Daniel 5:29 - La'qaatqa ñi qota'olec Qota'olec & Qota'olec Novita Na Qomyipi

²⁹ Ca' so nashi Belsasar relaataxan quiyim qoỹañiguilo saua togue' noho nashi loho so Daniel chaqai qaỹa'ue aso lqola 'oro, ca' ỹa'ue la'xaỹaxac ná'ogue quiyim chaqaiyi chaqa'ma' lotaua so Daniel queda lo'ueenataxanaxac quiyim nashi.

Daniel 5:29 Iomraidhean Croise

Génesis 41:42

ca' so Faraón naqate'e aso lichicshaqate asó'maq hueetalec aso netanaxasete quiyim nashi, ca' ỹanñi nqai'en so José. Ime, ca relaataxanlec quiyim qaỹa'vii saua loho lo'yaxanqa chaqai nqolaanñi nqohin aso nqola oro.

Ester 10:3

So Mardoqueo só'maq judío le'ec, pa'aata'guit yi loma' so lashi na nashillipi. Ỹaatqajam chalego lecaic nqohin quena judioipi, nqo'itaxat quesá'ogue so lauo' laseripi, ma' ỹo'uet dá'maq ỹa'maqachiguiñi quesó'maq chi lauo' laseripi, chaqai reloquilec, qaiyi ỹa'maxañi so'maxare.

Proverbios 1:9

ma' caqami' ma'le, ca 'ec ca no'uen no'ueetaxachi': 'ec aca rqola'e', loqo'm aca nashi nado'o ñi'sañi.

Daniel 5:16

Qam 'ue da ỹa'xaỹaxac caqami' quiyim shichi' choxochi' cá'maq sqa ỹaataxa'uegue chaqai 'xachi' ca leloxoỹaxac cá'maq 'xoic ca lqalaic. Ca no'm shichi' taqairelec yauajo nerqa chaqai choxochirim ca leloxoỹaxac, ca ỹim so'uet quiyim qoỹañiguilo qami' ma'le caua noho togue' nashi loho, chaqai qaỹa'ue aca rqola'e' 'oro, chaqai qami' ỹotaua queda ỹo'ueenataxanaxac quenajo 'laua soiquentac.

Daniel 5:7

Ime, ca' ỹaualaq chaqai roỹaxanaque ná'maq richaauec nqai'en nanchaqaina, ná'maq 'deenaxanqachaqaic, chaqai ná'maq napaxaguintapega na piguim le'ec quiyi Babilonia. Ca 'naaco': —Cá'maq retaqalec yí'maq naneretañi quenajo chaqai ichoxochim ca leloxoỹaxac, ca' qoỹañiguilo caua noho togue' nashi loho chaqai qaỹa'ue aca lqola 'oro, chaqai pa'aata'guit aỹim queda ỹo'ueenataxanaxac quiyim soiquentac na 'laua.

Daniel 6:2

Ca' roỹaxanalo so Daniel chaqai saua dos liỹa' quiyim ỹa'ajandac da lo'ueenataxanaxac so liỹaripi, qaiyi qaica canchaqaica ỹo'maauec no'ueenataxanaxac queso nashi.