Daniel 5:23 - La'qaatqa ñi qota'olec Qota'olec & Qota'olec Novita Na Qomyipi

²³ Ta'ta'a quiyim qami' ỹashi chaqai 'ñirari' ñi qara'gaxala' queda piguim na' laataxañira'alo so 'taxaquiripi ỹoreta'oguit da no'ueenataxac lalamaxaret na'le ñi no'ueenaxanaxaqui quiyi Jerusalén, ca' ỹoxoiguilo queso lataxa, ca' ni'chiiguilo queso qatallicshichi'ipi, chaqai maqachiñi'sac so rashiilqui'ipi nqolaquipi chicqaugui na 'oro, plata, bronce, fierro, qo'paq chaqai na qa', najo nashiilqaipi se reuanaxan, sqai 'qaa chaqai qaica ca ỹa'den. Qa'chica qami' sqai maqachiñi' ñi qota'olec ñí'maq no'qootañi da nachaalataxaqui' qami' ỹashi, chaqai hueeto'ot ná'ogue ná'maq 'viichi'.

Daniel 5:23 Iomraidhean Croise

Génesis 14:19

Ime, ca' ỹaanem da no'uen llicyaxac so Abram, 'naaco': Ỹaanem qami' ca no'uen qayicyaxaqui' ñí'maq qaica 'nejem qota'olec, lo'ueenatec na piguim chaqai na 'laua;

Génesis 2:7

Co'na'le, ca' ñi qara'gaxala' qota'olec ỹo'xono' so qom ỹachigoxotaugui na 'laua. Ime, ca' pe'teu'guelo naua limiaqa lauaco, ca' ỹaanem da lca'laxa. Ca' so qom 'ue da lca'laxa.

Salmos 104:29

no'm 'xochiriñi na qashiiqui', ca na'maxare no'chi; ca no'm huootaxañira'gue na lacat, ca' ileu, ca' lotqai pilligui quiyim 'laua.

Salmos 139:3

¡'Yiiñi' naua'que naua ỹouoxoco, 'yiiñi' ná'ogue ná'maq so'uet!

Salmos 146:4

ma' quena' ileu, ca' pilougui na 'laua, ca' chaqaica cá'maq na'xa'a, ca imeuo na na'deenaxaquipi.

Isaías 14:13

'Neetapigui quen qavilli': Sovirashiguim ma'le quena piguim; so'uet ma'le ca ñqa'xanqa' quiyim ỹim nashi, sellaalec ana neuaqajñi ñi qota'olec; sa'ue ñqa'xanqa' ma'le queda rapiguim cada qa' ladocai lapooqo' na 'naac qota'olqaipi.

Isaías 2:12

ma' 'ue ca ỹo'uet ñi qara'gaxala' sqaica lqalanec quená'maq qomyipi nemaqajnaxairipi chaqai naleesenaxai, ma' reloqoguit ná'ogue na qom napacqajnaxai, ma' ỹahotaque nemanachit nqai'en.

Isaías 42:5

Ñi qara'gaxala' qota'olec ñí'maq ỹo'uet na piguim, ca' ipeguenec, ñí'maq ỹo'uet na 'laua chaqai ná'maq ñaxat cana'maxare, ñí'maq ỹa'ue da nachaalataxac chaqai na lacat na qomyipi hueetalec ana'maxare, 'naac queso lelaatec:

Ezequiel 31:10

Hua', ca' nagui dajo 'naac ñi qara'gaxala': Dajo qo'paq ỹovira'a quiyim chalego lecaic chaqai da ladogaxa ỹoviro'ot na naueguelec; ma' paguec da lecaic, ca vire'ta, ca' nemaqajan.

Hechos 17:25

Chaqai se ỹouen quiyim 'ue ca chaqai qom lo'ueenatec, ỹahotaque qoỹaanem, ma' chaqaiñi ñí'maq chicqo'ot qomá'ogue da qarca'laxa, na qaracat, chaqai ná'ogue nanchaqaina.

1 Corintios 8:4

Vichiguiño' quecá'maq na'ic quiyim mashic qanqouagaxainlec quiyim qoỹaanot ca nashiilec nqolac, llic ma' ca nqolac ỹaatqajam qaica ca 'negue quena 'laua, ma' 'oonoqui' ñi qota'olec, qaica ca liỹa.

1 Timoteo 3:6

Se no'uen quiyim na'gaxala' ca chita'gue icoñiguit da na'qaatec, 'neeto' ỹovira'a quiyim nemaqajan, ca' qanaqajñi queso se no'uen, ca 'nejem da ỹovirau'a nouaxanaxaset na'le so na'ỹaapec.

Hebreos 4:13

Qaica quet cá'maq ishit nañoxotetegueñi quiñi qota'a quená'maq lo'ueenatqaipi ñi'maxare. Ma' ná'ogue na'maxare re'qoota chaqai ỹanetec nqai'en ñí'maq ra'iitalec na'maxare, ñí'maq 'ue ca na'xa'a, ca ñachaataxau'a quiyim sa'xataq ca qaro'ueenataxanaxac.

Apocalipsis 9:20

Qam quená'maq no'ueenañi qomyipi se ileuapeguema saua nqa'viico, ñaqaina queetalec quiyim ỹo'ueetetac na se no'uen, chaqai sqai ỹaxanñi quiyim pe'eetapega na lelaatqaipi se re'xogui so na'ỹaapec, chaqai na nashiilec nqolac 'oro, plata, bronce, qa', chaqai na qo'paq, ná'maq se ishit reuanaxan, sqa 'qaa, chaqai se qaua.

Jueces 16:23

Ca' so lashillipi so filisteoipi lapoỹata', ca' netoonegue da loxonaxanaxac, ca' ỹo'uet aso lachitaxanataxanqate ỹavigaxat, ca' ỹaanot so lashiilec lqolac Dagón. Ca ỹo'ueentac da lo'ueenec, 'neetasa': Ñi qarqolac ỹaanema qomi' quiyim qodoxonec ñi qanpa'guenaxaua Sansón.

1 Samuel 17:26

Co'na'le, ca' so David renataxano' quesaua huaqata'to: —¿Nega'ỹo' ca qoỹaanem cá'maq ỹalauat dajo filisteo chaqai ỹapalaxat da nishiuenaxac na Israel llaalqaipi? Ma' ¿negue' quet dá'maq filisteo ma' chi nqouagaxaintacot na chi nqolac, ca ishiuen na nalliripi ñi qota'olec ñí'maq nca'leetauec?

1 Samuel 17:36

Ca no'm sauaxaic leta'a loqo'm aca layoraxai late'e, najo relaachiqui', qami' ỹashi, ỹalauat quen. Chaqai dajo filisteo reto nqouagaxaintacot na nqolaquipi, chaqaida shine'tegue ma'le, ma' da'maxare ishiuentac na nalliripi ñi qota'olec ñí'maq nca'leetauec.