Daniel 5:22 - La'qaatqa ñi qota'olec Qota'olec & Qota'olec Novita Na Qomyipi

²² Ca' nagui qami' ỹashi Belsasar, qami' llaalec só'maq 'yiiñi' na'le dá'maq qohinta'gue, qai'neeta qami' se niñiiquishiñi'.

Daniel 5:22 Iomraidhean Croise

Éxodo 10:3

Ca' so Moisés chaqai so Aarón querepegue' so Faraón, ca 'neraco': —Ñi qara'gaxala' ñi qota'olec quena hebreoipi 'naac: ¿Chi' laquio' quiyim niñiiquishiñi' caỹim? 'Xañirec na ỹalamaxareteripi, qaiyi nqouagaxainot aỹim.

Isaías 14:13

'Neetapigui quen qavilli': Sovirashiguim ma'le quena piguim; so'uet ma'le ca ñqa'xanqa' quiyim ỹim nashi, sellaalec ana neuaqajñi ñi qota'olec; sa'ue ñqa'xanqa' ma'le queda rapiguim cada qa' ladocai lapooqo' na 'naac qota'olqaipi.

Daniel 5:18

Ñí'maq paguec lecaic qota'olec ỹaanem da lo'ueenataxanaxac, chaqai da lecaic, da lauaq chaqai da lemaqachic so Nabucodonosor só'maq qataa'i', qami' qarashi.

Mateo 14:4

Ca' so Juan 'naaco' queso Herodes: —Se ỹa'maxañi quiyim roua'e' añi'maxare.

Mateo 21:32

Ma' só'maq nachilaxanataxanaq leenaxat Juan novi' quiyim ỹapaxaguine' qamiri quedá'maq no'uen ñicyaxac, qam sqai viilec. Qam ná'maq icona'piguit ana nishiuete so nashi chaqai ana nedequenaxai huelec so'maxare. Qam qamiri ỹaatqajam huañichigui dajo, qam se retacochahi quiyim viilec.

Lucas 12:47

Qam ca nelaatec quiyim ỹa'den ca ỹahotaque ca na'co', qam se na'maxatetañi, chaqai se na'xaỹaxan, ca' ca'maxare ỹaatqajam 'xoic ca nouaxanaxac ma'le.

Juan 13:17

No'm qamiri 'yiiñii dajo, chaqai 'viichii, ca ra'maxaichiguiñi ma'le.

Santiago 4:17

Ma' ca qom ỹa'den ỹo'uet ca ỹa'maqachiguiñi, qam se ỹo'uet, ca' 'ue ca lasauaxaset.

Santiago 4:6

Qam ñi qota'a quedá'maq chi lqouagaxa, ca' qarotauan. Ma' naua naneresañi na'qaatqa 'nerac: “Ñi qota'a reloxoiguit ca nemaqajnaxai, qam nqouaguegue ỹotauan ná'maq neneequesenaxai.”