Eclesiastés 11:8 - La'qaatqa ñi qota'olec Qota'olec & Qota'olec Novita Na Qomyipi

⁸ qam 'eno'm ỹovireta'a ca lqo'xo ca qom chaqai dá'ogue netoonta'pegue, qam sqai 'laxachite quiyim paguec 'xoic ma'le caua na'xata' queca napalaxa, chaqai ná'ogue ná'maq ñaqai naata qaica quet cá'maq 'negue.

Eclesiastés 11:8 Iomraidhean Croise

Job 14:10

Qam na qom qaica quet cá'maq lata' quiyim ileu; ca ma' ileu, ¿negue' cá'maq taigue ma'le?

Job 14:12

qam quiyim ñaqa 'ue na piguim, qaica ma' 'ue quet ca qom liỹa quet quiyim ne'laxashiguim caca napal lahi', se nelouec queca lelaxac.

Eclesiastés 2:15

Ca' shinac: Dá'maq taỹa'gue ná'maq qaica ca ỹa'den, qai'neeta saỹa'gue; ca' qaica quet cá'maq 'negue quiyim 'xoic ca ỹa'deenaxanaxa. Ca ¡vire'ta dajo qaica quet cá'maq 'negue!

Eclesiastés 2:17

Vire'ta se yqo'ta dá'maq chi ñachaalataxac, ma' ná'ogue ná'maq qaỹo'uet quenajo 'laua ná'ogue se no'uen caỹim. Ỹaatqajam ná'ogue qaica quet cá'maq 'negue, ¡'ec qaỹahotaque neconecsec na nonot!

Eclesiastés 2:19

Qam 'oonoqui' dá'maq 'neeta ỹaatqajam 'chiichiguiñi: quiyim ca'maxare, 'deenaxanqachaqaic loqo'm qaica ca ỹa'den, qam taỹot ma'le ná'ogue ná'maq chalego idaxac chaqai ỹa'deenaxanaxa quiyim ỹoviralec somat quena 'laua. ¡Ca' dajo qai'neeta qaica quet cá'maq 'negue!

Eclesiastés 2:26

Llic quiyim ñi qota'olec ỹa'ue da na'deenaxanaxa chaqai da toonaxac quecá'maq nqo'ta ñi'maxare; qam cá'maq 'ue ca lasauaxaset, ca' iỹoxolec quiyim nqo'neuec chaqai lapoonñi na lesallaxa, ime, ca' ỹaanem cá'maq nqo'ta. ¡Qam qai'neeta dajo qaica ca 'negue chaqai 'ec qaỹahotaque neconecsec na nonot!

Eclesiastés 9:7

Cha'regue, quirelec da rqui'ỹaxaqui' quena pan, chaqai ni'chi' quena lataxa, ma' ñi qota'olec nqo'ta da ro'ueenataxanaxaqui'.

Joel 2:2

Cajo na'xa'a chalego ma'le ca napalaxa; cajo na'xa'a naueguelquetañi chaqai la'alchiguiñi. Ana piñai 'ec na 'xoic nouaataxanaq nalauataxai quelec neuagaxajlec ana qa' ladocai, 'ec na lauaq quena' richiguiñi. Se ỹauanapega qaiuana dajo, chaqai qaica ma' qaiuana quet cá'maq 'nejem dajo.

Mateo 22:13

Ca' so nashi 'naapego' só'maq neloxoỹaripi queso nqui'ỹaxala': “Coñirii naua lqai'laqate' chaqai naua lichil. Ca' naxahi'oga yi napalaxa pa'aauec. Ca' yí, ca' noỹen ma'le chaqai iquishquinta' naua louee quena nqui'ic.”

Juan 12:35

Ca' so Jesús 'naaco' queso qomyipi: —Nagui ma' ñaqai hueetauguilo qamiri najo lcoỹeraqate na 'laua, qam sqoỹoxouec quiyim ỹalequetauguilo qamiri. Ca' quiitaugui dajo lauaq ma' ñaqa 'ue, qaiyi se i'laxate' qamiri ca napalaxa. Ma' cá'maq queetaugui ca napalaxa se ỹa'den cá'maq taigue.

Judas 1:18

na' 'nerac caqamiri: “Quecaua pa'aaterec na'xata', ca 'ue ma'le ca qom chaqai i'naari' dá'maq na'qaatec qoyiuelec, ca chaqai queeta'pegue' ná'maq la'deenataxanaxaquipi se no'uen.”