Eclesiastés 2:23 - La'qaatqa ñi qota'olec Qota'olec & Qota'olec Novita Na Qomyipi

²³ 'Xoic da le'xoric queda nachaalataxac, ỹaatqajam qaica ca lo'daqa'; vire'ta quiyi pe se nco'majñi, ra'deenataxantac. ¡Ca' dajo qai'neeta qaica ca 'negue!

Eclesiastés 2:23 Iomraidhean Croise

Génesis 3:17

Chaqai 'naaco' quesó'maq ỹale: —Sauaxat ma' na'xaỹaxañiteto' ada roua'e' co'na' 'qui' aca la ada qo'paq dá'maq shinac quiyim sqa 'qui', ca nagui na 'laua huaalec na se no'uen sauaxat qami'. Ỹaatqajam 'ue da na'ñaaqataxaqui' quiyim 'ueenataxañi', ca' qaigueme 'ue ca qanoqe' quenaua'que naua na'xata' queda nachaalataxaqui'.

Génesis 47:9

Ca' so Jacob 'naaco': —Mashic sovite' yaua ciento treinta ñaxari quiyim ñamaqategueri' saachi'ñalo. Sqo vite', qam se no'viiñi naua seuetauguilo ñaxari. Ma' saqa' sovite' nagui caua ñaxari ỹovite' yí'maq 'auaxaic ita'allipi.

Ester 6:1

Ca' chaqaiso sojo pe so nashi sqaica ca lelaxac, ca vire'to' na' relaataxana'a quiyim qanodori' aso lere hueetalec ná'ogue ná'maq lodegaxat qaỹo'uet quiyí'maq qoyintalec 'laua, ca' qana'xaỹaxana quiyim qaretaqalec.

Job 14:1

Ca ỹale chicqaugui ana 'aalo, ca'maxare se ladoc da nachaalataxac, chaqai 'xoic na taalec le'xoric.

Job 5:7

chaqaina na ỹale ná'maq chicqaugui da ne'xoric, 'nejem na norec chicqañigui aca raqataxai poqo.

Salmos 127:2

Qaica quet cá'maq 'negue quiyim na'xa'alom ro'ueenataxantac ca qom, chaqai quiyim chalego lesoochi qaiyi 'ue aca lauegue lqui'ỹaxaqui, ma' ñi qota'olec ỹaanem ca loq quena' laqatam ná'maq nqo'ta ñi'maxare.

Salmos 32:4

ma' quiyi na'xa'a chaqai quiyi pe ñauateta'guit da lesallaxa na rqai'laxachi'. 'Ec ana lenoỹaxai ỹasoxot na npa'ỹaaxa quiyi ñaaxa, ca' chaqaida dá'maq 'neeta dá'maq shintari' na'le.

Salmos 90:15

Ladoc nqai'ñi' da qanachaalataxac, ỹocane' nqai'ñi' saua ñaxari qare'xoyaxaqui'.

Eclesiastés 1:13

Ca' ỹaatqajam ñomatalta' quiyim sa'ajan chaqai ñapaxaguina queda chi ỹa'deenaxanaxa ná'ogue ná'maq qaỹo'ueetetac quena 'laua. Ca' ¡chalego lecaic dá'maq ñi qota'olec illaalec na ỹalliripi, qaiyi nemanachit nqai'en na qomyipi!

Eclesiastés 1:18

Dá'maq quiyim paguec da na'deenaxanaxa, ca' paguec ca nedaxac; chaqai no'm paguec na qaỹa'den, paguec ca ne'xoric.

Eclesiastés 2:11

Ime, ca' sa'ajan dá'maq chi ỹo'ueenataxanaxac, chaqai dá'maq idaxac na' so'ueetetac. Ca na'le, ca' yitan quiyim ná'ogue qaica quet cá'maq 'negue, 'ec sahotaque iconecsec na nonot, chaqai quiyim qaica quet cá'maq 'negue quenajo 'laua.

Eclesiastés 5:12

Cá'maq ro'ueenataxan, 'eno'm cocho'qui' ca ỹa'ic loqo'm 'xoic, qam ỹaatqajam 'te'tegue ca lelaxac; qam ca nesallaxanec da lesallaxa sqai 'tegue nqai'en da lelaxac.

Eclesiastés 5:17

Chaqai dá'maq liỹa paguec la'aaxa, quiyim dá'ogue da nachaalataxac hueetaugui na napalaxa, chaqai 'xoic da ledaxac, nqui'ic chaqai da lauelgaxanaxac.

Eclesiastés 8:16

Ma' na' ỹaatqajam sahotaque sa'den chaqai quiyim seuana ná'ogue ná'maq qaỹo'ueetetac quena 'laua, vire'ta na' tot qaica ca ilaxac quiyi pe chaqai quiyi na'xa'a,

Daniel 6:18

Ca na' ime, ca' so nashi quepegue' yi la'a', ca' nenanñi, se que'e chaqai le'ne' nqai'ne' naua chaqai leuallaxaviaxaco, chaqai qaica ca lelaxac quesá'ogue so pe.

Hechos 14:22

Ca' saua'maxare ỹa'ñaxatesac sauá'maq neesalec yi 'laua so mashic icoñiguit da na'qaatec quiyim na'ñaxate'tegue da lpi'ỹaxac. Chaqai 'neraco' quiyim ỹouen 'xoic le'xoric ca qom, ca' qaigueme inoxoneu'a da lo'ueenataxanaxac ñi qota'a ma' ỹoiquentac ná'ogue najo.