqai ñi'taq, ma' ma' nete'e, ca qareleu.”

Deuteronomio 12:12

Ca ma'le, ca' 'viichii ca rqui'ỹaxaguii, iuanchiguilo qamiri ñi qara'gaxala'. Rqui'ỹaxauahi na qachaalaxahipi chaqai naua relaataxahi chaqai naua lotauaripi na netaxaỹaxanqajanqaipi quiyim qaretaxaỹa'pegue' ñi qota'a neetauguilo qamiri, ma' na'maxare se qoỹaanem cá'maq ỹaatqajam lalamaxaret la'a'.

1 Timoteo 6:17

Chaqai ná'maq mashic ỹovita quiyim mashic nesallaxanec, ca' 'ñirapega quiyim se nemaqajnaxai, chaqai sqai hueetagui nqai'en ca naquitaxac da lesallaxa, ma' da'maxare sqai 'neetari'. Ta'ta'a quiyim illo'ot da naquitaxac ñi qota'a, ma' nca'leetauec ñi'maxare, chaqai ỹaanema qomi' ná'ogue ná'maq qarouenec, qam ỹapacauec nqai'en, ca lotqai ñitoonqata'pegue.