Daniel 5:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ime, ca' ỹaualaq chaqai roỹaxanaque ná'maq richaauec nqai'en nanchaqaina, ná'maq 'deenaxanqachaqaic, chaqai ná'maq napaxaguintapega na piguim le'ec quiyi Babilonia. Ca 'naaco': —Cá'maq retaqalec yí'maq naneretañi quenajo chaqai ichoxochim ca leloxoỹaxac, ca' qoỹañiguilo caua noho togue' nashi loho chaqai qaỹa'ue aca lqola 'oro, chaqai pa'aata'guit aỹim queda ỹo'ueenataxanaxac quiyim soiquentac na 'laua.

Daniel 5:7 Iomraidhean Croise

Génesis 41:8

Qam co'na' richiguiñi, ca na' nete'etam queso liỹa na'xa'a tot ỹa'den ca 'neeta. Ca relaataxane'oga ná'ogue ná'maq idaanau'alo naua 'ueenataxaco chaqai na 'deenaxanqachaqaiquipi quiyi Egipto. Ca na' so Faraón ỹa'xat da 'neeta da le'guemataxac quesaua'maxare, qam qaica ca ishit ỹa'xat ca leloxoỹaxac.

Ester 3:1

Ca co'na' mashic shi'gom quedajo, ca' so nashi Asuero nqo'naxajshiguim queda lo'ueenataxanaxac so Amán, só'maq llaalec so Hamedata, so'maxare chigoxougui so Agag. Ca' so Amán qoỹanagui quiyim la'gaxala' na nashillipi.

Proverbios 1:9

ma' caqami' ma'le, ca 'ec ca no'uen no'ueetaxachi': 'ec aca rqola'e', loqo'm aca nashi nado'o ñi'sañi.

Ezequiel 16:11

chaqai sa'ue na no'ueetaxachi', sa'ue na rouaxashichi' chaqai ana rqola'e';

Daniel 1:20

Ca' quená'ogue nanchaqaina quená'maq ỹouen ca na'deenec chaqai da nco'ỹaxaric quesó'maq renataxanegue na'le so nashi, ca ỹa'den quiyim qaica ca nalo'guita quesá'ogue so liỹaripi, ỹaatqajam ỹapaquerauec quesá'ogue so pi'xonyipi chaqai ná'maq richaauec nqai'en nanchaqaina, quená'ogue na lauo' so nashi.

Daniel 1:4

na ne'naqaipi 'maxaraic da no'ueenataxac, qaica ca la'aqset na loshicmaxa, 'ue na ỹa'den, co'ỹaxaraic, ỹomata'ta' ná'ogue ỹa'den chaqai ta'chiguit ro'ueenataxan quiñi lauo' so nashi. Ca' qaỹapaxaguinegue quiyim 'xaiguit nqohin na Babilonia laseripi, da leraxanaxac chaqai da letaxaỹaxac.

Daniel 5:11

Ma' queda ro'ueenataxanaxaqui' quiyim qami' qarashi 'ue so ỹale qaỹashaxantac queso ne'espíritu ñí'maq co'teeta qota'olec. Ma' cana' so qataa'i' qarashi, ca' sojo ỹale re'oq quiyim ỹaatqajam 'ue ỹa'den, 'ue da lco'ỹaxaric chaqai 'ec chicqashiguim da la'deenec. Vichiguiño' so qarashi Nabucodonosor só'maq qataa'i' ỹano na'le quiyim lashi ná'ogue na pi'xonyipi, na richaauec nqai'en nanchaqaina, na 'deenaxanqachaqaiquipi chaqai na napaxaguintapega na piguim le'ec quenajo 'laua.

Daniel 5:15

Ca só'maq qomyipi paguec 'deenaxanqachaqaiquipi quenajo 'laua hueete'e najo, ỹahotaque quiyim retaqalec yijo nerqaipi, ca ichoxochim ca leloxoỹaxac. Qam vire'ta se ỹa'den.

Daniel 5:16

Qam 'ue da ỹa'xaỹaxac caqami' quiyim shichi' choxochi' cá'maq sqa ỹaataxa'uegue chaqai 'xachi' ca leloxoỹaxac cá'maq 'xoic ca lqalaic. Ca no'm shichi' taqairelec yauajo nerqa chaqai choxochirim ca leloxoỹaxac, ca ỹim so'uet quiyim qoỹañiguilo qami' ma'le caua noho togue' nashi loho, chaqai qaỹa'ue aca rqola'e' 'oro, chaqai qami' ỹotaua queda ỹo'ueenataxanaxac quenajo 'laua soiquentac.

Daniel 5:29

Ca' so nashi Belsasar relaataxan quiyim qoỹañiguilo saua togue' noho nashi loho so Daniel chaqai qaỹa'ue aso lqola 'oro, ca' ỹa'ue la'xaỹaxac ná'ogue quiyim chaqaiyi chaqa'ma' lotaua so Daniel queda lo'ueenataxanaxac quiyim nashi.

Números 22:17

Ca' ỹim paguec semaqachiñi' ma'le, chaqai sa'ue cá'ogue cá'maq shiilaxañiraque. Qam na'itquena qouaquiric, se no'uen ca naqairelec ra'qaachiqui' yijo qomyipi.

Números 22:7

Ca' so qo'xoiquipi neeta'ñi yi Moab chaqai yi Madián, ca sá'ogue eec, lo'qoota'a ana lam, ma' ỹahotaque ishiueten ma' se no'uen ca na'qaatec. Ca co'na' qoỹovita yi neeta'ñi so Balaam, ca' qaỹa'xatem dá'maq 'naaco' na'le so Balac.

Números 24:11

¡Paguec la'maxa quiyim pilli' queca ra'aachi'! Ỹim shinac na'le quiyim so'uet ca remaqachiqui' lodegaxat, qam ñi na'gaxala' se ỹa'maxaren.

1 Samuel 17:25

Ca' chi retaqatecta', 'naaco': —¿Mashic huañiỹa só'maq ỹale nenoxonec? ¡Da'maxare anac, ma' queetapegueu'a na llaalqaipi so Israel! Ca cá'maq ishit loxonec da'maxare, ca' ñi qarashi ỹaatqajam nesallaxanec nqai'en ca'maxare, chaqai ỹo'naxañiguit añi llaale, chaqai cá'maq lauo' ca'maxare ỹo'uet quiyim se ishiueten aca nishiuetenaxanqate quiñi'maxare.