Eclesiastés 1:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ca' qaica quet cá'maq ishit ỹa'xat quiyim qaỹamaqa'que naua'que nauajo; chaqai qaica quet cá'maq qaiuana chaqai cá'maq qara'xaỹaque quiyim qaiyi ỹa'maxagui lauel ca qom.

Eclesiastés 1:8 Iomraidhean Croise

Salmos 63:5

Ỹaatqajam ya'maqachiguiñi ma'le, shinta cá'maq chita'gue ỹomat ca no'uen nqui'ỹaxac, ca' ñitoontac, semaqachintac qami' ma'le.

Eclesiastés 1:7

Na huaxaỹaq cana lachiugue taỹaxaso'ma aso huaaxai, qam aso huaaxai se no'xa; ca' lotqai pilegue dá'maq chicqa'gue ana lachiugue, ca lotqai pile'tegue só'maq chaqai'en llic.

Eclesiastés 2:11

Ime, ca' sa'ajan dá'maq chi ỹo'ueenataxanaxac, chaqai dá'maq idaxac na' so'ueetetac. Ca na'le, ca' yitan quiyim ná'ogue qaica quet cá'maq 'negue, 'ec sahotaque iconecsec na nonot, chaqai quiyim qaica quet cá'maq 'negue quenajo 'laua.

Eclesiastés 2:26

Llic quiyim ñi qota'olec ỹa'ue da na'deenaxanaxa chaqai da toonaxac quecá'maq nqo'ta ñi'maxare; qam cá'maq 'ue ca lasauaxaset, ca' iỹoxolec quiyim nqo'neuec chaqai lapoonñi na lesallaxa, ime, ca' ỹaanem cá'maq nqo'ta. ¡Qam qai'neeta dajo qaica ca 'negue chaqai 'ec qaỹahotaque neconecsec na nonot!

Hageo 1:9

Qamiri ỹaatqajam 'xoic da rimiitaxanaxaguii, qam sqa lo ná'maq nachiỹa; chaqai ná'maq 'maxachii quenauá'maq qauootori, ca chaqa'ma' spe'teuec. ¡Ca' có, sqaica! ¿Chi'negue? ¡Sá'ic!, ma' ñi iuo' nqouagaxainaxaguii ñaqaiñi saqa' qanadalaxashiguim, qam qamiri nquipichita'pegueto 'maxachiñi nauá'maq chi ra'aachiri. Ỹim na'gaxala', se'taxajñi da ỹa'qaatec.

Mateo 11:28

Naguipegue' aỹim qamiá'ogue, ma' mashic rco'chiiuec quena ro'ueenataxanaxaguii chaqai quena ri'ỹaaguii, ca' ỹim ñco'mataxandec qamiri.

Mateo 5:6

Ỹaatqajam chalego la'maxa ma'le quecá'maq 'ec 'ue na lqopaaxa chaqai na laquip quiyim ỹahotaque ỹo'uet ná'maq ỹahotaque ñi qota'olec, ma' ñi'maxare ỹotauanegue ma'le ca'maxare, qaiyi ishit ỹo'uet.