Eclesiastés 12:1 - La'qaatqa ñi qota'olec Qota'olec & Qota'olec Novita Na Qomyipi

¹ Totaxan 'laxachite ñí'maq qami' lo'ueenatec nagui tomaxan ñaqai qami' ne'necoqui' chaqai saqa' novite' caua lqalaigue' naua na'xata'; ma' novite' ma'le caua ñaxari quiyim 'ñirac: Qaica quet cá'maq noviraxat quiyim ya'maqachiguiñi yca'leetauec.

Eclesiastés 12:1 Iomraidhean Croise

Génesis 39:2

Qam ñi qara'gaxala' liỹaatac so José, ca' sqaica canchaqaica na' ñaqai hueeta'ñi yi la'a' so na'co' Egipto le'ec.

Génesis 39:23

Ca só'maq lashi añi ncoñiitaxanaxaqui tot ỹouen quiyim liỹa ỹa'ajan ná'maq mashic leloxoiqateguesec so José. Ma' ñi qara'gaxala' na'deeta'guit so'maxare, ca ỹa'ue quiyim ỹa'maqachiguiñi ná'ogue ná'maq ỹo'uet so'maxare.

2 Samuel 19:35

Ma' mashic sovite' yaua ochenta ñaxari. Vichiguiño' ỹaatqajam tot sa'den ca lo'daxa quiyim 'ue ca sa'ic, loqo'm quiyim 'ue ca ñi'chigui, ca' vichiguiño' se sa'den quiyim lo'daxaraic loqo'm se no'uen, chaqai tot ishit quiyim sa'xaỹa ca lo'ueenec na 'ueenaxanaxaiquipi ỹalliripi chaqai na 'aallipi. Ca' ¿chi'negue queta' remi'relec aỹim cochi'sapiguiỹa', qami' ỹashi?

2 Samuel 19:36

Ca' ỹim chaqai chi ñco'uaategue qami' quiyim paquireta ana lachiugue Jordán, qam ¿chi'neco', qami' ỹashi, ma' vi'saque yishivichiñi' quedajo?

1 Reyes 18:12

Qam sqoue quiyim ma' cocho'qui' ỹoxe'oga qami' caỹim, ca' so ne'espíritu ñi qara'gaxala' re'xachi' ma'le, ca' se sa'den ca 'itegue. Ca ma' sa'ue la'xaỹaxac so Acab, ca noma' se ỹanata qami' so'maxare, ca yalauat ma'le. Najo relaachiqui' shi'gue na' ñaqai ne'necoqui' chaqai'en se neme imaqachintac ñi qara'gaxala'.

Nehemías 4:14

Ca na' ỹim yitan quiyim so qomyipi no'chi, ca' ỹim ñachajñi, ca' shinac quená'maq nemaqajnatqaipi, chaqai na nashillipi, chaqai ná'ogue na qomyipi: Totaxan ro'chii, o'lliinchiỹa'a ñi qara'gaxala' ỹaatqajam lodegaxat chaqai chaqaic. Ca' qamiri ỹaatqajam loquilgoto naua qauori lase' chaqai ca qachaalliguii ỹale chaqai aca 'aalo, ca rouahi chaqai naua ra'aachiri.

Salmos 63:6

Quena' ñinanñi quiyi pe, ca so'leentaxan, ca' sa'deentaque qami';

Salmos 90:10

Setenta ñaxari yí'maq laloqo' da qanachaalataxac; ca ná'maq paguec quesaxanaxaic, ca ỹovite' yaua ochenta; qam dá'maq maqajnaxac quiyim qaỹovireta'a ca nqo'xo, ca chi ỹo'uet da neualaxavic chaqai da nedaxac. ¡Naua ñaxari chita'gue, ca ỹovirerec, ca 'nejme' qomi', chita'gue, ca' qareme!

Eclesiastés 11:10

Ỹoochire'ogalo naua ra'deenataxanaxagohi', o'yirauec nauá'maq se no'viiñi ra'paxachisa'pe, ma' naua no'viiñi na'xata' queda nocchishic qai'neeta qaica quet cá'maq 'negue.

Eclesiastés 11:8

qam 'eno'm ỹovireta'a ca lqo'xo ca qom chaqai dá'ogue netoonta'pegue, qam sqai 'laxachite quiyim paguec 'xoic ma'le caua na'xata' queca napalaxa, chaqai ná'ogue ná'maq ñaqai naata qaica quet cá'maq 'negue.

Daniel 1:17

Ca' quesauajo cuatro ne'naqa ñi qota'olec ỹaanema da lco'ỹaxarigue' chaqai ỹa'yiinchirigui dá'ogue da 'neeta ana lere chaqai ná'ogue na na'deenec. Ca' so Daniel ỹa'den qai'neeta ná'ogue na leloxoỹaxaquipi na neuanaxanaxac chaqai na ne'guemataxac.

Lucas 1:15

Ma' ca qachaalqui', ca'maxare ỹaatqajam lodegaxat ma'le nqohin quiñi qota'olec. Ca'maxare se ishit ni'chigui canchaqaica quena lataxa, ma' ỹaatqajam no'qaachigui queso Espíritu Santo ma' saqa' ne'qaañi.

Lucas 18:16

Qam so Jesús roỹaxane'ogalo saua nale', ca' 'naapegalo: —'Xañiỹac na ñaaqaipioqui' ñaqa nacpegue' aỹim, chaqai se quepaqchita'piguit; ma' ca hueetaugui da lo'ueenataxanaxac ñi qota'a quiyim ỹoiquentac ná'ogue najo, ca'maxare neneequesenaxai 'nejme' naua'maxare.

Efesios 6:4

Chaqai qamiri ma' qamiri neta'al, sqai 'ooqochichii' caua qachaalaxahi. Ta'ta'a quiyim naquetashi'me' nqai'ñii da no'uen na'deenataxanaxac, paxaguiñita'gue quiyim huelec so qara'gaxala'.

2 Timoteo 3:15

Ma' na' ñaqaqami' noctoqui' chaqa'ma' 'yiiñi' naua naneresañi la'qaatqa ñi qota'a, ma' ishite' rapaxaguiñi' chaqai raviquira'guit da nca'laxa dá'maq chicqochigui da qarpi'ỹaxac queso Cristo Jesús.

1 Samuel 1:28

Ca' ỹim nagui saanot ñi qara'gaxala', ca' chi ỹovireta'a ca lqodoc aca lqauaxaqui. Ca' so Elí ỹa'dooto naua le'cootal ñi qara'gaxala', ỹoviraxata'guit na 'laua na latap quiyim nqouagaxainot.

1 Samuel 16:7

Qam ñi qara'gaxala' 'naaco' queso'maxare: —Mese ra'irigui cá'maq qom chaqai cá'maq ladoqueta, ma' ỹim se secoñiguit. Ma' sqaida dá'maq ra'iitagui ca qom. Ma' na qom ra'iitagui da chi no'ueenataxac ca qom, qam ỹim ya'iitagui añi le'taxanata.

1 Samuel 2:18

Qam so noctoqui' Samuel queetalec ỹo'ueetetac na lo'ueenataxanaxaquipi ñi qara'gaxala' ỹansañi saua loho lo'ueenataxanaxaqui' chicqoraugui na lino.

1 Samuel 2:26

Qam so Samuel mashic ne'nec, noquiiquetashiguim da llaaxa. Ca' da no'ueenataxac so'maxare ỹaatqajam nqo'ta ñi qara'gaxala' chaqai na qomyipi. (2.27-36 Qaỹa'xateta'guit da 'neeta ma'le so llaalqaipi so Elí.)