Daniel 7:1 - La'qaatqa ñi qota'olec Qota'olec & Qota'olec Novita Na Qomyipi

¹ 'Ue so pe queso 'auaxaic ñaaxa queda lo'ueenataxanaxac so nashi Belsasar quiyi Babilonia, ca' so Daniel 'ue so le'guemataxac chaqai leuanaxanaxac. Qam na' nelouec, ca' ỹichiñi sauá'maq paguec lecaigue' le'guemataxaco. Ca só'maq ỹiriñi 'neetasa':

Daniel 7:1 Iomraidhean Croise

Génesis 15:1

Ca co'na' ime dajo, ca' ñi qara'gaxala' retaxaỹa'pegue' so Abram, viichigui nqai'en so leuanaxanaxac. Ca 'naaco': —Qaica ro'chi'raque, Abram, ma' ỹim squepaqataxanteguelec qami'. Ỹaatqajam 'xoic lecaic ma'le aca nishivichi'i'.

Génesis 46:2

Ca' queso pe ñi qota'olec retaxaỹa'pegue' so Israel, viichigui nqai'en so lelaxac, roỹaxana queda liỹa leenaxat Jacob. Ca so'maxare saat, 'naaco': —Aỹim seuete'e najo.

Job 4:13

Ca na' pe na' ỹovitot da lelaxac na qom, ca' 'ue so i'guemataxac se i'taxategue ca ilaxac.

Isaías 30:8

Hua' nagui, ca' na'itquena, ca' 'chirelec ca qo'paq lahi, vite ca qayirqui', ca' chaqaiyi hueeta'ñi nqai'ñi', ca' dajo na'qaatec sqaica lqodoc.

Isaías 8:1

Ca' ñi qota'olec 'naac caỹim: —Coñita ca qo'paq lahi lodegaxat nichaxasec, ca 'chirelec ca'maxare, re'qoote' nqai'ñi' caua qaderaxahi', 'chiriñi: Qaỹaloq nouootaxanaxac chaqai nalauataxanaxac.

Jeremías 27:7

Ná'ogue na ỹoreta'oguit qomyipi ỹoiquentac ma'le ñi'maxare, na llaalqaipi chaqai na lauaripi, chi ỹovireto'o' ma' na na'laua qalam qoỹoiquentac quena ỹoreta'oguit qomyipi chaqai na nashillipi quesaxanaxaiquipi.

Jeremías 36:32

Co'na'le, ca' so Jeremías icona aso liỹa lere, ca' ỹaanem so Baruc só'maq leraxanqajnec, ca' ỹiriñi cá'ogue cá'maq 'naac so Jeremías, sá'ogue só'maq hueetalec aso lere só'maq copata'a na'le so nashi Joacim. Ca' so Jeremías 'xoic so liỹa ỹoqoto, 'nejem só'maq 'auaxai lere.

Jeremías 36:4

Co'na'le, ca' so Jeremías roỹaxana so llaalec so Nerías, leenaxat Baruc, ca 'naapega quiyim ỹiriñi dá'ogue dá'maq 'naac ñi qara'gaxala', ca' so Baruc ỹiriñi caso lere.

Ezequiel 1:1

Ỹim netaxaỹaxanqajnec, ỹeenaxat Ezequiel, ỹim llaalec so Buzi, 'ue so na'xa'a seueto'ot na lahi aso lachiugue Quebar, quiyi Babilonia. Salequetaugui na'le ná'maq ỹoqa'a da qai'xategue 'laua. Ca' quiyi, ca 'eco' huachigui na piguim, ca' 'ue so iuanaxanaxac, seuane'ta ñi qota'olec na' ime' saua veintinueve ñaxari, tres shiriguiri chaqai cinco na'xata', na' ỹovite' saua cinco ñaxari quiyim qai'xategue da ỹoqa'a 'laua so nashi Joaquín. Ca' ñi qara'gaxala' qota'olec ỹashil-lec aỹim.

