Daniel 6:2 - La'qaatqa ñi qota'olec Qota'olec & Qota'olec Novita Na Qomyipi

² Ca' roỹaxanalo so Daniel chaqai saua dos liỹa' quiyim ỹa'ajandac da lo'ueenataxanaxac so liỹaripi, qaiyi qaica canchaqaica ỹo'maauec no'ueenataxanaxac queso nashi.

Daniel 6:2 Iomraidhean Croise

Ester 7:4

Ma' ỹim chaqai na iuo' laseripi qaimeene' qomi', qaiyi qanalauachiñi qomi'. Qaica nqai 'negue queta' qaimeene' quiyim na'aqa qomi', ca' yi'maqata queta'le, ma' na qanpa'guenaxaua se noquiiguiñi nqai'en da resallaxa'e' qami' qarashi.

Daniel 5:16

Qam 'ue da ỹa'xaỹaxac caqami' quiyim shichi' choxochi' cá'maq sqa ỹaataxa'uegue chaqai 'xachi' ca leloxoỹaxac cá'maq 'xoic ca lqalaic. Ca no'm shichi' taqairelec yauajo nerqa chaqai choxochirim ca leloxoỹaxac, ca ỹim so'uet quiyim qoỹañiguilo qami' ma'le caua noho togue' nashi loho, chaqai qaỹa'ue aca rqola'e' 'oro, chaqai qami' ỹotaua queda ỹo'ueenataxanaxac quenajo 'laua soiquentac.

Daniel 5:29

Ca' so nashi Belsasar relaataxan quiyim qoỹañiguilo saua togue' noho nashi loho so Daniel chaqai qaỹa'ue aso lqola 'oro, ca' ỹa'ue la'xaỹaxac ná'ogue quiyim chaqaiyi chaqa'ma' lotaua so Daniel queda lo'ueenataxanaxac quiyim nashi.

Daniel 5:7

Ime, ca' ỹaualaq chaqai roỹaxanaque ná'maq richaauec nqai'en nanchaqaina, ná'maq 'deenaxanqachaqaic, chaqai ná'maq napaxaguintapega na piguim le'ec quiyi Babilonia. Ca 'naaco': —Cá'maq retaqalec yí'maq naneretañi quenajo chaqai ichoxochim ca leloxoỹaxac, ca' qoỹañiguilo caua noho togue' nashi loho chaqai qaỹa'ue aca lqola 'oro, chaqai pa'aata'guit aỹim queda ỹo'ueenataxanaxac quiyim soiquentac na 'laua.

Daniel 6:1

Ca' so nashi Darío ỹa'ue so ciento veinte lotauaripi quená'maq 'lauari reloqota'a nqai'en quiyí'maq loiquenatec so'maxare.

Mateo 18:23

Ca' vichiguiño' dajo lo'ueenataxanaxac ñi qota'a neeta'gue da piguim 'nejem ca nashi quiyim ỹahotaque naloqochin aca la'uale ca lelaatqaipi.

Lucas 16:2

Ca' so na'co' roỹaxane'oga so'maxare, ca 'naapega, 'naaco': “¿Negue' ca 'neeta dá'maq qaỹa'xatetac caqami'? Naloqojñi' ma'le ca ro'ueenataxanaxaqui'. Ime, ca' nodo'iro quenajo, ma' totqa qami' neloxoỹaq ma'le quiyi ỹa'a'.”

1 Corintios 4:2

Ca quiyim cá'maq 'ue ca qaipataxalec, no'uen quiyim ỹaatqajam nepeet quecá'maq icoñiguit.