Daniel 5:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Ca quesó'maq lquesaxanaxa, ca' ỹaanem ná'ogue na ỹoreta'oguit qomyipi ỹora'alo naua la'qaatqa se qanapacalec chaqai i'loxol quen na qom quena' idaana'a. Ca' so'maxare ỹalauat loqo'm nca'alaxateetauec canchaqai sham 'neeta'gue; 'ue na imaqachin chaqai na liỹa, ca' se imaqachin.

Daniel 5:19 Iomraidhean Croise

2 Reyes 25:28

Ca ỹa'maxata'tegue chaqai paguec nqai'en da lichoxoric queso liỹa nashillipi ncoñiitaxauaripi neeta'ñi yi Babilonia.

Ezequiel 31:11

Vichiguiño' ỹim se yqo'ta, ca' saxanegue quiyim qoỹoiquentac queca ỹoqa'a nashi, ca ca'maxare qa'viỹa'gue sauaxat da leualoxonqaishic.

Daniel 3:29

Ca' ỹim shinac nagui quiyim canchaqaica qom se no'uen ca ỹa'xat quiñi qota'olec ñí'maq lashiilgue' nauajo ne'naqa, ca qaichaqatajlec chaqai qanopoxoỹaxajñi ca lauo', quecanchaqaica na'ñi quenaua na'aate', chaqai cá'maq lauo', chaqai caua la'qaatqa ỹa'xate', ma' qaica liỹa nashiilec ca'laqataxan 'nejem ñi'maxare.

Daniel 3:4

Ca só'maq qaỹamaxalec quiyim netaxaỹaq ma' taañi quiyim qoỹaanshiguim, ca na' retaqa ỹaatqajam nelamaxaren, 'naac: —Ñaq na'xaỹaxañiñi qamiá'ogue qamiri ỹoreta'oguita naua ra'qaataxahi:

Daniel 3:6

Ca ná'ogue ná'maq se ỹa'chi'iñi naua le'cootal chaqai se nqouagaxainot ñi nadenqatec qom imaañi 'oro, ca chaqa'ma' qainaxaugui ñi nqatelaxanaxaqui ỹaviquetaugui.

Juan 19:11

Ca' so Jesús 'naaco': —Qami' qaica quet cá'maq rquesaxanaxa'e' quiyim sqai ỹaañiraxarom ñi qota'olec, quiyim shichi' 'ue ca 'ñiisa'gue aỹim. Qam cá'maq yayaano caqami', ca'maxare ỹaatqajam paguec ca lasauaxaset, sqai 'nejem qami'.

Romanos 13:1

Ca ná'ogue na qom ỹouen quiyim na'xaỹaxana ca 'naac na nashillipi. Ma' qaica quet cá'maq nashi sqai chicqochigui ñi qota'olec, chaqai ná'maq neetaho ro'ueenataxantac nagui, ỹo'viijñi ñi'maxare.

Apocalipsis 5:9

Ca qaỹo'ueentac dajo dalaxaic no'ueenec, 'neetasa': Qami' 'iichichiguit quiyim coñita ana lere chaqai quiyim naqachi' naua qaỹa'gaxanaxansañi netanaqsete; ma' qaỹalauat na'le aqami', chaqai quesaua reuochi', ca' laseue' na' shiujnaxañitalo qomi', chigoxochiraugui ná'ogue na ỹoreta'oguit qomyipi ỹoreta'oguit na la'qaatec, qaiyi lalamaxareteripi ñi qota'a.