Eclesiastés 12:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ca ma' ime dajo, ca ná'maq chicqaugui na 'laua pilougui na 'laua, ca ñí'maq na'al pilot ñi qota'olec ñí'maq ỹañigui na'le.

Eclesiastés 12:7 Iomraidhean Croise

Génesis 18:27

Qam so Abraham liỹa 'naac: —Chi yi'xoriñi'sac quiyim 'ue da liỹa sa'xat caqami', ma' ỹaatqajam qami' qota'olec, ca' ỹim chaqaỹim qom.

Génesis 2:7

Co'na'le, ca' ñi qara'gaxala' qota'olec ỹo'xono' so qom ỹachigoxotaugui na 'laua. Ime, ca' pe'teu'guelo naua limiaqa lauaco, ca' ỹaanem da lca'laxa. Ca' so qom 'ue da lca'laxa.

Génesis 3:19

Ỹaatqajam nenoqoichiriñi 'ueenataxañi'sac, ca' qaigueme naviqui' ca qanoqe', chi ỹovireta'a ma' pillirougui na 'laua ná'maq chicqoiraugui na' qaro'viichi'. Ma' qami' 'laua na'le, ca' ñigui 'laua qami' ma'le.

Job 7:21

¿Sqai shichi'o' quiyim palaxachi' ca ỹasauaxaset? ¿Sqai shichi'o' quiyim sqai quirapeguem dá'maq se no'uen so'ueetetac? Ca sqaỹaloq ñichilneta seueta'guit na namoxoỹaxa, yidaañisaque, qa' tot qaica aỹim ma'le.

Salmos 103:14

ma' ñi'maxare ỹa'deenta cá'maq ỹachigoxotauguilo qomi' na' qaro'uet: ñi'maxare ỹa'deenta quiyim sachigoxosqaugui na 'laua.

Salmos 104:29

no'm 'xochiriñi na qashiiqui', ca na'maxare no'chi; ca no'm huootaxañira'gue na lacat, ca' ileu, ca' lotqai pilligui quiyim 'laua.

Salmos 146:4

ma' quena' ileu, ca' pilougui na 'laua, ca' chaqaica cá'maq na'xa'a, ca imeuo na na'deenaxaquipi.

Salmos 31:6

Ỹaatqajam se yqo'ta ná'maq nqouagaxaintacot na nqolaquipi qaica ca 'negue. Ma' ỹim selliito'ot da ñaquitaxac ñi qara'gaxala'.

Salmos 90:3

Chaqai 'viichi' quiyim ca qom pilougui na 'laua quena' 'ñirac: Qomyipi, pilliugui na 'laua.

Jeremías 38:16

Qam so nashi Sedequías nemoote'tot so Jeremías quiyim ỹaanec da la'qaatec nallitalta', 'naaco': —Saanec da ỹa'qaatec quiñi qara'gaxala' ñí'maq ỹa'ue da qarca'laxa, quiyim sqai salaxanegue qami' quiyim qaralauachi' chaqai sqai saanec aqami' quená'maq ỹahotaque ralauachi'.

Lucas 23:46

Ca' so Jesús ỹaualqo', 'naaco': —Qami' ita'a, sañiguilo naua rqai'laqachichi' na ỹa'al. Ca co'na' naauec da la'qaatec, ca' ileu.

Hechos 7:59

Ca co'na' ñaq qainaqatac so Esteban, ca nqouagaxaintac, 'naaco': —Qami' ỹa'gaxala' Jesús, coñichiguit na ỹa'al.

Hebreos 12:23

lapoota'ta' imaqachintac ñi qota'a, chaqai ná'maq lapoota'ta' llaalqaipi ñi qota'a ná'maq qoỹeretañi queda piguim. Ca mashic nqo'ñiu'a ñi qota'a ñí'maq imit ma'le ná'ogue, chaqai ná'maq lqui'illipi na qom huagaxaraic, ná'maq nachinñi nqohin quiñi qota'a.

Hebreos 12:9

Chaqai qai'neeta na' ñaqai qomi' ñaaqaipioqui', ca' na qareta'allipi quena 'laua ña'xaỹaxanqa'talo quena' qarapaxaguin. Ca' ¿chi'negue queta' sqai paguec ña'xaỹaxanaxa ñi qota'a se re'xogui, qaiyi 'ue ca qarca'laxa?