Eclesiastés 11:9 - La'qaatqa ñi qota'olec Qota'olec & Qota'olec Novita Na Qomyipi

⁹ Qami' ne'necolec, hualaxai'sac queda nachaalataxaqui' ma' ñaqaqami' nogot. Quiisa'pegue' da ra'deenataxanaxaqui' quená'ogue ná'maq 'ajñisac, qam 'neeto' lotqai 'laxachite quiyim quedá'ogue dajo rimichi' ma'le ñi qota'olec.

Eclesiastés 11:9 Iomraidhean Croise

Génesis 3:6

Ca' aso 'aalo iuana quiyim aso qo'paq chalego loyac. Ca 'uo' da lishoxo quiyim ỹa'ic, qaiyi 'ue ca la'deenec. Ca' naqato' na'le aso la, ca' ỹa'ic, ca' ỹaanem qai'neeta so loua. Ca so'maxare ỹa'ic.

Génesis 6:2

Ca' so llaalqaipi ñi qota'olec ỹa'ajanac quiyim lo'yaxanaipi so 'aallipi. Ca' nca'agui sá'ogue, ca' icona quiyim loua acá'maq nqo'ta.

1 Reyes 18:12

Qam sqoue quiyim ma' cocho'qui' ỹoxe'oga qami' caỹim, ca' so ne'espíritu ñi qara'gaxala' re'xachi' ma'le, ca' se sa'den ca 'itegue. Ca ma' sa'ue la'xaỹaxac so Acab, ca noma' se ỹanata qami' so'maxare, ca yalauat ma'le. Najo relaachiqui' shi'gue na' ñaqai ne'necoqui' chaqai'en se neme imaqachintac ñi qara'gaxala'.

1 Reyes 18:27

Ca co'na' na'xa'a lavinñi, ca' so Elías chi i'neetac so qomyipi, 'naaco' quen: —Paguec nichiñigue da raualaxaguii, ma' qamiri 'ñiỹac quiyim qota'olec ca'maxare. Ma' sqoue quiyim 'ue ca queloltapega, loqo'm 'ue ca imeeteguelec, loqo'm ỹouoiguiri'ca. ¡Chaqai no'm laqata, ca' qanqo'xon!

1 Reyes 22:15

Ime, ca so'maxare ỹovira'a so nashi, ca qainato', qohinaco': —Micaías, ¿peeta'a 'maxaraic quiyim qolaxau'a yi Ramot huaugui yi 'laua Galaad, loqo'm 'e'? Ca' so Micaías 'naaco': —Mohi, nalauachii'e', ca qadoxoñiguii, ma' ñi qara'gaxala' shi'gue ỹaanem qami' quiyim qadoxonqui'.

Eclesiastés 12:1

Totaxan 'laxachite ñí'maq qami' lo'ueenatec nagui tomaxan ñaqai qami' ne'necoqui' chaqai saqa' novite' caua lqalaigue' naua na'xata'; ma' novite' ma'le caua ñaxari quiyim 'ñirac: Qaica quet cá'maq noviraxat quiyim ya'maqachiguiñi yca'leetauec.

Eclesiastés 12:14

Ñi qota'olec qarenat ma'le quená'ogue ná'maq so'ueetqatac lo'yaxanec loqo'm se no'uen, 'eno'm ñañoxotqatañi quiyim so'ueetaq.

Eclesiastés 2:10

Se ỹauanapega quiyim sqai shigue'uegue ca ishoxo; se ỹauanapega quiyim se salequetaho queca nemaqachic. Ỹaatqajam ñitoon quedá'ogue dá'maq ỹo'ueenataxanaxac, ca' dajo ñitoonaxac, da'maxare chi ñishiue'.

Eclesiastés 3:12

Ỹim sa'den quiyim dá'maq paguec la'maxa quiyim ỹo'uet ca qom, reualaxaitac chaqai ỹo'uet cá'maq ỹa'maqachiguiñi queda nachaalataxac.

Eclesiastés 3:17

Ca' vichiguiño' shinac ma' ñi qota'olec ñí'maq imit ma'le queca lasauaxaset ca 'maxataxaraic chaqai ca hualoxonaq, ma' quená'ogue 'ue yi laloqo' quená'maq 'ue chaqai quená'maq qaỹo'uet.

Números 22:32

Qam so lelaatec ñi qara'gaxala' 'naaco' queso'maxare: —¿Chi'negue ma' tres huaxañi' añi qalo'e' 'ashina? Ỹim ná'taq sapo'guit na qayiqui', ma' se yqo'ta da qayicyaxaqui'.

Mateo 5:28

Qam ỹim shinac caqamiri, quiyim cá'maq nishi'ta aca 'aalo quiyim ra'ỹa'a, ca chaqa'ma' 'ec shi'gue lapa'ñi' aca'maxare cañi le'taxanata.

Lucas 12:19

Ime, ca' ñanecalta': Qami' ñachaalataxac, nagui mashic 'xoic na rovinqui' lapootañi, nalauguilo caua 'xoic ñaxaripi. Nagui, ca' nco'machirec, qui'i', ni'chi', chaqai netooñi'sac.”

Hechos 14:16

Ma' quesaua 'auaxaqa na'xata' ñi qota'olec ỹaxanegue na qomyipi quiyim nanoiquentac quecá'maq shim 'neeta.

Hechos 24:25

Qam co'na' so Pablo ỹa'xat queca qom ỹalamaxateta da no'ueenataxac, chaqai queca netelalta', chaqai ca nouaxanaxaset ma'le ca sqai huelec ñi qota'a. Ca' so Félix co'na' 'xaỹa dajo, ca no'chi. Ca 'naapego' so Pablo: —Yi, mo'e' nagui, toco' ma' 'ue ca idaaqa', ca liỹo' soỹaxañiraxaua'.

Romanos 14:10

Qam qami', ¿chi'negue ma' qui'seguelec ca rpi'ỹaxaua'e'? loqo'm ¿chi'negue ma' sqai coñichiguit? Ma' qomá'ogue ñachaataxau'a ma'le so Cristo quiyim imite' qomi'.

1 Corintios 4:5

Ca vichiguiño' caqamiri mesqai 'aviỹalec quiyim michii ca riỹahi. Nauaañiỹa'piguit só'maq qara'gaxala' ma' novi', ca re'oq nqai'en ca hueetaugui na napalaxa. So'maxare re'oq nqai'en ma'le na 'neetari' na ne'taxanatallipi. Ca ñi qota'a ỹaanem queca 'óna cá'maq 'neeta ca na'maqataxac.

2 Corintios 5:10

Ma' qomá'ogue ñachaataxau'a ma'le cá'maq hua'ñi so Cristo quiyim imit na nasauaxaseteripi, ca' quiñi 'óna icoñiguit ca laseue' ca lo'ueenatec na' ñaq ỹouootegueri', 'maxaraic, loqo'm se ỹa'maxañi.

Hebreos 9:27

Ca' chaqai 'nejem quiyim ná'ogue na qom 'oonoqui' ileu, ime, ca nauaanaque ca na'xa'a quiyim qanimit ná'ogue najo,

2 Pedro 3:7

Qam ná'maq piguim chaqai na 'laua ñaqa 'vii nagui, naua'maxare tai'alo nqohine' ca norec, qam qaiyiita chicqochigui da la'qaatec ñi qota'a. Cajo norec ỹavigaxate' ma'le naua'maxare, ma' ỹovita ca na'xa'a quiyim qaimit ná'ogue najo, ma' qaỹomat ná'ogue na hualoxonyipi.