Eclesiastés 1:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ca' ỹaatqajam ñomatalta' quiyim sa'ajan chaqai ñapaxaguina queda chi ỹa'deenaxanaxa ná'ogue ná'maq qaỹo'ueetetac quena 'laua. Ca' ¡chalego lecaic dá'maq ñi qota'olec illaalec na ỹalliripi, qaiyi nemanachit nqai'en na qomyipi!

Eclesiastés 1:13 Iomraidhean Croise

Génesis 3:19

Ỹaatqajam nenoqoichiriñi 'ueenataxañi'sac, ca' qaigueme naviqui' ca qanoqe', chi ỹovireta'a ma' pillirougui na 'laua ná'maq chicqoiraugui na' qaro'viichi'. Ma' qami' 'laua na'le, ca' ñigui 'laua qami' ma'le.

Proverbios 23:26

Qami' ỹaalcolec, ỹaatqajam na'xaỹaxanchiriua', chaqai 'ajñite' quiyim ña'maxateta, ca' yadenaxachi';

Proverbios 25:2

Da lecaic ñi qota'olec hueetagui nqai'en ca se re'xogui, chaqai nemaqajnataxanaxa quena nashillipi quecá'maq ỹovirau'a ỹa'xat ca'maxare.

Eclesiastés 12:12

Ca' quiñi 'óna ỹanata yí'maq chalego lecaic naqataxac. Qaica ca lqodoc quiyim qaỹo'uet aca 'xoic lere, chaqai quiyim 'xoic ca paxaguinaxac resotqataxan.

Eclesiastés 2:23

'Xoic da le'xoric queda nachaalataxac, ỹaatqajam qaica ca lo'daqa'; vire'ta quiyi pe se nco'majñi, ra'deenataxantac. ¡Ca' dajo qai'neeta qaica ca 'negue!

Eclesiastés 2:26

Llic quiyim ñi qota'olec ỹa'ue da na'deenaxanaxa chaqai da toonaxac quecá'maq nqo'ta ñi'maxare; qam cá'maq 'ue ca lasauaxaset, ca' iỹoxolec quiyim nqo'neuec chaqai lapoonñi na lesallaxa, ime, ca' ỹaanem cá'maq nqo'ta. ¡Qam qai'neeta dajo qaica ca 'negue chaqai 'ec qaỹahotaque neconecsec na nonot!

Eclesiastés 3:10

Ca' sa'deena'a dá'maq qaillilec na qomyipi quiñi qota'olec quiyim ỹahotaque nemanñi nqai'en queda'maxare.

Eclesiastés 3:11

Ma' ñi'maxare na' ñaqai chita'gue ỹo'uet, ỹaatqajam lo'yaxanec nqai'en ná'ogue; chaqai illaagui yi la'deenataxanaxac na qom quiyim ỹa'deentapega ná'maq sqaica lqodoc, 'eno'm na qom se ỹovi' quiyim ỹa'den quet da lecaic ñi qota'olec quená'maq lo'ueenatec chaqai quecá'maq ỹo'uet ma'le.

Eclesiastés 4:4

Seuana qai'neeta quiyim 'xoic ca no'ueenataxanaxac chaqai quiyim nqo'neuec ca no'ueenataxanaxac chicqochigui quiyim 'ue ca npa'guenta'ta', ca' dajo qai'neeta qaica quet cá'maq 'negue, chaqai 'ec qaỹahotaque neconecsec ca nonot.

1 Timoteo 4:15

Qam quiisalgoto quiyim ỹaatqajam ra'i'terelgoto nauajo, qaiyi ná'ogue iuana quiyim noquiiquetashiguim da no'ueenataxaqui'.