Daniel 6:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ca' so lotauaripi so nashi idaantaque ca la'maqa' quiyim 'ue ca qaipataxalec ỹasauaxat queda lo'ueenataxanaxac quiñi lauo' so nashi, qam so Daniel ỹaatqajam 'maxataxaraic, ca' sqaica ca ỹasauaxat, ca' qaica quet cá'maq qaỹa'xat quet queso'maxare.

Daniel 6:4 Iomraidhean Croise

Génesis 41:38

Co'na'le, ca 'naaco' so Faraón queso liỹaripi: —¿Tegue' chaqa 'ue ca liỹa ỹale qaranataxat 'nejem da'maxare hueeto'ot ca ne'espíritu ñi qota'a?

Génesis 43:18

Qam saua'maxare no'daxateterec, ma' qaỹaueguera'a yi la'a' so José. Ca 'neraco' quen: —¡Caalata'm 'ue ca qohi'nteguelo qomi', quiyim qanauegue'ogalo qomi' najo! Peeta'a chaqaca aca qodam qaỹopilaxate'toto qomi' na' 'auaxaic ñanaxaquena. Nagui, ca' qaỹoqoca'pe qomi', ca qaỹo'ueenataxanaxane' qomi' chaqai na qoloipi.

Eclesiastés 4:4

Seuana qai'neeta quiyim 'xoic ca no'ueenataxanaxac chaqai quiyim nqo'neuec ca no'ueenataxanaxac chicqochigui quiyim 'ue ca npa'guenta'ta', ca' dajo qai'neeta qaica quet cá'maq 'negue, chaqai 'ec qaỹahotaque neconecsec ca nonot.

Jeremías 20:10

Sa'xaỹa quen na qomyipi remootetecta', 'naac: “¡Da lichic qaica ca ỹochiỹa'gue!” 'Nerac: “¡Ỹalahi, qolaq, salaxanaxague!” Vire'ta na ñauochaxauaripi nauaantailec quiyim 'ue ca so'maqajnac. 'Nerac: “Sqoue nañaanta quiyim sayinaq; ca ma'le, ca' qodoxonec, ca ma'le, ca' sahoqe ca qarovi' queda'maxare.”

Jeremías 29:7

'Ueenataxañii qaiyi nqo'neuec cá'maq na'a' lodegaxat cá'maq selateguelo qamiri, chaqai yashiilahi nqouagaxaiñilec ca'maxare, ma' no'm ỹa'maqachiguiñi ca'maxare, ca' qai'neeta qamiri ra'maxaichiguiñi.

Daniel 3:8

Ca' 'vii saua Caldea lase' nquipitero quiyim talaxaneguelo saua judío lase' queso nashi Nabucodonosor.

Daniel 5:12

Ma' queso Daniel, só'maq so Nabucodonosor ỹanegue na'le leenaxat Beltsasar, 'ue so ne'espíritu chalego lecaic queda nco'ỹaxaric chaqai da na'deenec quiyim chaqa'ma' ỹa'den ca leloxoỹaxac ca ne'guemataxac, chaqai quiyim ichoxot ca leloxoỹaxac ca se qaiuanapega na'qaatec, chaqai quiyim ỹa'maxajñi ca 'xoic lqalaic. Vichiguiño' qami' qarashi, ỹaxañire'oga ca Daniel, ca ca'maxare ra'deenaxanaxañitegue ca leloxoỹaxac yi naneretañi quena 'imec lahi.

Daniel 6:22

Ñí'maq qota'olec caỹim nela' so lelaatec caỹim, ca' ỹapoguilo naua laapi' na sauaxaic leta'allipi, qaiyi qaica ca 'ne'tegue aỹim, ma' ñi qota'olec ỹa'den quiyim qaica ca sasauaxat quiñi'maxare chaqai caqami', qami' ỹashi.

Mateo 26:4

Ca hua'anyi, ca qana'deentapigui so Jesús quiyim qaiconlec qaỹalauat qaỹayinta.

Mateo 27:18

Ma' retano' quiyim chi npa'guenaxac dá'maq 'em qoỹaano' so Jesús.

