Eclesiastés 12:5 - La'qaatqa ñi qota'olec Qota'olec & Qota'olec Novita Na Qomyipi

⁵ ỹo'uet da nqolonaxa da lishicshi'megue, chaqai queso nayic 'ue na lichic. Ca' renohi ana qo'paq almendro, ana piñai ra'paqataxan chaqai ana qo'paq alcaparra tot rotaanaxan queca qanishiitaque. Ma' na ỹale taỹa'a ca la'a' sqaica ca lqodoc, chaqai mashic qara'qaataque quenaua nayico ná'maq noỹenteguelec da lelauaxa.

Eclesiastés 12:5 Iomraidhean Croise

Génesis 42:38

Qam so Jacob 'naaco': —Ñi ỹaalec sqai queguelo nqaishine' qamiri. Ma' so lqaỹa José tot qaica, ca ñi'maxare qaiñiita no'ueenañi. Ca no'm 'ue ca lo'maxaset quecá'maq 'iỹa'gue nagui, ca' qamiri rasauaxashichii ma'le najo qo'xoicolec quiyim ileu, ỹalauat ca lachicoxo.

Génesis 44:29

Ca no'm 'xachii ñi liỹa ỹaalec quenajo, ca 'ue ca lo'maxaset, ca' qamiri rasauaxashichii quiyim najo qo'xoicolec ileu, ỹalauat ca lachicoxo.

Génesis 44:31

ca' ca qareta'a ileu ma' se iuana. Ca' qomi' qarasauaxaset quiyim ñi qo'xoỹom qareta'a ileu, ỹalauat ca lachicoxo.

Salmos 71:18

Qami' qota'olec caỹim, totaxan yalachi'o', 'eno'm ma' mashic ỹim qo'xoỹom chaqai 'xoic aca ỹalagaxai, ma' sahotaque sa'xatetac dá'maq chalego lecaic rquesaxanaxa'e', sa'xatetapeguem najo qomyipi chaqai ca ñaqai naata.

Eclesiastés 9:10

Chaqai quecá'maq ralo'isalec quiyim 'viichi', ca' ỹaatqajam qamaxachite'; ma' cañi napal lahi' añí'maq i'sa'ñigui, qaica cá'maq qaỹo'uet chaqai qaica ca na'deenataxanaxac, ca na'deenec chaqai ca na'deenaxanaxa.

Jeremías 1:11

Ca' ñi qara'gaxala' ỹalamaxachichigui aỹim, ca 'naac: Jeremías, ¿negue' ná'maq 'ajñisac? Ca' shinac: Sedaanta'a añi lasote ana qo'paq qaỹamata'gue neloxoỹaq.

Levítico 19:32

Nachaachiriñi, chaxañi' quiyim 'ue nqai 'negue nqai'ñi' ca qo'xoic. Chaqai chaxañi' quiyim se napaquiralec aỹim, ma' ỹim qota'olec caqami'. Ỹim ná'maq ỹim na'gaxala'.

Hebreos 9:27

Ca' chaqai 'nejem quiyim ná'ogue na qom 'oonoqui' ileu, ime, ca nauaanaque ca na'xa'a quiyim qanimit ná'ogue najo,