Daniel 7:25 - La'qaatqa ñi qota'olec Qota'olec & Qota'olec Novita Na Qomyipi

²⁵ So'maxare queu'a ma'le ñi qota'olec qaica nqai 'nejem, chi ỹovireta'a ma'le quiyim ỹa'llaxat na lalamaxareteripi ñi'maxare; ỹahotaque ỹadalaxat ma'le da lelaataxanaxac ñi qota'olec chaqai naua lemaqachico quiyim qaimaqachin ñi'maxare, chaqai ná'maq lalamaxareteripi ñi qota'olec qoỹoiquentac ma'le queso'maxare quesaua tres ñaxari chaqai seis shiriguiri.

Daniel 7:25 Iomraidhean Croise

Daniel 3:26

Ca na' 'naac dajo, ca so Nabucodonosor nqo'neu'a ñi lasom ñi nqatelaxanaxaqui, ca ỹaualaq, 'naac: —¡Sadrac, Mesac chaqai Abed-nego, lelaatqa ñi ỹapacauec qota'olec, nenoxoñiuec, naiquenajo! Ca' saua tres nenoxondec, chicqoterougui so norec lauaq.

Daniel 7:18

Qam ma' ime, ca' dajo no'ueenataxanaxac qoỹaanougui na lalamaxareteripi ñi qota'olec qaica ca 'nejem, ca' qaica lqodoc quiyim ỹoiquentac na'maxare.

Daniel 7:20

Chaqai qai'neeta sahotaque paguec sa'deenta cá'maq 'neete' saua diez lasote chaqai cá'maq 'neeta aso lasote paguec cocho'lli', só'maq 'vii naua nqote' chaqai 'ue lap, chaqai chalego lquesaxanqa' naua la'qaatqa, ca vire'ta 'ec paguec lecaic queso liỹa lasotellipi, chaqai saua tres lasotel qanaqate' quiyim qaỹa'ue loma'.

Daniel 7:8

Ca na' ñaqai sa'ajanta'pe saua lasote, ca seuane'ta aso liỹa lasote chicqochiguiñiguilo saua'maxare, qam paguec cocho'lli'. Ca na'le, ca' qano'chiquishiguim saua tres lasote, qaiyi qaỹa'ue loma' só'maq co'uaataxanaxaic nenoxonshiguim. So'maxare 'vii nqote' 'ec na qom, ca 'ue so lap retaqatac, chalego lque'gue' naua la'qaatqa.

2 Tesalonicenses 2:3

Qam sqai 'xañiigue ca nayinaxaguii, ma' ma' saqa' ỹovita cajo na'xa'a, ca novi' ma'le ca npa'guenaxac ñi qota'a. Ma'le, ca' re'oq ca ỹale sauaqhuaic cá'maq tai'a quiyim ỹaatqajam ime nqohin.

2 Tesalonicenses 2:4

'Eca cá'maq pa'guenaxaua, ma' nachajñi, ca' npa'guene'e' ná'ogue ná'maq ỹodootac da leenaxat ñi qota'a, chaqai ná'maq qanqouagaxaintacot, chaqai ỹovireta'a quiyim nqa'xanlec ca qouagaxainqa' quena' qanqouagaxainot ñi qota'a. Ca' chaqaica cá'maq 'ec qota'a, chaqai 'naac chaqaica cá'maq qota'a.

2 Tesalonicenses 2:8

Ca' ma'le, ca nachaxan cajo ỹale sauaqhuaic, qam so qara'gaxala' Jesús ỹalauatañi ma'le, ma' pe'tot quena lacat chaqai da lauaq da loviraxac.

Apocalipsis 12:14

Qam aso 'aalo qoỹaanema saua dos late'el laua' na ho'ic, qaiyi ishit ỹo, taỹa yi chi loma' quiyi 'laua qaica qom, ca qoỹoqo'ta so 'ec nanaic. Ca' yí hua'ñi, ca chi qaiqui'ỹaxantac quesaua tres ñaxari chaqai so lavinñi so liỹa ñaaxa.

Apocalipsis 12:6

Ca' asó'maq 'aalo 'eet, quepegue' yi 'laua qaica qom, yí'maq hua'ño' ca loma' qaỹa'maxatetañi quiñi qota'a. Ca' chi qaiqui'ỹaxantac quecaua mil doscientos sesenta na'xata'.

Apocalipsis 14:12

Ca' vichiguiño' ỹouen quiyim 'ue ca leualaxavic ná'maq lalamaxareteripi ñi qota'a, chaqai na'xaỹaxana da laqataxaquipi, chaqai ỹaatqajam ỹaqamqata quiyim quelec so Jesús.

Apocalipsis 16:6

Ma' saua'maxare ỹocoraqta'pe saua leuo' sauá'maq lapoosapegueu'a qami' chaqai ná'maq ỹa'xatetac da ra'qaachiqui'. Ca' nagui, ca ne'taxañirigui na neuoripi; ma' chaqaida dá'maq ta'chiguit quiyim qohine'tegue.

Apocalipsis 17:6

Ca na'le, ca' yitan dá'maq 'neetari' aso 'aalo: quiñiuguetaxai, quiñiuguetqachit ná'maq leuoripi na lalamaxareteripi ñi qota'a chaqai ná'maq qaỹalauat, sauaxat quiyim ỹa'xatetac so Jesús. Ca na' seuanchigui dajo, ca' ỹaatqajam 'ue da i'laxa.

Apocalipsis 18:24

Ma' quiyijo na'a' lodegaxat qaiuanalo naua leuo' ná'maq ỹa'xateta'pe naua la'qaatqa ñi qota'a, chaqai ná'maq lalamaxareteripi ñi'maxare, chaqai ná'ogue ná'maq qaỹalauat quena 'laua.