Eclesiastés 2:1 - La'qaatqa ñi qota'olec Qota'olec & Qota'olec Novita Na Qomyipi

¹ Na'le, ca' lotqai ñanecalta', ca' shinac: Hua' nagui, ca' se'guen na nishiquiaxac. ¡Qam vire'ta da'maxare qaica ca 'negue!

Eclesiastés 2:1 Iomraidhean Croise

Génesis 11:7

Ca 'maxaraic quiyim yinotaxauec, ca ỹoricchi nqaishinaxai' naua la'qaatqa, qaiyi mesqai 'xaỹata'.

2 Reyes 5:5

Ca só'maq nashi quiyi Siria 'naaco' queso'maxare: —Ỹa'maqachiguiñi, mo'e', qui', ca' ỹim so'ueeto' aca ilaata queca nashi quiyi Israel. Ca co'na'le, ca' so Naamán eec, ca ỹo'uet aso i'xat treinta mil aso lecat chicqaugui ana plata, chaqai seis mil aso lecat chicqaugui na 'oro, chaqai diez so nooỹac naloochiguiñi.

Salmos 14:1

Na se nouoguiñi 'neetapigui lauel qaica ñi qota'olec: ná'ogue ỹo'meetajlec; chalego la'aaxa na ỹo'ueetetac; ¡qaica quet cá'maq ỹo'uet ca ỹa'maqachiguiñi!

Salmos 27:8

Añi i'taxanata 'naac caỹim: Daañiraque quiyim huañita ñi qara'gaxala'. Ca' ỹim sahotaque quiyim seuañiraxaua', qami' ỹa'gaxala'.

Eclesiastés 11:9

Qami' ne'necolec, hualaxai'sac queda nachaalataxaqui' ma' ñaqaqami' nogot. Quiisa'pegue' da ra'deenataxanaxaqui' quená'ogue ná'maq 'ajñisac, qam 'neeto' lotqai 'laxachite quiyim quedá'ogue dajo rimichi' ma'le ñi qota'olec.

Eclesiastés 2:10

Se ỹauanapega quiyim sqai shigue'uegue ca ishoxo; se ỹauanapega quiyim se salequetaho queca nemaqachic. Ỹaatqajam ñitoon quedá'ogue dá'maq ỹo'ueenataxanaxac, ca' dajo ñitoonaxac, da'maxare chi ñishiue'.

Eclesiastés 2:15

Ca' shinac: Dá'maq taỹa'gue ná'maq qaica ca ỹa'den, qai'neeta saỹa'gue; ca' qaica quet cá'maq 'negue quiyim 'xoic ca ỹa'deenaxanaxa. Ca ¡vire'ta dajo qaica quet cá'maq 'negue!

Eclesiastés 2:25

Ma' ¿negue' quet cá'maq ishit que'e, loqo'm netoontac, no'm mesqaiñi ñi'maxare ỹo'uet?

Isaías 5:5

Hua', ca' nagui sahotaque sa'xat cá'maq sahotaque shine'tegue ma'le yi ỹanaxanqa': ñaqat ma'le so lquepaxaset, qaiyi qanaqaguijñi; ropoxoỹa'gue nqaishin so lapoxonaxat, qaiyi qaico'uelec;

Isaías 50:5

Ñi qara'gaxala' nañan da ỹa'deenaxanaxa, ca' ỹim se sopilaxatauec chaqai mesqai quiyim se ña'xaỹaxana quet.

Lucas 12:19

Ime, ca' ñanecalta': Qami' ñachaalataxac, nagui mashic 'xoic na rovinqui' lapootañi, nalauguilo caua 'xoic ñaxaripi. Nagui, ca' nco'machirec, qui'i', ni'chi', chaqai netooñi'sac.”

Lucas 16:19

'Uo' so ỹale ỹaatqajam nesallaxanec, so'maxare ỹansegueñi naua paguec loyaague' noho, chaqai qaica 'nejme'. Ca' so'maxare ỹo'ueetetac quenaua'que naua na'xata' ca lodegaxat lqui'ỹaxac.

Lucas 16:23

Ca co'na' so nesallaxanec ỹaatqajam 'xoic da le'xoric queca hueeta'ñi lapooqo' na lqui'i na leuaxaiquipi. Ca' quiyi, ca' ra'ishiguim, ca iuane'ta so Abraham ỹaatqajam qoỹoqoshi'ma, chaqai so Lázaro huaqate'e' so'maxare.

Tito 3:3

Ma' qomi' qai'neete' quesom qaica ca sa'deenaq, ca' se ña'xaỹaxanaxalo naua la'qaatqa ñi qota'a. So'maqatajlec chaqai qolqata'pegue' da qarqo'itaxanqachic chaqai da qaramaanaxanqachic. Seuqataugui da se no'uen chaqai da npa'guenaxanaxa. Qomi' noquiiqate' chaqai chi ñoquiaaqata'ta'.

Santiago 4:13

Ca' nagui na'xaỹaxañiỹa da shinac, ma' qamiri quen ná'maq 'ñiỹac: “Nagui loqo'm nete'e saxaquerajo qolaqpegue' yi na'a' loqo'm yi liỹa. Ca ma' sovitaxa, ca senqa'ño'yi 'óna ñaaxa, sahoqe ca qaremeenec, qaiyi 'ue aca qarauegue.”

Santiago 5:1

¡Qamiri nesallaxanqaipi, ñaq na'xaỹaxañiỹa da ỹa'qaatec! Nohiñii chaqai naualaxaiñii quedá'maq naata'alo qamiri chalego lecaic re'xoriguii.

Santiago 5:5

Nagui quiyim ñaq co'viitalecna, ca' ỹaatqajam nañaañiguit ná'maq 'xoic lemaqachic chaqai na nqo'itaxanqachic. Nochaxarachichitac, 'ñiitari' aca nalauata huaca, qam nagui mashic ỹovita yi na'xa'a nalauataxaqui.