Lucas 20:20

Ca ỹa'vio' saua nelarerec quiyim na'ajnaxande'oga so'maxare chaqai 'ec 'maxaraic ỹalliripi, quiyim qaỹahotaque 'ue ca ỹa'xat se ỹa'maxañi, ca qaỹachigoxochichigui ca lasauaxaset, ca qaỹodou'a so nashi Roma le'ec.

Lucas 20:26

Ca se qaishit quiyim qaỹachiguiñi chaqai qaỹa'ue ca lasauaxaset quedá'maq 'naac reloqotaugui so qomyipi. Chaqaidaata quiyim ỹaatqajam 'xoic da le'laxa quedá'maq 'naac so Jesús. Ca' quiyi, ca i'maqajlem.

Lucas 22:2

Ca' so la'gaxalateripi na netaxaỹaxanqajanqaipi quena' qaretaxaỹa'pegue' ñi qota'a, chaqai na rapaxaguinataxanta'pegue na naqataxaquipi, idaantaque ca la'maqa' quiyim ỹalauat so Jesús, qam 'ue na lqolonaxa quena qom.

Juan 19:4

Ca' so Pilato lotqai liỹa inoxone'oga so qomyipi, ca 'naaco': —Ñaqa 'ajñii, nagui ñaueguec, qaiyi ỹaatqajam 'yiiñita quiyim aỹim qaica quet cá'maq sanata lasauaxaset.

2 Corintios 11:12

Qam ỹim shiquetalec quiyim qaidaata dá'maq shintari' queda so'ueetetac, qaiyi qaica ca lligo ná'maq chi ỹahotaque cá'maq chicqochigui quiyim 'ue ca netoonaxac, 'nejme' qomi'.

Filipenses 2:15

qaiyi qaica ca 'ue ca lasauaxaset chaqai ca 'ue ca lo'maxac caqamiri. Ta'ta'a quiyim ỹaatqajam qamiri llaalqa ñi qota'a, co'teete' qamiri quiyim lliguitaugui na qomyipi hualoxonyipi chaqai nocqaiquipi. Qam naviguerec qamiri, ca' coỹarilec na'maxare, 'ñiitari' aca huaqajñi naviguec quena' napalñi,

1 Timoteo 5:14

Vichiguiño' sahotaque quiyim caná'maq pa'ỹe saqa' qo'oq, ca 'maxaraic quiyim 'on, ỹa'vii caua llaalqa, chaqai idaanlec ca la'a', qaiyi qaica lligo ca npa'guenaxaua quiyim 'ue ca inaqateguelec se ỹa'maxañi.

Tito 2:8

Chaqai da rapaxaguinataxanaxaqui' ỹaatqajam lo'yaxanec nqai'ñi', qaiyi qaica ca na'qaatec se no'uen qaỹa'xatetac. Ta'ta'a quiyim nayiloxon nqai'en cá'maq pa'guenaxantac, ma' se ishit quiyim 'ue ca la'qaatec se ỹa'maxañi taalgoto nqai'ne' qamiri.

1 Pedro 2:12

Ỹaatqajam 'maxaraic nqai'ñii da no'ueenataxaguii, na'maxachita quiyim lliguitaugui ná'maq saqa' iuanapega ñi qota'a. Qaiyi ná'maq se no'viiñi naua ỹa'xateta'pe nagui caqamiri, 'ec 'xoic nqai'en ca rasauaxashichii, ca' iuana ma'le dá'maq 'maxaraic 'viichitac, ca' imaqachin ma'le ñi qota'a ma' ỹovita ca na'xa'a quiyim ñi'maxare imit na nasauaxaset quená'ogue najo.

1 Pedro 3:16

Na'maxachita quiyim qaica canchaqaica huapigui qavillii, qaiyi ná'maq se no'uen ná'maq ỹa'xatetac quiyim mashic coñiguit da na'qaatec queso Cristo, ca nayiloxonlgoto ma'le nauá'maq chi la'qaatqa.

1 Samuel 18:14

Ca ma' qaỹotauantac so David quiñi qara'gaxala', ca' ỹaatqajam 'ue nqai 'negue quená'ogue ná'maq ỹo'uet.