Daniel 1:17

Ca' quesauajo cuatro ne'naqa ñi qota'olec ỹaanema da lco'ỹaxarigue' chaqai ỹa'yiinchirigui dá'ogue da 'neeta ana lere chaqai ná'ogue na na'deenec. Ca' so Daniel ỹa'den qai'neeta ná'ogue na leloxoỹaxaquipi na neuanaxanaxac chaqai na ne'guemataxac.

Daniel 5:1

Ca' so Belsasar, nashi quiyi Babilonia, ỹo'uet so nqui'ỹaxac lodegaxat, ca' talaxanlec, ỹal so mil lotauaripi queda lo'ueenataxanaxac quiyi 'laua. Ca na' ñaqai que'eetac, ca' so nashi chaqai so lalecseripi chaqa'ma' 'xoic so lataxa ni'chirigui.

Daniel 5:22

Ca' nagui qami' ỹashi Belsasar, qami' llaalec só'maq 'yiiñi' na'le dá'maq qohinta'gue, qai'neeta qami' se niñiiquishiñi'.

Daniel 5:30

Ca' chaqaisoota so pe, ca qaỹalauat so Belsasar só'maq lashi so caldeoipi,

Daniel 7:13

Ca' ỹim ñaqai shiquetalec da ỹa'ajnaxanaxac queso pe. Ca na' ncopa: Ca' 'ue so seuañi'chiguit naquetaugui so naueguelec ỹaatqajam 'nejem so ỹale llaalec, ca so'maxare quepegue' yí'maq neeta'ñi só'maq qo'xoic ỹale; ca qaỹo'uet quiyim nqo'neu'a so'maxare.

Daniel 7:15

Ca' ỹim Daniel ñauata'guit mashic paguec so iqolonaxa chaqai 'xoic da ỹachitachic quesá'ogue só'maq seuanchigui,

Daniel 7:7

Ca só'maq liỹa isecỹac lodegaxat seuana queso iuanaxanaxac, chalego da lichic, ỹo'uet da nqolonaxa chaqai chalego da lquesaxanaxa. Naua louee late'el nodaachiriñi fierro; ná'ogue ỹalauateta'oguit, ỹopoxoỹaxachigui, chaqai ná'maq no'ueenauec, ca' co'vigui. Sojo isecỹac ỹaatqajam ỹoqa'am queso liỹaripi seuana queso ilaxac, ma' mashic diez aso lasote quena lqahic.

Joel 2:28

Ca na' ime'ueque dauajo, ca' socorougui so ñi'espíritu ná'ogue na ỹoreta'oguit qomyipi: na qachaalaxahipi chaqai na qachaallipi ỹa'xate' naua ỹa'qaatqa, na qo'xoiquipi 'ue ma'le ca le'guemataxac chaqai na ne'naqaipi 'ue ma'le na leuanaxanaxac.

Amós 3:7

Ñi qara'gaxala' se ỹauana quiyim 'ue ca ỹo'uet quiyim se ỹa'deenaxanaxanegue na lelaatqaipi letaxaỹaxaquiripi.

Romanos 15:4

Ma' ná'ogue ná'maq shi'gue qoỹeretañi la'qaatec ñi qota'a, qoỹiriñi ma' qaỹauaaque qanapaxaguinaxat, qaiyi 'ue ca qareualaxavic chaqai ca la'maxa qouel chicqochigui da'maxare, ca' 'ue da qanaquitaxac.

2 Corintios 12:1

Ỹaatqajam qaica quet cá'maq 'negue ca qom no'm chi na'xateteguelta'. Qam ỹim dá'maq qayauanaxanaxanegue chaqai dá'maq ya'deenaxanaxanegue so qara'gaxala', ca sa'xat.

Apocalipsis 1:19

Ca' 'chiriñi ná'ogue ná'maq huañichirigui, quená'maq 'ue nagui, chaqai quecá'maq 'ue ma'le.

Apocalipsis 10:4

Ca na' ime retaxahi' saua siete soxonaxal, ca' ỹim mashic sham shiriñi dá'maq 'nerac. Qam 'ue so na'qaatec sa'xaỹaque 'maxashiguim quena piguim, 'naacsa': —Totaxan 'chiriñi dá'maq 'nerac saua siete soxonaxal, qaiyi sqaica ca ỹa'den.