Daniel 6:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca co'na' ỹa'den so Daniel quiyim qai'taxajñi so 'deenaxac queso nashi, ca' queuo quiyi la'a', ca' ỹauachigui añi nqote ñi lelaxasoxoqui, añí'maq pa'aata'gue yi Jerusalén, ca' ỹa'chi'iñi naua le'cootal, ca' nqouagaxainot chaqai imaqachin ñi qota'olec. Ca' chaqaida 'neeta'gue ỹovi' tres nqai'en quiyi na'xa'a.

Daniel 6:10 Iomraidhean Croise

1 Reyes 8:30

Na'xaỹaxañita da ỹashiilaxanaxac chaqai ná'maq ralamaxarichi' llaalqaipi so Israel quena' ñqouagaxainaq quenajo. Ca 'qa'ita quena piguim ná'maq ñi'sa'ñi, ca' sqo quirapeguema qomi' quenajo. (8.31-51 Da nqouagaxainaxac so Salomón.)

1 Reyes 8:54

Ca co'na' so Salomón ỹomat da nqouagaxainaxac ỹaualqatacot ñi qara'gaxala', ỹa'deeso'oto naua le'cootal aso ncopatoxonaxalate, ỹiquesashiguim naua lqai'laqate'.

Esdras 9:5

Ca' rapil da iquesaxanaxa, ca' ñaqai sansañi saua ỹoho sectete', ca ñqouagaxainot ñi ỹa'gaxala' qota'olec.

Salmos 95:6

Ỹalahi, sa'daqaiñi naua qare'cootal; sa'daqoto naua qare'cootal ñi qara'gaxala', ma' ñi'maxare qomi' lo'ueenatqa.

Daniel 6:13

Co'na'le, ca 'neraco': —Ñi Daniel ñí'maq judío le'ec ỹoqa'a da 'laua qaỹachigoxota'gue, ñi'maxare qaica ca ỹauaaque qami', qami' qarashi, chaqai só'maq qana'deenaxac shi'gue 'deenaxanaxañitegue na qom, ma' qomi' seuanqalec quiyim tres nqouagaxain quiyi na'xa'a.

Jonás 2:4

Ca' ñauate'e quiyim 'ec yo'yirauec, ca 'neetapigui iuel quiyim tot seuana ca ra'aachi' co'teeta.

Marcos 3:3

Ca' so Jesús 'naapego' só'maq ỹale rashivita so lqai'laxat: —Ne'laxachirishiguim, ca' nachaachiriñi quena lavinñi.

Lucas 14:26

—No'm 'ue ca nacpegue' aỹim, qam no'm se ỹamaqa'gue ca leta'a, aca late'e, aca loua, llaalqa, caua lqaỹa' ỹale' chaqai caua lqaỹa' 'aalo, chaqai vire'ta dá'maq chi nachaalataxac, se ishit quiyim ỹapaxaguinatec.

Lucas 22:41

Ime, ca' so Jesús noỹootec quesaua'maxare, ca na' ỹoxe'gauc, ca' ỹa'chi'iñi naua le'cootal, ca' nqouagaxain.

Hechos 10:9

Ca' queso liỹa na'xa'a co'na' ñaqai queesa'gue so nayic co'na' mashic ipalasau'a yi Jope, ca' so Pedro taashi'ma ca pa'aashiguim queca 'imec, ca' nqouagaxain, mashic na'xa'a lavinñi.

Hechos 2:15

Najo qomyipi mesqai quiñiuguetaxaiquipi. Sqaida dá'maq ra'deenataxanaxaguii, ma' chaqainaquita noỹoqoshi'megue añi ra'aasa.

Hechos 20:24

Qam quedajo qaica ca ñqovilga; vire'ta da chi ñachaalataxac qaica ca 'negue nqaishin caỹim. Qaidaata yishiitaque quiyim 'xoic ca ñitoonaxac quiyim somateta da ỹo'ueenataxanaxac, chaqai yipaquejlec da laqataxac nañaañim ñi qara'gaxala' Jesús, quiyim saanec da no'uen na'xaỹaxac queda le'xorenataxanaxa ñi qota'a.

Hechos 20:36

Ca co'na' ime dajo, ca' so Pablo ỹa'yi'iñi naua le'cootal, ca sá'ogue nqouagaxain.

Hechos 21:5

Qam na' ỹovirerec saua siete na'xata', lotqai qolaq. Ca' so mashic ỹacoñiguit da na'qaatec ná'ogue na 'aallipi chaqai na ñaaqaipioqui' coỹarerauec qomi' queda lahi yi na'a'. Ca' quiyi lqodoc añi huaaxai, ca qomá'ogue sa'daqachiriñi naua qare'cootal, ca ñqouagaxainaq.

Hechos 3:1

Ca 'uo' so na'xa'a so Pedro chaqai so Juan nauequetecta', tarishi'ma aca no'ueenaxanaxaqui quiyi Jerusalén, ma' mashic avit, ỹovita yi laloqo' qouagaxainqa'.

