Eclesiastés 12:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Naua la'qaatqa na 'deenaxanqachaqaiquipi 'ec ca na'naxaset, chaqai quena' qalapoonta' qanca'ata', ca 'ec aca netana qaỹotocqochiguiñi ỹa'yiñi ca 'oonoqui' neloxoỹaq cana qagreta.

Eclesiastés 12:11 Iomraidhean Croise

Génesis 49:24

qam da José ỹaatqajam ra'ñi'teguelo naua lqai'laqate', lo'qoochiguiñi da lo'xoshic; ¡ña'aachic quiñi qota'olec quena Jacob, ma' quesaxanaxaic!, ¡ña'aachic quiñí'maq neloxoỹaq ro'ootaxanteguelec na Israel!,

Esdras 9:8

Qam nagui qami' qara'gaxala' chaqai qota'olec coqomi', queda rqouagaxa'e' ỹo'uet quiyim qomi' qaỹosoorec, ca lotqai liỹa qarapilaxatalo qomi' naua qara'aate' quena na'laua'e'. Ca lotqai liỹa neuañiñi nqai'ñi' qomi' chaqai cocho'qui' nachipinec nqai'ñi' da qaracat quiyim qomi' na'aqa.

Salmos 23:1

Ñi qara'gaxala' reloqotaỹa', 'ec nqai'en aỹim ca neloxoỹaq cana qagreta; ca' qaica ca souentaque.

Proverbios 1:6

qaiyi qaỹa'den ca la'qaatec na 'deenaxanqachaqaiquipi chaqai quiyim qanachinchigui ca laloqojnaxanaxaqui queca la'qaatec.

Proverbios 22:17

Ỹaatqajam na'xaỹaxañitetalo naua leloxoỹaxaco naua la'qaatqa cá'maq 'ue ca ỹa'den; lo'qo'ichiriñi cá'maq sapaxaguinegue qami'.

Isaías 40:11

Naqueta 'ec ca neloxoỹaq quiyim reloqota'a aca lalo qagreta; nanojshiguim ca qagreta llaalec, ca qa'aalto'ot, hueetalec nqai'en ana lotogue, chaqai ỹaatqajam quelola aná'maq chita'gue co'ootac.

Ezequiel 34:23

Ỹim so'uet quiyim rapil ma'le so ilaatec David só'maq rashii na'le, ca' sano quiyim qaisoota neloxoỹaq cana qagreta, ca so'maxare reloxoỹa'a ma'le na qagretaipi.

Mateo 3:7

Qam co'na' so Juan iuane'ta so 'xoic qomyipi chicqaugui na fariseoipi chaqai ná'maq chicqaugui na saduceoipi nanac ỹahotaque quiyim qanachilaxan, ca' so'maxare 'naaco': —¡Qamiri nanaic llaalqaipi! ¿Nega'ỹo' cá'maq ỹa'ue ra'xaỹaxaguii quiyim 'iichiỹa'piguit cá'maq chalego lecaic nouaxanaxaset na qom nepalata?

Juan 10:14

Ỹim ná'maq ỹim no'uen qagreta lo'o. Ca' chaqaida dá'maq 'neeta quiyim iuañiua' ñi ita'a, chaqai aỹim seuana ñi'maxare, ca' chaqaida 'nejem quiyim ỹim sa'deenta ana ilo qagretaipi, chaqai ana'maxare ya'deenta. Chaqai aỹim saanougui da ñachaalataxac aná'maq qagretaipi.

Juan 3:10

Ca' so Jesús 'naaco': —Ỹaatqajam qami' napaxaguinataxanaq quena llaalqaipi so Israel, qam ¿sqa 'yiiñi'o' dajo?

Hechos 2:37

Ca co'na' qara'xaỹa dajo queso qomyipi, ca' rachitata añi le'taxanata, ca' qainat so Pedro chaqai so liỹa lelaatqaipi so Jesús: —Qamiri qarqaỹa', qam nagui ¿negue' ca shinqata?

2 Corintios 10:4

Ma' nauá'maq qaro'goxonqate' sqai huerelec najo 'laua, ma' hueetagui da lquesaxanaxa ñi qota'a quiyim iuagaxatac canchaqaica nquesaxanaxa.

Hebreos 13:20

Ca' ñi qota'a ñí'maq ỹo'uet da na'maxa, ñí'maq liỹa nca'laxatec queso lelauaxa so qara'gaxala' Jesucristo, só'maq ỹapacauec la'gaxala' ana qagreta, ma' quesaua leuo' ca' i'taxajñi dá'maq 'maqataxac sqaica lqodoc,

Hebreos 4:12

Ma' da la'qaatec ñi qota'a nca'leetauec chaqai 'ue da lquesaxanaxa. Chaqai paguec llaaxa quená'ogue na lecat dos llaaxa', chaqai ishit ỹovirau'a na pa'aauo se re'xogui quena qom chaqai quedá'maq hueetagui da nachaalataxac, vire'ta ná'maq paguec pa'aauo quena qom; chaqai ichoxot ca na'deenataxanaxac, chaqai quecá'maq 'ueenataxac hueetagui añi ne'taxanata.

1 Pedro 5:4

qaiyi ma' ỹovita quiyim novi' só'maq reloqota'a ná'ogue na la'gaxalateripi ná'maq mashic icoñiguit da na'qaatec, ca' coñiguit cá'maq nishivichii 'ue lauaq, sqai 'nejem aca lishiuetenaxanqate ca chaqai qom, ma' ishit ỹaso 'nejem aca qo'paq laue.