Daniel 6:3 - La'qaatqa ñi qota'olec Qota'olec & Qota'olec Novita Na Qomyipi

³ Ca' so Daniel chaqa'ma' re'oq quiyim paguec ỹa'den da lo'ueenataxanaxac quesaua liỹa' neloxoỹa', ca vichiguiño' so nashi ỹahotaque quiyim pataxalec nashi quiyá'ogue yi 'laua.

Daniel 6:3 Iomraidhean Croise

Ester 10:3

So Mardoqueo só'maq judío le'ec, pa'aata'guit yi loma' so lashi na nashillipi. Ỹaatqajam chalego lecaic nqohin quena judioipi, nqo'itaxat quesá'ogue so lauo' laseripi, ma' ỹo'uet dá'maq ỹa'maqachiguiñi quesó'maq chi lauo' laseripi, chaqai reloquilec, qaiyi ỹa'maxañi so'maxare.

Proverbios 22:29

Cá'maq ỹa'maqachiguiñi nqai'en ca lo'ueenatec, ca'maxare nelaatec ma'le quena nashillipi, mesqai queca qom sqailligueme' ỹaqamaq.

Eclesiastés 2:13

Ca' sanata quiyim paguec 'ue ca 'negue da na'deenec quedá'maq quiyim qaica ca qaỹa'den, 'ec dá'maq quiyim paguec la'maxa ca richiichiguiñi queca napalaxa.

Daniel 5:12

Ma' queso Daniel, só'maq so Nabucodonosor ỹanegue na'le leenaxat Beltsasar, 'ue so ne'espíritu chalego lecaic queda nco'ỹaxaric chaqai da na'deenec quiyim chaqa'ma' ỹa'den ca leloxoỹaxac ca ne'guemataxac, chaqai quiyim ichoxot ca leloxoỹaxac ca se qaiuanapega na'qaatec, chaqai quiyim ỹa'maxajñi ca 'xoic lqalaic. Vichiguiño' qami' qarashi, ỹaxañire'oga ca Daniel, ca ca'maxare ra'deenaxanaxañitegue ca leloxoỹaxac yi naneretañi quena 'imec lahi.

Daniel 5:14

'Ue da ỹa'xaỹaxac quiyim neetagui qami' ca ne'espíritu ñi qota'olec chaqai ỹaatqajam 'ue da rco'ỹaxariqui' chaqai da ra'yiinqui'.

Daniel 5:7

Ime, ca' ỹaualaq chaqai roỹaxanaque ná'maq richaauec nqai'en nanchaqaina, ná'maq 'deenaxanqachaqaic, chaqai ná'maq napaxaguintapega na piguim le'ec quiyi Babilonia. Ca 'naaco': —Cá'maq retaqalec yí'maq naneretañi quenajo chaqai ichoxochim ca leloxoỹaxac, ca' qoỹañiguilo caua noho togue' nashi loho chaqai qaỹa'ue aca lqola 'oro, chaqai pa'aata'guit aỹim queda ỹo'ueenataxanaxac quiyim soiquentac na 'laua.