Daniel 6:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ca vichiguiño' nagui, ca 'taxachiriñi qami' qarashi da qana'deenaxac chaqai 'chiriñi ca qadeenaxachi', qaiyi qaica ca nadalaxashiguim ma' chaqaida dá'maq naqataxac quena medoipi chaqai Persia laseripi qaica ca ishit ỹapalaxat.

Daniel 6:8 Iomraidhean Croise

Ester 1:19

Vichiguiño' qami' qarashi, no'm 'maxariñite', ca 'maxaraic quiyim 'viichi' ca ra'qaachiqui', ca' qoỹiriñi, qaiyi ỹalequetaugui na nelaataxanaxaquipi quena Persia laseripi chaqai yi Media, qaiyi se qaỹosogoñi quiyim añi nashi Vasti taachi'ñi quiyim tot reloqoto'ot ñi nashi Asuero, chaqai da lo'ueenataxanaxac quiyim nashi taalec nqohin aca liỹa 'aalo paguec huagaxarai.

Ester 3:12

Ca na' ỹovire'oga so na'xa'a trece queso 'auaxaic shiraigo queso ñaaxa, ca qaroỹaxane'oga so leraxanqajanqaipi so nashi, ca' ỹiriñi dá'maq la'qaatec so Amán, ca' qailata na nashillipi reloqota'alo naua liỹa' 'lauari qoỹeretalec nauá'maq chi la'qaatqa ná'maq qomyipi reloqota'a chaqai hueetalec da leenaxat so nashi Asuero chaqai qaỹotocqotañi aso letanaxanqate so lashi na nashillipi.

Ester 8:10

Na nelaatallipi hueetalec da leenaxat so nashi Asuero, ca na' ime quiyim qaỹotogoxolec aso letanaxanqate so nashi, ca' qailategue na lere lo'ollipi quená'maq neetalec na yaqaic shipiguiripi quená'maq chi laloipi so nashi.

Ester 8:3

Ime, ca' aso Ester lotqai liỹa retaxaỹa'pegue' so nashi, ca' ỹa'dooto naua le'cootal chaqai no'qaachi'ñiguilo naua nqote' quena lachiripi, ca ne'xoresene'tot so'maxare quiyim nosogoñi so na'qaatec se no'uen ỹiriño' na'le so Amán, qaiyi se ipac nqohin dá'maq shimo' qohine'tegue na judioipi.

Ester 8:8

Nagui, ca' selarelgoto qamiri quiyim 'chiiñi cá'maq chi ra'qaachiguii. 'Viiquiñitac cá'maq 'ñiita'gue paguec 'maxaraic na judioipi, chaqai ¡togoxoilec aca itanaxanqate! (Ma' aca lere mashic hueetalec da leenaxat ca nashi chaqai qaỹotocqotalec aca letanaxanqate, tot qaishit qaỹosogui.)

Isaías 10:1

¡'Xoraiqolqa qamiri, ma' 'viichiñi na naqataxac se no'uen chaqai 'chiiñi na nelaataxanaxac se qanalo'guit,

Daniel 5:28

PARSIN: da relaataxanaxaqui' quiyim qami' nashi qaiuagaxachigui, ca' qoỹaanougui yi medoipi chaqai yi Persia laseripi.

Daniel 6:12

Ca chaqa'ma' querepegue' so nashi, ca 'nerapega queso 'deenaxac, 'neraco': —Qami' qarashi, shi'gue 'ỹaañirec saachichiguit so qana'deenaxac, ca so'maxare 'neetasa': Cá'maq nqouagaxainot ca nashiilec nqolac loqo'm ca chaqai qom quiyim mesqaiqami', qami' qarashi, ca' qainaxa'ña so sauaxaic leta'allipi cañi tema. ¿'Nesam chaqaida? —Ajá'a chaqaida —'naaco' so nashi—. Ca' dajo 'deenaxac ipaquichigui nqohin ma' chaqaida 'neeta quena medoipi chaqai na Persia laseripi, ca' se ishit qaỹosogui.

Daniel 6:15

Qam so ỹalliripi quepegue', ca' liỹa ỹovira'a so nashi, ca 'naapega: —Qami' qarashi ỹaatqajam 'yiiñite' quiyim da naqataxac ỹa'yiñi na medoipi chaqai na Persia laseripi 'neetasa': Qaica cá'maq qaỹollac loqo'm cá'maq mashic qaỹa'yiñi 'deenaxac queca nashi, qaica ishit ỹapalaxat loqo'm ỹosogui.

Mateo 24:35

Na piguim chaqai na 'laua imero ma'le, qam naua ỹa'qaatqa sqaica ma' se ipaguiguilo quet.