Daniel 7:2 - La'qaatqa ñi qota'olec Qota'olec & Qota'olec Novita Na Qomyipi

² Ỹim queso i'guemataxac, ca' seuana na nonot chicqo'teguelo naua cuatro llico quiyim npe'taxanshiguim, ca' idaxan na huaxaỹaq caso huaaxai late'ogue'.

Daniel 7:2 Iomraidhean Croise

Daniel 7:13

Ca' ỹim ñaqai shiquetalec da ỹa'ajnaxanaxac queso pe. Ca na' ncopa: Ca' 'ue so seuañi'chiguit naquetaugui so naueguelec ỹaatqajam 'nejem so ỹale llaalec, ca so'maxare quepegue' yí'maq neeta'ñi só'maq qo'xoic ỹale; ca qaỹo'uet quiyim nqo'neu'a so'maxare.

Daniel 7:7

Ca só'maq liỹa isecỹac lodegaxat seuana queso iuanaxanaxac, chalego da lichic, ỹo'uet da nqolonaxa chaqai chalego da lquesaxanaxa. Naua louee late'el nodaachiriñi fierro; ná'ogue ỹalauateta'oguit, ỹopoxoỹaxachigui, chaqai ná'maq no'ueenauec, ca' co'vigui. Sojo isecỹac ỹaatqajam ỹoqa'am queso liỹaripi seuana queso ilaxac, ma' mashic diez aso lasote quena lqahic.

Zacarías 6:5

Ca' so nelaatec piguim le'ec 'naac caỹim: Nauajo nauá'maq cuatro nonoochi', chicqosapegueu'a ñi la'gaxala' ná'ogue na 'laua.

Mateo 24:31

Ca ila' na lelaatqaipi piguim laseripi quiyim netenegue da lelamaxa ana lpe'te pe'taxan, ca' qaiyi lapoonta' ná'ogue na lca'acseripi neeta'guelo naua cuatro llico na nonot, qaỹachigoxota'ogalo naua'que naua lahil na 'laua.

Apocalipsis 17:15

Qai'neeta 'naac caỹim so nelaatec piguim le'ec: —Só'maq huañita huaaxaipi só'maq nqa'xantalec aso nedequenaxai, na'maxare chaqaina ná'ogue na qomyipi ỹoreta'oguit na la'qaatec.

Apocalipsis 7:1

Ca na' ime dajo, ca seuane'talo saua cuatro nelaatqa piguim lase', nachaatesañi, hueeta'ñiguilo naua cuatro llico na nonot. Saua'maxare quepaxatesa'guit naua nonoochi', qaiyi se pe'terelec ana 'laua, chaqai ana huaaxai, chaqai ana qo'paq.