Eclesiastés 1:9 - La'qaatqa ñi qota'olec Qota'olec & Qota'olec Novita Na Qomyipi

⁹ Qaica quet cá'maq sqai shi'gue 'ue; qaica qaỹo'uet quiyim sqai shi'gue qaỹo'uet. ¡Qaica ca dalaxaic quenajo 'laua!

Eclesiastés 1:9 Iomraidhean Croise

Eclesiastés 1:10

Sqoue quiyim 'ue ca 'naac: ¡Najo maxasa' dalaxaic! Qam so'maxare shi'co' quen 'ue quesaua ñaxari na' saqa'lecaua qomi'.

Eclesiastés 2:12

Ime, ca' sa'deenataxantac ñaloqojontecta' da na'deenaxanaxa chaqai quecá'maq qaica ca ỹa'den: Ma' ime quiyim ỹim nashi, ca' ¿nega'ỹo' cá'maq ỹo'uet ma'le cá'maq dalaxaic nashi?, ta'ta'a dá'maq shi'gue imeetari'.

Eclesiastés 3:15

Qaica quet cá'maq 'ue quiyim sqai shi'co' quen 'ue, chaqai qaica quet cá'maq 'ue ma'le quiyim sqai shi'co' quen 'ue. Ñi qota'olec ỹo'uet quiyim ná'maq shi'gue ỹoxe'uegue pilchigui nqai'en quiyim 'ue.

Isaías 43:19

Ỹim ma'le sa'ue ca so'uet dalaxaic, ca huañita ma'le quiyim chaqaida re'oq ipaquichigui. Huategue nqaishin ca nayic quiyi 'laua qaica qom, chaqai so'uet aca lachiugue quiyi 'laua rashivijlec.

2 Pedro 2:1

Qam queso llaalqaipi so Israel qai'neeta 'uo' quen na 'naac letaxaỹaxanqajnec ñi qota'a, qam na'majantac. Ca' chaqaida 'neeta nagui caqamiri 'ue ná'maq napaxaguinataxanaq 'maatqaic ỹalequetauguilo qamiri. Na'maxare ỹoxotesañi naua lapaxaguinataxanaxaco se no'viiñi, vire'ta quiyim noqollicte'e' so qara'gaxala' só'maq nca'laxatec na'maxare na'le. Ca na'maxare chi ỹo'uet quiyim sqaỹaloq qaỹo'uet ca nouaxanaxaset.

Apocalipsis 21:1

Ca na' ime, ca seuane'ta so piguim chaqai so 'laua dalaxaic, ma' só'maq 'auaxaic piguim chaqai só'maq 'auaxaic 'laua pala'pe. Chaqai aso huaaxai tot qaca.

Apocalipsis 21:5

Ca só'maq nqa'xantañigui aso nashi nqa'xanaxaqui 'naac: —'Ajñi', ỹim dalaxaic nqaishin ná'ogue nanchaqaina. Chaqai qai'neeta 'naac: —'Chiriñi, ma' nauajo na'qaatqa ỹaatqajam lliquete' chaqai ishit qaipi'ỹa'alo.