Daniel 6:23 - La'qaatqa ñi qota'olec Qota'olec & Qota'olec Novita Na Qomyipi

²³ Ca co'na'le, ca so nashi 'ue da netoonaxac, ca' relaataxan so nashi quiyim qanavicshiguim so Daniel cañi tema. Ca na' qanaqajshiguim, ca' qaica ca qaiuana natoc, ma' ỹaatqajam huelec ñí'maq qota'olec.

Daniel 6:23 Iomraidhean Croise

1 Reyes 5:7

Ca' so Hiram, co'na' 'xaỹa da la'qaatec so Salomón, ca 'xoic da netoonaxac. Ca nelamaxaren, 'naaco': —¡Ỹaatqajam qaimaqachin ñi qara'gaxala', ma' ỹa'uo' na'le ñi llaalec so David ỹaatqajam 'deenaxanqachaqaic quiyim reloxoỹa'a yi chalego lecaic qomyipi!

Daniel 3:17

Ñi qota'olec coqomi', ñí'maq ñqouagaxainqatacot, ñi'maxare ishit quiyim qarca'laxatec quena lauaq ñi nqatelaxanaxaqui chaqai quená'ogue ná'maq se no'uen vi'saque 'ñiteteguelo qomi', qami' qarashi, ca ñi qota'olec qarca'laxatec ma'le.

Daniel 3:25

—Qam ỹim cuatro dauá'maq ỹale' sedaantau'alo soosauec 'ec qaica nqai'ne' na norec lauaq ỹouoosapigui, ca dá'maq liỹa 'ec qota'olec lelaatec chicqashiguim.

Daniel 6:14

Ca co'na' so nashi 'xaỹa dajo, ca chaqa'ma' rachicotam, ca chaqa'ma' idaantaque ca la'maqa' quiyim nca'laxatec so Daniel. Chi ỹovireta'a na' inoxonñi aso ra'aasa, ỹahotaque quiyim nca'laxatec.

Daniel 6:18

Ca na' ime, ca' so nashi quepegue' yi la'a', ca' nenanñi, se que'e chaqai le'ne' nqai'ne' naua chaqai leuallaxaviaxaco, chaqai qaica ca lelaxac quesá'ogue so pe.

Marcos 9:23

Ca' so Jesús 'naaco': —No'm shichi' vi'relec, qaica ca qaỹaqalanac quecá'maq huelec.

Hebreos 11:33

Sá'ogue so'maxare chicqochigui da lpi'ỹaxac quiyim 'ue na loxonec naqajñi 'lauaripi, chaqai 'maxaraic da lo'ueenataxanaxac quiyim nashi, chaqai icoñiguit da ỹachaxantac lotaanaxanaxac ñi qota'a, ỹapogui na lap na sauaxaic leta'allipi,