Daniel 7:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Qam ma' ime, ca' dajo no'ueenataxanaxac qoỹaanougui na lalamaxareteripi ñi qota'olec qaica ca 'nejem, ca' qaica lqodoc quiyim ỹoiquentac na'maxare.

Daniel 7:18 Iomraidhean Croise

Salmos 45:16

Qami' nashi, na qachaalaxai'ipi nqa'xanñigui ma'le añi nqa'xanaxaqui so 'auaxaic qata'alli'ipi nashillipi, ma'le, ca' nashi nqai'ñi' quená'ogue na 'laua ñiitalec.

Daniel 7:14

Ca' qoỹaanem da lquesaxanaxa, da lauaq chaqai da no'ueenataxanaxac quiyim nashi, ca' na ỹoreta'oguit qomyipi chaqai la'qaatec ro'ueenataxanot. Da lquesaxanaxa se neme, chaqaidaata 'neetari', chaqai qaica ỹosogui da lelaataxanaxac quiyim nashi.

Daniel 7:17

Sauajo cuatro ise' leta'al, chaqaisaua saua cuatro nashil ỹoiquensac ma'le ná'ogue na 'laua.

Daniel 7:22

ca vire'ta na' novi' so nqo'xonec, ca' qoshiilec so lalamaxareteripi lauo' ñí'maq qota'olec qaica ca 'nejem, ma' ỹovirelec ca laloqo' quiyim na lalamaxaret lauo' ñi qota'olec icoñiguit da no'ueenataxanaxac quiyim ỹoiquentac ná'ogue nanchaqaina.

Daniel 7:25

So'maxare queu'a ma'le ñi qota'olec qaica nqai 'nejem, chi ỹovireta'a ma'le quiyim ỹa'llaxat na lalamaxareteripi ñi'maxare; ỹahotaque ỹadalaxat ma'le da lelaataxanaxac ñi qota'olec chaqai naua lemaqachico quiyim qaimaqachin ñi'maxare, chaqai ná'maq lalamaxareteripi ñi qota'olec qoỹoiquentac ma'le queso'maxare quesaua tres ñaxari chaqai seis shiriguiri.

Daniel 7:27

Chaqai da no'ueenataxanaxac quiyim qoỹoiquentac nanchaqaina, da nquesaxanaxa chaqai da lauaq ná'ogue na nashillipi quena 'laua, qoỹaanem ma'le na lalamaxaret lauo' ñi qota'olec qaica ca 'nejemalam. Da lo'ueenataxanaxac chaqaidaata 'neetari', sqaica lqodoc, chaqai ná'ogue na ỹoreta'oguit qomyipi quena 'laua ro'ueenataxanot, chaqai cá'maq 'naac, ca' na'xaỹaxane'ta.

Lucas 1:33

qaiyi ca'maxare se neme ma'le quiyim reloqota'a na llaalqaipi so Israel. Qam dajo lo'ueenataxanaxac quiyim nashi, ca' sqaica lqodoc.

1 Corintios 6:2

Loqo'm ¿sqa 'yiiñii quiyim na lalamqateripi ñi qota'a imit ma'le ná'ogue na hueetalec na 'laua qomyipi? Ca no'm qamiri michii ma'le na'maxare, ca ¿sqai shichio' michii dá'maq qaica ca nishaaque?

Efesios 1:3

Semaqachinqatac ñi qota'a ñí'maq leta'a so qara'gaxala' Jesucristo, ma' mashic ña'daqatau'a so Cristo, ca' ñi'maxare ỹaanema qomi' ná'ogue ná'maq lqouagaxanaxat chicqo'ot nqai'en na piguim.

Efesios 6:12

Ma' se seloquiaqata'pegue' ca chaqai qom qara'aajshaxaua, ta'ta'a ná'maq lquesaxanaxa se re'xogui na se no'uen hueeto'ot na piguim, ná'maq relaataxanac chaqai 'ue da lquesaxanaxa, chaqai ỹoiquentac ná'maq ñaqai hueetaugui na napalaxa quenajo 'laua.

Apocalipsis 20:4

Ca na' ime, ca seuane'talo saua nashi nqa'xanaxaqui'. Ca' quesaua'maxare nqa'xantañiguilo sauá'maq qoỹaanema quiyim ishite' imite' na nasauaxaset. Qai'neeta seuana na lqui'illipi ná'maq qaichaxaic na lqahic sauaxat ỹa'xatetac da la'qaatec ñi qota'a, dá'maq shi'co' ỹa'xat so Jesús. Saua'maxare chaqaisaua sauá'maq se imaqachine' so isecỹac lodegaxat chaqai so nadenqatec lqui'i, chaqai se ỹa'maxarene' quiyim qaỹa'ue ca netanec quena latap loqo'm quena lqai'laxat. Seuane'ta quiyim liỹa qanca'laxaterec, ca lotaua' so Cristo quiyim nashillipi quecaua mil ñaxari.

Apocalipsis 22:5

Ca' yi hua'ñi, ca' tot qaica ca pe ma'le. Ca ná'maq neeta'ñi yi'maxare, ca' tot ỹouen aca lcoỹeraxanaxaqui chaqai ca lauaq añi ra'aasa; ma' ñi qota'a ñí'maq qara'gaxala' coỹaretalec ma'le. Ca saua'maxare sqaica lqodoc quiyim nashillipi ma'le.

Apocalipsis 3:21

Ca cá'maq rauegaxan, ca' sa'ue ma'le ca loma' quiyi ñqa'xanqa' quiyim nashi, 'nejem aỹim ma' sauegaxan, ca ñqa'xanñi cañi nqa'xanaxaqui ñi qota'olec.

Apocalipsis 5:10

Ca 'viichi' quiyim qomi' nashil chaqai quiyim qomi' letaxaỹaxanqajanqa na qomyipi quiyim so'ueenataxanqot ñi qota'olec. Chaqai quiyim qareloxoiqatecsec ná'ogue na hueetalec na 'laua.