Daniel 6:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Co'na'le, ca' so nashi relaataxane'oga so Daniel quiyim qanauego, ca qainaxa'ñigui aso tema hueeta'ñigui so sauaxaic leta'allipi. Qam na' saqa' qaỹomachigui da na'qaatec, ca' so nashi 'naaco' queso Daniel: —¡Ca qota'olec caqami' cá'maq 'ỹaañisacot da no'ueenataxaqui', rca'laxachirec!

Daniel 6:16 Iomraidhean Croise

Job 5:19

Chaqai ỹaatqajam se neme quiyim ro'ootaxanteguelec qami' quenaua lichico, chaqai sqai ỹaxanegue quiyim ỹoviro'ot qami' ca se no'uen. (5.20-25 So Elifaz queetalec da letaxaỹaxac queso Job.)

Isaías 41:10

Totaxan ro'chi'i', ma' qami' iỹaatac; se ro'chi'i', ma' ỹim qota'olec caqami'. Ỹim sa'ue ca rquesaxanaxa'e', ỹim sotauañi', ỹim ñolliitañi qami' queda iqai'laxat huegaxanaxai.

Isaías 43:2

No'm quiriñigui ca huaxaỹaq, ỹim iỹaatac qami', loqo'm quiyim paquira'ta aca lachiugue, sqai homirac; loqo'm quiyim quiichiriñigui ca norec, qam se raviqui', qaica ca 'negue na lauaq caqami'.

Jeremías 26:14

Qam caỹim, ma' mashic yaqachiñi, ca viỹaque cá'maq sham 'ñiitahic.

Jeremías 38:5

Ca' so nashi Sedequías 'naaco': —Hua', ỹa'maqachiguiñi 'viiquiñitac quecá'maq sham 'ñiita'gue. Ỹim qaica quet cá'maq shinac caqamiri.

Jeremías 38:6

Ca co'na'le, ca' saua'maxare iconerelec so Jeremías, ca inaxari'ñigui aca li'ỹa so nashi llaalec Malquías, na'ñi yi nasoxoc yi neloxoỹaripi loma'. Qaỹahote'e so ñic na' qainaxañi. Qam ma' co'chiichigui aso ni'ỹa, ta'ta'a na nishaaxa, ca na' taañi so Jeremías, ca rollapi'tegue quiyi nishaaxa.

Daniel 3:15

¿Qamiri shichita quiyim ma' 'xaiỹaque ca niviiguellipi, ca 'chiiñi naua re'cootallii quiñí'maq selaataxanlec quiyim qaỹo'uet chaqai nqouagaxaiñiỹot? Ma' no'm se nqouagaxaiñiỹot, ca' nagui chaqa'ma' qainaxarougui qamiri ñi nqatelaxanaxaqui ỹaviquetaugui. Ca ¿negue' queto' ca qota'olec rca'laxachiiuec?

Daniel 3:17

Ñi qota'olec coqomi', ñí'maq ñqouagaxainqatacot, ñi'maxare ishit quiyim qarca'laxatec quena lauaq ñi nqatelaxanaxaqui chaqai quená'ogue ná'maq se no'uen vi'saque 'ñiteteguelo qomi', qami' qarashi, ca ñi qota'olec qarca'laxatec ma'le.

Daniel 3:28

Ca' quiyi na'le, ca' so nashi Nabucodonosor 'naaco': —¡Qaimaqachin ñi qota'olec ñí'maq lashiilgue' saua Sadrac, Mesac chaqai Abed-nego, ma' nela' so lelaatec piguim le'ec quiyim nca'laxaterec saua qamaxaraqa lelaatqa, quiyim se na'xaỹaxanta ỹim quiyim ỹim nashi! Ca se itene' quiyim qaỹalauate', qam se nqouagaxaintot ca liỹa nashiilec, qaiñiita ñí'maq lashiilgue' qota'olec.

Daniel 6:20

Ca co'na' so nashi ipalataxaso'ma añi tema, ca 'ue da lachicoxo, roỹaxantaxaso'ma so Daniel, 'naaco': —Daniel, qami' lelaatec ñi nca'leetauec qota'olec, ¿ishit ñi'maxare nca'laxatec qami' quena sauaxaic leta'allipi, ma' qami' 'ỹaañisacot da no'ueenataxaqui' ñi'maxare?

Daniel 6:7

Ca qomá'ogue qomi' seloxoiqata'a na 'laua sotauanqai'sac qami' qarashi llapoxota', ca setaxaỹaxata', ña'deenaxata' quiyim qaỹa'yiñi da qana'deenaxac caqami' qarashi, quiyim 'ñirac quiyim quesaua treinta na'xata' qaica ca qoỹaanot ca nashiilaxanaxac quena nashiilec nqolac loqo'm ca chaqai qom, qaqamite' qami' qarashi qaỹa'dooto naua ne'cootal. Ca no'm cá'maq se na'xaỹaxan, ca' qainaxa'ña so sauaxaic leta'allipi cañi tema hueeta'ñigui.

Hechos 24:27

Ca' mashic dos ñaxari 'neetari'o' dajo, ca so Félix totqai nashi, ca qalam so Porcio Festo nashi. Qam ma' so Félix ỹahotaque quiyim ỹa'maqachigui lauel nqai'en so judioipi, ca no'ueenaugui nqai'en añi ncoñiitaxanaxaqui so Pablo.

Hechos 25:11

Qam no'm 'ue ca ỹaatqajam 'chichiguiñi ỹasauaxaset ñigui ca nelauaxa, ca qaica 'negue quiyim qayalauat. Qam no'm qaica quet cá'maq llic quená'ogue ná'maq qaimaqatapiguilec, ca' qaica quet cá'maq ishit quiyim yayaanougui na judioipi. Vichiguiño' 'ue da ỹashiilaxanaxac quiyim chaqaica ca nashi quiyi Roma yimit quiyim ỹaatqajam 'uo' ca ỹasauaxaset.

Hechos 25:9

Qam so Festo ỹahotaque quiyim ỹa'maqachigui lauel so judioipi, ca inato' so Pablo: —¿'Maxariñite' quiyim 'itegue da Jerusalén, ca hua'ñiyi ma'le, ca simichi' quiyim ỹaatqajam 'ue ca rasauaxashichi'?

Romanos 13:3

Ma' ná'maq nashillipi se ỹahotaque quiyim no'chi cá'maq ỹo'ueetetac ca ỹa'maqachiguiñi, ta'ta'a ná'maq ỹo'ueetetac na se no'uen. ¿Vi'saque quiyim qaica ca ro'chi'raque quena nashillipi? Ca na'maxachite', qaiyi na nashillipi imaqajan aqami'.

2 Corintios 1:10

Qam ñi qota'a quepaqataxanlgoto qomi' chaqai ñaqai queeta quiyim quepaqataxanteguelgoto qomi' queda chalego lichic nelauaxa. Ca' chaqaiñi ñí'maq spa'xanqo'ot da qanaquitaxac quiyim queeta quepaqataxanteguelgoto qomi',