Daniel 6:22 - La'qaatqa ñi qota'olec Qota'olec & Qota'olec Novita Na Qomyipi

²² Ñí'maq qota'olec caỹim nela' so lelaatec caỹim, ca' ỹapoguilo naua laapi' na sauaxaic leta'allipi, qaiyi qaica ca 'ne'tegue aỹim, ma' ñi qota'olec ỹa'den quiyim qaica ca sasauaxat quiñi'maxare chaqai caqami', qami' ỹashi.

Daniel 6:22 Iomraidhean Croise

Génesis 40:15

Ma' chaqaỹim nocataxat quiyi qana'laua qomi' hebreo laseripi. Ca' sqa saiguit quiyim sentaugui ana ncoñiitaxanaxaqui, ma' sqaica quet cá'maq so'uet se ỹa'maxañi.

Salmos 118:28

Saanot qami' da ña'aachic chaqai semaqachin da recaiqui', ma' qami' ná'maq qami' qota'olec caỹim.

Salmos 31:14

Qam ỹim spe'eetapega qami' ỹa'gaxala', ma' ỹim shinac: ¡Qami' qota'olec caỹim!

Salmos 84:11

Ma' ñi qara'gaxala' qota'olec coỹareta'ñalo chaqai quepaqataxanteguelgoto qomi'; ñi qara'gaxala' i'xoren chaqai imaqachin cá'maq qaica ca lasauaxaset chaqai qaica ca ỹollaapeguem quená'maq no'uen.

Jeremías 37:18

Ca' so Jeremías qai'neeta inat so nashi Sedequías: —¿Negue' cá'maq se no'uen so'uet caqami', loqo'm quena rotauachi'ipi, loqo'm quena qomyipi quiyim qayillaugui ana ncoñiitaxanaxaqui?

Daniel 3:28

Ca' quiyi na'le, ca' so nashi Nabucodonosor 'naaco': —¡Qaimaqachin ñi qota'olec ñí'maq lashiilgue' saua Sadrac, Mesac chaqai Abed-nego, ma' nela' so lelaatec piguim le'ec quiyim nca'laxaterec saua qamaxaraqa lelaatqa, quiyim se na'xaỹaxanta ỹim quiyim ỹim nashi! Ca se itene' quiyim qaỹalauate', qam se nqouagaxaintot ca liỹa nashiilec, qaiñiita ñí'maq lashiilgue' qota'olec.

Daniel 6:20

Ca co'na' so nashi ipalataxaso'ma añi tema, ca 'ue da lachicoxo, roỹaxantaxaso'ma so Daniel, 'naaco': —Daniel, qami' lelaatec ñi nca'leetauec qota'olec, ¿ishit ñi'maxare nca'laxatec qami' quena sauaxaic leta'allipi, ma' qami' 'ỹaañisacot da no'ueenataxaqui' ñi'maxare?

Daniel 6:23

Ca co'na'le, ca so nashi 'ue da netoonaxac, ca' relaataxan so nashi quiyim qanavicshiguim so Daniel cañi tema. Ca na' qanaqajshiguim, ca' qaica ca qaiuana natoc, ma' ỹaatqajam huelec ñí'maq qota'olec.

Daniel 6:4

Ca' so lotauaripi so nashi idaantaque ca la'maqa' quiyim 'ue ca qaipataxalec ỹasauaxat queda lo'ueenataxanaxac quiñi lauo' so nashi, qam so Daniel ỹaatqajam 'maxataxaraic, ca' sqaica ca ỹasauaxat, ca' qaica quet cá'maq qaỹa'xat quet queso'maxare.

Daniel 6:7

Ca qomá'ogue qomi' seloxoiqata'a na 'laua sotauanqai'sac qami' qarashi llapoxota', ca setaxaỹaxata', ña'deenaxata' quiyim qaỹa'yiñi da qana'deenaxac caqami' qarashi, quiyim 'ñirac quiyim quesaua treinta na'xata' qaica ca qoỹaanot ca nashiilaxanaxac quena nashiilec nqolac loqo'm ca chaqai qom, qaqamite' qami' qarashi qaỹa'dooto naua ne'cootal. Ca no'm cá'maq se na'xaỹaxan, ca' qainaxa'ña so sauaxaic leta'allipi cañi tema hueeta'ñigui.

Mateo 27:46

Ca co'na' mashic rashiiñi aso ra'aasa, ca ỹaualqo' netenegue da laualaxac so Jesús, 'naaco': —Elí, Elí, ¿lama sabactani? —dajo 'naac: Qami' qota'olec, qami' qota'olec, ¿chi'neco' ma' yalachi'?

Hechos 12:11

Ca' quiyi, ca qaiguemo' ỹa'den so Pedro, ca' 'naaco': —Nagui, ca' ỹaatqajam sa'den llic quiyim ñi ỹa'gaxala' nela'o' so lelaatec chicqashiguim quiyim ỹahotaque qayayit quiñi Herodes chaqai quená'ogue ná'maq sham 'ne'tegue aỹim na judioipi.

Hechos 24:16

Vichiguiño' yiuogoq quiyim qaica ca ñauataque ỹasauaxaset quiñi qota'olec chaqai quena qomyipi.

Hechos 27:23

Ma' squepe nachaxana ỹim so chicqashiguim qanela' quiñí'maq sento'ot qota'olec, chaqai so'ueetetac da lelaataxanaxac.

2 Corintios 1:12

Ca dá'maq ỹo'uet da qanetoonaxac 'neetasa': quiyim queda chi qano'ueenataxac sa'deenqata quiyim ña'maxatqata qolqatalec dá'maq ỹaatqajam leloxoỹaxac da na'qaatec na' ñaq salecqataugui ná'ogue na qomyipi quena 'laua, qam paguec na' salecqatauguilo qamiri. Ca' quedá'maq lqouagaxa ñi qota'a, ca qarotauantac quiyim shinqatari' dajo, qam dajo mesqai chicqaugui da chi qara'deenaxanaxa.

2 Timoteo 4:17

Qalaxam ñi qara'gaxala' Jesús yotauan, ca ỹo'uet ca ỹa'ñaxac quiyim yipaquejlec quiyim sa'xat da na'qaatec chicqaugui da nca'laxa, qaiyi 'xaỹa dajo ná'ogue ná'maq sqai judioipi. Ca' chaqaida 'neeta quiyim so qara'gaxala' nca'laxatec aỹim quesó'maq toxonaxai.

Hebreos 1:14

Ná'ogue ná'maq nelaatqaipi piguim laseripi, na'maxare se re'xogui, ro'ueenataxantacot ñi qota'a. Na'maxare nelaatqaipi quiyim ỹotauan ná'maq icoñiguit ma'le ca nca'laxa.

Hebreos 11:33

Sá'ogue so'maxare chicqochigui da lpi'ỹaxac quiyim 'ue na loxonec naqajñi 'lauaripi, chaqai 'maxaraic da lo'ueenataxanaxac quiyim nashi, chaqai icoñiguit da ỹachaxantac lotaanaxanaxac ñi qota'a, ỹapogui na lap na sauaxaic leta'allipi,

1 Samuel 17:37

Ca ñí'maq qara'gaxala' ñí'maq ro'ootaxanlec aỹim quenaua lenachi' ca sauaxaic leta'a chaqai caca layoraxai late'e, ca qai'neeta ro'ootaxanlec aỹim quedajo filisteo. Co'na'le, ca' so Saúl 'naaco' queso'maxare: —Cha'regue mo'e', ca quepaqataxanlec qami' ñi qara'gaxala'.