Daniel 5:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ca sá'ogue só'maq nqa'xantañi ne'teetac queso lataxa, ca imaqachintac so lashiilec nqolaquipi qaỹachigoxotaugui na 'oro, plata, bronce, fierro, qo'paq chaqai na qa'.

Daniel 5:4 Iomraidhean Croise

1 Reyes 1:49

Ca' só'maq lqui'ỹaxauaripi so Adonías i'loxolqachit dajo. Ime, ca' sá'ogue ne'laxashiguim, ca' quiñi 'óna ỹaatqata quecá'maq taigue.

Isaías 42:8

Ỹim ná'maq ỹim na'gaxala' qota'olec, ca' chaqaida ỹeenaxat, se sa'maxaren quiyim 'ue ca liỹa qoỹaanem da icaic chaqai quiyim qaimaqachin na nashiilec nqolac ñigui nqohin aỹim.

Daniel 1:8

Qam so Daniel se ỹa'maxaren quiyim ỹalecqajñiguit na loq quená'maq loq chaqai na lataxa ne'taxat so nashi, ca' ỹashiilo'ot so lashi so neloxoỹaripi quiñi nashi lauo', ca 'naac quiyim sqai 'xoic ca nepagaxallic quiyim ỹalecqajñiguit na loq na liỹa na'iquipi.

Daniel 5:23

Ta'ta'a quiyim qami' ỹashi chaqai 'ñirari' ñi qara'gaxala' queda piguim na' laataxañira'alo so 'taxaquiripi ỹoreta'oguit da no'ueenataxac lalamaxaret na'le ñi no'ueenaxanaxaqui quiyi Jerusalén, ca' ỹoxoiguilo queso lataxa, ca' ni'chiiguilo queso qatallicshichi'ipi, chaqai maqachiñi'sac so rashiilqui'ipi nqolaquipi chicqaugui na 'oro, plata, bronce, fierro, qo'paq chaqai na qa', najo nashiilqaipi se reuanaxan, sqai 'qaa chaqai qaica ca ỹa'den. Qa'chica qami' sqai maqachiñi' ñi qota'olec ñí'maq no'qootañi da nachaalataxaqui' qami' ỹashi, chaqai hueeto'ot ná'ogue ná'maq 'viichi'.

Daniel 5:5

Ca' queco'na'le, ca qaiuane'ta aso qom napoquena re'qoota caso ncoỹeraxanaxaqui, deraxantac quena lahi so 'imec lauo' so nashi. Ca na' so nashi iuane'ta quiyim deraxantac,

Amós 6:7

Qamiri nauá'maq 'avita qaraviguigue ma'le ca ỹoqa'a 'laua, ca ma'le, ca' ime na naỹaac quena rqui'ỹaxaguipi. (6.8-14 Da lcoñiitaxanaxac ñi qara'gaxala' queso llaalqaipi so Israel.)

Hechos 17:29

Vichiguiño' nagui, ma' qomi' llaalqaipi ñi qota'olec sqai hueetapigui qouel quiyim ñi'maxare shinqatapega quiyim 'nejem ca nashiilec nqolac oro, loqo'm ca plata, loqo'm ca qa', chi lo'ueenatec ca qom quecá'maq chi la'deenataxanaxac.