Eclesiastés 12:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ca' ime da ỹa'qaatqaipi. Ná'ogue shi'gue sa'xat. Maqachiñi' ñi qota'olec chaqai 'viichi' naua lelaataxanaxaco, ma' chaqaida dá'maq 'em quiyim qaỹo'uet na qom.

Eclesiastés 12:13 Iomraidhean Croise

Génesis 22:12

Ca' so nelaatec piguim le'ec 'naaco' queso'maxare: —Totaxan vite ca 'ñitetegue na noctoqui', ma' mashic sa'den quiyim 'ue da rqolonaxa'e' quiñi qota'olec, ma' qainaatam na qachaalqui', qam sqo lli'rapiguim.

1 Reyes 2:3

Ỹaatqajam ipaquichiguilo nqai'ñi' naua la'qaatqa ñi qara'gaxala' qota'olec ñí'maq rashiilqui'. Ỹaatqajam 'viichi' cá'maq ỹahotaque ñi'maxare, chaqai 'viichi' naua laqataxaco, lelaataxanaxaco ná'maq naneresañi nauá'maq ỹichiñi na'le so Moisés, qaiyi noquiiquetashiguim qami' quená'ogue ná'maq 'viichi' quecanchaqaica 'itegue.

Proverbios 1:7

Da na'deenaxanaxa chicqochigui quiyim qaimaqachin ñi qara'gaxala' qota'olec; ná'maq qaica ca la'deenataxanaxac, ca' se icoñiguit da na'deenaxanaxa chaqai ca napaxaguinataxac.

Proverbios 23:17

Totaxan pa'guiñisa'a na sauaqhuaiquipi; qaidaata quiyim maqachiñi'sac ñi qara'gaxala';

Eclesiastés 2:3

Ca quedá'maq ỹa'deenataxanaxac quiichigui nqaishin da na'deenaxanaxa, sahotaque se'guen da lo'ueenataxanaxac na lataxa. Ca' lotqai yimelec ñi'et, ma' sahotaque sa'den quiyim chaqaido' dá'maq paguec la'maxa queca qom quenaua na'xatarolqai' quiyim ñaq ỹouootegueri' quena 'laua.

Eclesiastés 3:14

Chaqai sa'den quiyim ná'ogue ná'maq ỹo'uet ñi qota'olec sqaica ca lqodoc. Ca' qaica quet cá'maq qaỹoqotec chaqai cá'maq qanaqata'a. Ñi qota'olec 'ne'tegue dajo da lo'ueenataxanaxac, qaiyi se qanapacalec ñi'maxare.

Eclesiastés 7:18

Dá'maq paguec la'maxa quiyim ỹaatqajam qanolliichiguiñi dajo, qam se qoỹaxanec queda nqai'laxat dajo liỹa. Cá'maq imaqachin ñi qota'olec, ca no'uen ca 'neeta quená'ogue najo.

Miqueas 6:8

¡'E'! Ñi qara'gaxala' shi'gue 'naac caqami', negue' cá'maq hueetaugui cá'maq no'uen, chaqai negue' cá'maq nauaantaque ñi'maxare caqami' ỹalloolec: quiyim 'viichi' cá'maq no'uen, na'maxachite' chaqai raqamqaite' chaqai quiyim ne'xorishiñite', na'xaỹaxañiteta ñí'maq qota'olec caqami'. (6.9—7.20 Ñi qara'gaxala' ỹa'xat da lcoñiitaxanaxac, qam nqouaguegue so lalamaxareteripi.)

Lucas 1:50

Ñi'maxare chaqai 'neetari' 'ue da le'xorenataxanaxa quená'ogue ná'maq ỹaatqajam no'cha'a ñi'maxare.

Deuteronomio 6:2

Qaiyi ro'chiỹa ñi ra'gaxalari qota'olec, ca' pacqajñichiguilo quiyim ñaq rca'lliitauec naua'que naua laqataxaco chaqai naua lelaataxanaxaco selarelgoto qamiri, chaqai naua qachaalaxahi chaqai caua qauari, qaiyi ladoc aca rqauaxaguii.

1 Pedro 2:17

Qaica ca napaguiỹalec, 'maxachii'tegue ná'ogue na qomyipi. Chaqai 'xoriñii ná'maq mashic icoñiguit da na'qaatec. Ro'chiỹa ñi qota'a, chaqai se napaguiỹalec ca lashi na nashillipi.

Apocalipsis 19:5

Ca' 'ue so sa'xaỹaque nivillaxac 'maqateguelec yi nashi nqa'xanqa', 'naacsa': Maqachiñii ñi qota'olec, qamiá'ogue qamiri ma' mashic 'ueenataxañitacot chaqai ná'maq huelec ñi'maxare, quená'maq collo'olqaipioqui' chaqai ná'maq mashic leta'allipi.