Eclesiastés 12:2 - La'qaatqa ñi qota'olec Qota'olec & Qota'olec Novita Na Qomyipi

² 'Viichi' nagui, tomaxan saqa' 'om añi ra'aasa, ñi shiraigo chaqai na huaqajñipi, chaqai ma' ñaqa 'ue na naueguelec quiyim mashic ime'uegue so ỹaxat.

Eclesiastés 12:2 Iomraidhean Croise

Génesis 27:1

Ca' so Isaac co'na' mashic qo'xoỹom, ca' tot neuanñi. Ca' 'uo' so na'xa'a, ca roỹaxano' so Esaú só'maq 'auaxaic llaalec, ca 'naapego': —¡Qami' ỹaalcolec! Ca' so Esaú saato': —¿Negue'ca, qami' ita'a?

Génesis 48:10

Ca' so Israel mashic qo'xoỹom, ca tot qailligueme' no'viiñi naua nqote', sqai ỹaatqajam nauanchiguiñi. Ca' so José nqo'naxatero saua ñaaqolqai' queso leta'a, ca so'maxare qa'aalguelo chaqai nqo'goxe'.

Salmos 42:7

Ca qara'xaỹa quena tocot qoỹoqochi'ñigui ca lelamaxa na huaxaỹaq; na 'xoic huaxaỹaq remaxashiqui' quiyim queeteguelec aỹim.

Salmos 71:20

'Eno'm 'xoic na yoviraxachirau'a se no'uen chaqai na ne'xoric, qam qaiyiita liỹa yca'laxachirec; 'eno'm qoỹoqochi'ña ca seueta'ñi, qam naqachirishiguim aỹim quena 'laua,

Salmos 90:10

Setenta ñaxari yí'maq laloqo' da qanachaalataxac; ca ná'maq paguec quesaxanaxaic, ca ỹovite' yaua ochenta; qam dá'maq maqajnaxac quiyim qaỹovireta'a ca nqo'xo, ca chi ỹo'uet da neualaxavic chaqai da nedaxac. ¡Naua ñaxari chita'gue, ca ỹovirerec, ca 'nejme' qomi', chita'gue, ca' qareme!

Mateo 24:29

Ca co'na' ỹovirerec saua na'xata' ne'xoyaxaqui', ca' añi ra'aasa 'om, chaqai ñi shiraigo qaica ca lauaq, chaqai ana huaqajñi najñi quena piguim, vire'ta i'loxol na nquesaxanaxa hueeto'ot na piguim.

1 Samuel 3:2

Qam ỹovito' so na'xa'a quiyim so Elí tot qailligueme' neuanñi, laqato' hueetaugui ca lauo'.

1 Samuel 4:15

Qam so'maxare tot nauanñi, ma' mashic ỹovite' yaua noventa y ocho ñaxari.

1 Samuel 4:18

Ca' so ra'qaataxantac co'na' ỹa'xat aso lahi' saua laqataxaco ñi qota'olec, ca' so Elí reloxoỹashiguim, taachi'ñi na lahi ñi lasom. Ca ma' so'maxare mashic qo'xoỹom, ca se ỹolaavichi'ñigui, ca' qalagoxouec añi nque'dese, ca' ileu. Ca so'maxare ỹovi' cuarenta ñaxari quiyim la'gaxala' na Israel llaalqaipi. (4.19—7.14 Da lelauaxa aso pa'ỹe loua na'le so Finees. Aso lahite' naua laqataxaco ñi qota'olec hueeta'gue da na'laua so filisteoipi. Na' ncopa, ca' qaỹopilaxat. So Samuel renoto nashi quiyi Israel.)