Eclesiastés 12:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Ñi qota'olec qarenat ma'le quená'ogue ná'maq so'ueetqatac lo'yaxanec loqo'm se no'uen, 'eno'm ñañoxotqatañi quiyim so'ueetaq.

Eclesiastés 12:14 Iomraidhean Croise

Job 19:29

Qam ro'chiỹo' so lecat, só'maq lecat rouaxanaxana quen ñi qota'olec quena se no'uen. Qam qamiri 'yiiñita quiyim 'oonoqui' ñí'maq imit ca nasauaxaset. (20.1—30.31 So liỹa letaxaỹaxague' so Job chaqai saua nauochaxaua'.)

Salmos 50:21

Ca ná'ogue najo 'viichi'sac, qam ỹim yi'maqata, 'neetapigui qavilli' quiyim shintam aqami'. Qam nagui seloxoiqata'ta', ca soviraxachiraxaua', ca' ¡nagui sa'maxajta' naua rasauaxashichichi'!

Salmos 90:8

Naua qarasauaxasete' chaqai naua qareualoxonqaishico naua'que 'ajñisa'pe.

Salmos 96:13

queda reloqota'gue ñí'maq naata qara'gaxala'! ¡Ajá'a, nanac ñi'maxare, ca' ỹoiquentac na qomyipi quena 'laua ma'le, ca' da lo'ueenataxanaxac ỹa'maqachiguiñi chaqai lliqueta!

Eclesiastés 11:9

Qami' ne'necolec, hualaxai'sac queda nachaalataxaqui' ma' ñaqaqami' nogot. Quiisa'pegue' da ra'deenataxanaxaqui' quená'ogue ná'maq 'ajñisac, qam 'neeto' lotqai 'laxachite quiyim quedá'ogue dajo rimichi' ma'le ñi qota'olec.

Eclesiastés 3:17

Ca' vichiguiño' shinac ma' ñi qota'olec ñí'maq imit ma'le queca lasauaxaset ca 'maxataxaraic chaqai ca hualoxonaq, ma' quená'ogue 'ue yi laloqo' quená'maq 'ue chaqai quená'maq qaỹo'uet.

Mateo 10:26

Ca' vichiguiño' 'neeto' ro'chiitapega ca qom. Ma' sqaica quet cá'maq 'ueenataxac quiyim se qaichoxotec, chaqai qaica quet cá'maq qoỹo'tetegueñi ỹovireta'a quet quiyim se qaỹa'den.

Mateo 12:36

Ca' ỹim shinac caqamiri queca na'xa'a ma' qaimit ná'ogue najo, ma'le, ca' ná'ogue na qomyipi chi ỹa'xat ná'maq chi la'qaatqaipi se retane'uegue quiyim ỹa'xat.

Juan 5:29

ca nenoxonshiguim ma'le quena leuaxaic lahiripi. Ca ná'maq ỹa'maqachiguiñi ná'maq ỹo'uet, ca icoñiguit da lca'laxa; qam ná'maq se no'uen dá'maq ỹo'uet, liỹa nenoxonshiguim, qam icoñiguit da nouaxanaxaset.

Romanos 2:16

quecajo pa'aatec na'xa'a, ma' ỹovita quiyim ñi qota'olec imite' naua se re'xoguilo no'ueenataxaco ná'ogue na qomyipi chicqochigui nqai'en so Jesucristo. Ca' ipaquichigui ma'le dajo sa'xatetac na'qaatec chicqaugui da nca'laxa.

1 Corintios 4:5

Ca vichiguiño' caqamiri mesqai 'aviỹalec quiyim michii ca riỹahi. Nauaañiỹa'piguit só'maq qara'gaxala' ma' novi', ca re'oq nqai'en ca hueetaugui na napalaxa. So'maxare re'oq nqai'en ma'le na 'neetari' na ne'taxanatallipi. Ca ñi qota'a ỹaanem queca 'óna cá'maq 'neeta ca na'maqataxac.

2 Corintios 5:10

Ma' qomá'ogue ñachaataxau'a ma'le cá'maq hua'ñi so Cristo quiyim imit na nasauaxaseteripi, ca' quiñi 'óna icoñiguit ca laseue' ca lo'ueenatec na' ñaq ỹouootegueri', 'maxaraic, loqo'm se ỹa'maxañi.