Hechos 4:29

Qam nagui qami' qara'gaxala' qota'olec, 'ajñi' da npa'guenaxague', ca' 'ỹaañitem ca la'ñaxague' lavilli' caua relaataxahi', qaiyi ma' ỹa'xate' naua ra'qaataxahi' qaica ca no'chiiraque,

Hechos 5:20

—Mohi, nachaachiñi cañi no'ueenaxanaxaqui quena Jerusalén, ca' 'qaataxañii quiyi qomyipi queda nca'laxa dalaxaic.

Hechos 5:29

Ca' so Pedro chaqai saua liỹa' nelaatqa 'nera'po': —Qam qomi' ỹaatqajam paguec ña'xaỹaxanaxa ñi qota'olec quecanchaqaica qom.

Hechos 7:60

Co'na' ime, ca ỹa'yi'iñi naua le'cootal, ca ỹaualaq, nelamaxaren, 'naaco': —Qami' ỹa'gaxala', mesqo 'lliinchirapega da lasauaxaset na qomyipi. Ca co'na' copaachigui 'naac dajo, ca ileu.

Hechos 9:40

Ime, ca' so Pedro inoxonaqtec sá'ogue so qomyipi. Ca ỹa'yi'iñi naua le'cootal, ca nqouagaxain. Ime, ca ra'iitalec aso 'aalo shi'gue ileu. Ca 'naapego': —Tabita, ne'laxachirishiguim. Ca so'maxare chi naviqueterec naua nqote', ca co'na' ra'i'tot so Pedro, ca' nqa'xanñi.

Efesios 3:14

Ca' vichiguiño', ca' ỹim sa'yiichiriñi naua i'cootal ñqouagaxaintacot ñi leta'a so qara'gaxala' Jesucristo,

Filipenses 1:14

Ca na' qaỹa'den dá'maq 'neeta quiyim qaycoñiretari', ca sham ná'ogue na qarqaỹaripi na'ñaxat, ca' qaica ca no'chaaque quiyim ỹa'xat da la'qaatec ñi qota'a chaqai nqo'neuec da lpi'ỹaxac queso qara'gaxala'.

Filipenses 1:20

Ma' ỹim dá'maq sahotaque chaqai da ñaquitaxac quiyim qaica ca ñayiloxontaque. Ta'ta'a quiyim qaica yo'chiitaque quiyim sa'qaataxantac, quiyim shintari' nagui chaqai quecá'maq saata'gue, qaiyi paguec re'oq caỹim dá'maq lecaic so Cristo, quiyim ñaq yca'leetauec, loqo'm quiyim mashic yileu.

Filipenses 4:6

Chaqai qaica ca ỹachicoqochite' qamiri. Ta'ta'a quiyim ná'ogue 'ỹaañitacot ñi qota'a quena' nqouagaxaiñii. Shiilaitac, chaqai 'ỹaañitacot da na'aachiguii qai'neeta.

Colosenses 3:17

Chaqai quecá'maq canchaqaica 'viichii loqo'm quecá'maq 'xachii, ca ná'ogue 'viichii, qam quiichigui nqai'ñii da leenaxat so qara'gaxala' Jesús. Quiichigui nqai'ñii so'maxare quiyim 'ỹaañitacot da na'aachicyaxaguii ñi qota'olec.

Hebreos 13:15

Vichiguiño' se qareme quiyim semaqachinqatac ñi qota'a, chicqochigui nqaishinaq so Jesucristo. Ca' dajo quiyim semaqachinqatac ñi qota'a, ca chaqaida dá'maq 'ec qarachitaxanataxanqate saanqatacot ñi'maxare. ¡Semaqachinqatac ñi'maxare, sahoqota'ahi naua qara'qaatqa!

Hebreos 4:16

Vichiguiño' qaica quet cá'maq qaro'chiitaque quiyim ñqo'naxau'a yi nqa'xanqa' ñi 'naxanaxaraic qota'olec, qaiyi nqouagueguelo qomi', chaqai queda lqouagaxa, ca' qarotauan quiyim 'ue ca qareuogoxo.

Apocalipsis 2:10

Qam se ro'chita dá'maq qohine'tegue ma'le caqami'. Ma' so na'ỹaapec 'ue ma'le ca coñi' cañi ncoñiitaxanaxaqui caqamiri, qaiyi qamiá'ogue qari'guiñii ma'le. Chaqai 'ue ca re'xoriguii ma'le quecaua diez na'xata'. Qam ỹaatqajam lo'qo'ichiriñi da rpi'ỹaxaqui', ỹovireta'a quiyim rillivi'. Ca ỹim saanem qami' ma'le da nca'laxa 'ec nishivichi'.

Apocalipsis 2:13

Ỹim sa'den ná'ogue ná'maq 'viichi'sac, chaqai sa'den quiyim lliquisaugui ná'maq qomyipi qoỹoiquentac queso na'ỹaapec. Qam qaiyiita ỹaatqajam qui'terelec aỹim, sqai 'xañiriñi quiyim vi'relec aỹim, vire'ta quesaua na'xata' na' qaỹachigoxotetouguilo qamiri so qamaxaraic itaxaỹaxanqajnec Antipas quiyim qaỹalauat, quená'maq hueete'e so na'ỹaapec.