Daniel 6:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Ca co'na' so nashi 'xaỹa dajo, ca chaqa'ma' rachicotam, ca chaqa'ma' idaantaque ca la'maqa' quiyim nca'laxatec so Daniel. Chi ỹovireta'a na' inoxonñi aso ra'aasa, ỹahotaque quiyim nca'laxatec.

Daniel 6:14 Iomraidhean Croise

Ester 3:8

Ca' so Amán 'naaco' queso nashi Asuero: —Quiyim quená'ogue na na'aateripi quená'maq 'lauari hueeto'oto da rquesaxanaxa'e', qami' qarashi, ma' 'ue na noỹootetapeguec quena liỹaripi quená'maq se nachiñiguita naua loico na liỹaripi chaqai na'maxare se na'xaỹaxana da ra'qaachiqui'. Ca se ỹa'maxañi quiyim najo qomyipi ỹalequetaho queda ro'ueenataxanaxaqui' quiyim qami' nashi.

Daniel 1:6

Ca' queso ne'naqaipi ỹalequesaho saua Daniel, Ananías, Misael chaqai so Azarías chicqoraugui so llaalqaipi so Judá.

Daniel 3:12

Hua', qam nagui 'vii daua judío lase' dauá'maq qami', qami' qarashi, ñi'ra'ñi quiyim idaandelec na 'laua Babilonia, ỹaatqajam qaica ca ỹauaaque qami', chaqai se na'xaỹaxan se nqouagaxainot na rashiilqui' nqolaquipi chaqai ñi nadenqatec qom imaañi 'oro só'maq laataxañirelec na'le quiyim qaỹo'uet. Ca' so Sadrac, Mesac chaqai so Abed-nego chaqaisaua sauá'maq se na'xaỹaxane'.

Daniel 3:13

Ca' so Nabucodonosor ỹaatqajam ro'o, ca' relaataxane'ogalo quiyim qaỹaueguero saua Sadrac, Mesac chaqai so Abed-nego. Ca, na' mashic reloqota'guita,

Marcos 6:26

Ca' so nashi ỹaatqajam 'ue na lachicoxo. Qalaxam mashic ỹaanec da la'qaatec quiyim 'naac ipacqajanchigui, chaqai mashic qara'qaachigui queso lqui'ỹaxauaripi. Ca' se ishit quiyim ỹopilaxatauec dá'maq nashiilaxanaxac.