Daniel 6:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ca qomá'ogue qomi' seloxoiqata'a na 'laua sotauanqai'sac qami' qarashi llapoxota', ca setaxaỹaxata', ña'deenaxata' quiyim qaỹa'yiñi da qana'deenaxac caqami' qarashi, quiyim 'ñirac quiyim quesaua treinta na'xata' qaica ca qoỹaanot ca nashiilaxanaxac quena nashiilec nqolac loqo'm ca chaqai qom, qaqamite' qami' qarashi qaỹa'dooto naua ne'cootal. Ca no'm cá'maq se na'xaỹaxan, ca' qainaxa'ña so sauaxaic leta'allipi cañi tema hueeta'ñigui.

Daniel 6:7 Iomraidhean Croise

Salmos 2:2

Ná'ogue na nashillipi quena 'laua, na'maxare sqai huelec, ca' lapoỹata', ca npa'guene'e' ñi qota'olec chaqai ñi nashi lca'acsec.

Daniel 3:11

ca cá'maq se ipacqajñigui da ra'qaachiqui', ca' qainaxaugui ñi nqatelaxanaxaqui ỹaviquetaugui.

Daniel 3:2

Na' ime, ca' roỹaxane'oga na nashillipi quenaua 'lauari, chaqai na nouaataxanaq lashillipi, na ichoxota'pe naua leloxoỹaxaco, nauá'maq napoondac ana nam, na neraxanyipi, na imitac na nasauaxaset chaqai na liỹa lotauaripi so nashi quenaua 'lauari, qaỹahotaque ỹalequetaho ma' qoỹaanshiguim só'maq nadenqatec qom relaataxanlec so nashi.

Daniel 3:27

Ca sá'ogue so lotauaripi so nashi hueeta'anyi nqo'neu'alo saua ỹale' sauá'maq se ỹavigaxate' naua loshicma' so norec. Ca' iuanta quiyim vire'ta na laue' saua'maxare qaica ca ỹovira'a so norec lauaq, chaqai saua loho ỹansañi no'ueente', chaqai qaica ca nesalaxaripi lahita no'ueenaho.

Daniel 3:6

Ca ná'ogue ná'maq se ỹa'chi'iñi naua le'cootal chaqai se nqouagaxainot ñi nadenqatec qom imaañi 'oro, ca chaqa'ma' qainaxaugui ñi nqatelaxanaxaqui ỹaviquetaugui.

Daniel 6:16

Co'na'le, ca' so nashi relaataxane'oga so Daniel quiyim qanauego, ca qainaxa'ñigui aso tema hueeta'ñigui so sauaxaic leta'allipi. Qam na' saqa' qaỹomachigui da na'qaatec, ca' so nashi 'naaco' queso Daniel: —¡Ca qota'olec caqami' cá'maq 'ỹaañisacot da no'ueenataxaqui', rca'laxachirec!

Daniel 6:22

Ñí'maq qota'olec caỹim nela' so lelaatec caỹim, ca' ỹapoguilo naua laapi' na sauaxaic leta'allipi, qaiyi qaica ca 'ne'tegue aỹim, ma' ñi qota'olec ỹa'den quiyim qaica ca sasauaxat quiñi'maxare chaqai caqami', qami' ỹashi.

Miqueas 6:5

Qamiri ỹalamaxarete', ñaq no'viñigue nagui dá'maq na'deenaxac na'le so nashi quiyi Moab leenaxat Balac quecá'maq sham 'neeta'guelo qamiri, chaqai dá'maq la'qaatec na'le só'maq llaalec so Beor leenaxat Balaam. No'viñigue na' chigoxoichi'ñi yi Sitim, ca 'iỹa'gue da Gilgal, chaqai 'yiiñira'a quiyim so'ootaxanteguelgoto qamiri na'le.

Mateo 12:14

Ca co'na'le, ca ta'oguiyi so fariseoipi, ca' retaxaỹapigui cá'maq la'maqa' quiyim ỹalauat so Jesús.

Mateo 26:4

Ca hua'anyi, ca qana'deentapigui so Jesús quiyim qaiconlec qaỹalauat qaỹayinta.

Marcos 15:1

Ca co'na' mashic richiguiñi, ca' so la'gaxalateripi so netaxaỹaxanqajanqaipi chaqai so qo'xoiquipi chaqai so rapaxaguinataxanta'pegue na naqataxaquipi chaqai sá'ogue só'maq nashillipi ỹo'ueetegueñi na leloxoỹaxaquipi nanchaqaina, sá'ogue lapoỹata', ca' qoỹaxateta so Jesús, ca' qaỹauegueu'a so Pilato.

Juan 12:10

Ca' so lashillipi na netaxaỹaxanqajanqaipi quena' qaretaxaỹa'pegue' ñi qota'olec, so'maxare retaxaỹapigui quiyim qai'neeta qaỹahotaque qaỹalauat so Lázaro,