Eclesiastés 2:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Vire'ta se yqo'ta qai'neeta ná'maq ime ỹo'ueenatec quena 'laua, ma' ná'ogue taỹot ma'le cá'maq renoto quiyim nashi.

Eclesiastés 2:18 Iomraidhean Croise

Eclesiastés 1:13

Ca' ỹaatqajam ñomatalta' quiyim sa'ajan chaqai ñapaxaguina queda chi ỹa'deenaxanaxa ná'ogue ná'maq qaỹo'ueetetac quena 'laua. Ca' ¡chalego lecaic dá'maq ñi qota'olec illaalec na ỹalliripi, qaiyi nemanachit nqai'en na qomyipi!

Eclesiastés 1:3

¿Nega'ỹo' cá'maq naqat ca ỹale quiyim paguelec ca lo'ueenataxanaxac quenajo 'laua?

Eclesiastés 2:11

Ime, ca' sa'ajan dá'maq chi ỹo'ueenataxanaxac, chaqai dá'maq idaxac na' so'ueetetac. Ca na'le, ca' yitan quiyim ná'ogue qaica quet cá'maq 'negue, 'ec sahotaque iconecsec na nonot, chaqai quiyim qaica quet cá'maq 'negue quenajo 'laua.

Eclesiastés 2:21

ma' mashic 'ue ná'maq ỹomatalec da la'deenaxanaxa chaqai da lquesaxanaxa quená'maq ỹo'uet, ca' ỹaanot cá'maq se ro'ueenataxan, ca' dá'ogue ỹomatalec ca'maxare. ¡Ca' dajo qai'neeta quiyim qaica quet cá'maq 'negue chaqai ỹaatqajam se no'uen!

Eclesiastés 2:26

Llic quiyim ñi qota'olec ỹa'ue da na'deenaxanaxa chaqai da toonaxac quecá'maq nqo'ta ñi'maxare; qam cá'maq 'ue ca lasauaxaset, ca' iỹoxolec quiyim nqo'neuec chaqai lapoonñi na lesallaxa, ime, ca' ỹaanem cá'maq nqo'ta. ¡Qam qai'neeta dajo qaica ca 'negue chaqai 'ec qaỹahotaque neconecsec na nonot!

Eclesiastés 3:22

Ca' yitan quiyim qaica quet cá'maq paguec loyac quena qom, ta'ta'a quiyim netoonta'gue ná'maq chicqaugui da lo'ueenataxanaxac, ma' chaqaida dá'maq icoñiguit, ma' qaica quet cá'maq iuanaxanaxanegue cá'maq 'neeta quiyim ma' ime ileu.

Eclesiastés 4:3

qam 'eno'm paguec la'maxa da 'neetari' ná'maq saqa' ne'qaañi, ma' saqa' iuana ná'maq qaỹo'ueetetac se no'uen quena 'laua.

Eclesiastés 9:9

Chita'gue lotqai 'viichi' cá'maq vi'saque cacá'maq rqo'chita 'aalo, queda nachaalataxaqui' qaica cá'maq leloxoỹaxac ỹaañiraxarom ñi qota'olec quena 'laua; ma' chaqaidaata dá'maq naqachi' ma'le quedá'ogue dá'maq ro'ueenataxanaxaqui' quena 'laua.

Lucas 12:20

Qam ñi qota'olec 'naapego': “Qami' ỹale ỹaatqajam qaico' ca 'yiiñiraque, quena pe qami' rillivi', ca' ná'ogue ná'maq 'maxachi'sac, ¿negue' cá'maq taalec ma'le?”

1 Corintios 3:10

Ca aỹim shintam ca nashi queca 'imec lo'ollipi, ma' ñi qota'a ỹamaxailec quiyim sa'auaxanñi so no'xonaxala' ca 'imec, ca' na liỹaripi no'xonshiguim so'maxare. Qalaxam quiñi 'óna ỹouen quiyim ra'ijlec ca leloxoỹaxac quiyim no'xonshiguim.