Eclesiastés 2:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Se ỹauanapega quiyim sqai shigue'uegue ca ishoxo; se ỹauanapega quiyim se salequetaho queca nemaqachic. Ỹaatqajam ñitoon quedá'ogue dá'maq ỹo'ueenataxanaxac, ca' dajo ñitoonaxac, da'maxare chi ñishiue'.

Eclesiastés 2:10 Iomraidhean Croise

Génesis 3:6

Ca' aso 'aalo iuana quiyim aso qo'paq chalego loyac. Ca 'uo' da lishoxo quiyim ỹa'ic, qaiyi 'ue ca la'deenec. Ca' naqato' na'le aso la, ca' ỹa'ic, ca' ỹaanem qai'neeta so loua. Ca so'maxare ỹa'ic.

Génesis 6:2

Ca' so llaalqaipi ñi qota'olec ỹa'ajanac quiyim lo'yaxanaipi so 'aallipi. Ca' nca'agui sá'ogue, ca' icona quiyim loua acá'maq nqo'ta.

Proverbios 23:5

No'm ỹaatqajam 'ajñite', ca' huañita quiyim qaica ca nesallaxa; ca' chita'gue, ca eec ỹoota 'ec na chirálo, 'ec ñaxaterec caua laua'.

Eclesiastés 11:9

Qami' ne'necolec, hualaxai'sac queda nachaalataxaqui' ma' ñaqaqami' nogot. Quiisa'pegue' da ra'deenataxanaxaqui' quená'ogue ná'maq 'ajñisac, qam 'neeto' lotqai 'laxachite quiyim quedá'ogue dajo rimichi' ma'le ñi qota'olec.

Eclesiastés 2:1

Na'le, ca' lotqai ñanecalta', ca' shinac: Hua' nagui, ca' se'guen na nishiquiaxac. ¡Qam vire'ta da'maxare qaica ca 'negue!

Eclesiastés 2:22

Ca' quedajo, ca' ¿negue' quet cá'maq naqat ca qom quiyim 'xoic ca lo'ueenataxanaxac chaqai quiyim 'xoic ca leuogoxo quena 'laua?

Eclesiastés 2:24

Dá'maq paguec loyac quiyim ỹo'uet ca qom 'neetasa': que'e chaqai ne'et, chaqai ỹouen cá'maq laseue' da lo'ueenataxanaxac, ma' sanata quiyim dajo qai'neeta chicqo'ot ñi qota'olec.

Eclesiastés 3:22

Ca' yitan quiyim qaica quet cá'maq paguec loyac quena qom, ta'ta'a quiyim netoonta'gue ná'maq chicqaugui da lo'ueenataxanaxac, ma' chaqaida dá'maq icoñiguit, ma' qaica quet cá'maq iuanaxanaxanegue cá'maq 'neeta quiyim ma' ime ileu.

Eclesiastés 5:10

Cá'maq nqo'ta quiyim 'xoic aca lam, se neme da lishoxo; cá'maq nqo'ta quiyim nesallaxanec, se ỹauana quiyim nalootañi nqai'en aca lam. Ca' dajo qai'neeta qaica quet cá'maq 'neeta,

Eclesiastés 5:17

Chaqai dá'maq liỹa paguec la'aaxa, quiyim dá'ogue da nachaalataxac hueetaugui na napalaxa, chaqai 'xoic da ledaxac, nqui'ic chaqai da lauelgaxanaxac.

Eclesiastés 9:6

Quiyi, ca' lqodoc da le'xorenataxanaxa, da lauelgaxanaxac, chaqai da le'xoric, chaqai tot qaiconape'oga quecá'maq qaỹo'uet quena 'laua.

Eclesiastés 9:9

Chita'gue lotqai 'viichi' cá'maq vi'saque cacá'maq rqo'chita 'aalo, queda nachaalataxaqui' qaica cá'maq leloxoỹaxac ỹaañiraxarom ñi qota'olec quena 'laua; ma' chaqaidaata dá'maq naqachi' ma'le quedá'ogue dá'maq ro'ueenataxanaxaqui' quena 'laua.

1 Juan 2:16

Ma' qaica quet cá'maq hueetalec ana 'laua quená'maq nanatqaipi se no'uen chicqo'ot quet ñi qota'olec, ta'ta'a quiyim chaqaina ná'maq 'laua hueetalec. Na se no'uen lamaanaxanqachic na qaroshicmaxa, ná'maq qarishoxo quiyim hueeto'oto qomi' ná'maq qarqo'ta quenaua qanqote', chaqai da maqajnaxac quenanchaqaina queda qanachaalataxac, ná'ogue najo ná'maq seuanaxa qaỹachaxantac, qam chaqai hueetalec najo 'laua.