Daniel 5:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Ñí'maq paguec lecaic qota'olec ỹaanem da lo'ueenataxanaxac, chaqai da lecaic, da lauaq chaqai da lemaqachic so Nabucodonosor só'maq qataa'i', qami' qarashi.

Daniel 5:18 Iomraidhean Croise

2 Reyes 25:28

Ca ỹa'maxata'tegue chaqai paguec nqai'en da lichoxoric queso liỹa nashillipi ncoñiitaxauaripi neeta'ñi yi Babilonia.

Jeremías 27:5

Chalego lecaic nqaishin da iquesaxanaxa na' ipeguenec nqaishin na 'laua, chaqai na qomyipi chaqai na iseripi hueetalec na'maxare, chaqai seshit saanem cá'maq yqo'ta.

Jeremías 27:7

Ná'ogue na ỹoreta'oguit qomyipi ỹoiquentac ma'le ñi'maxare, na llaalqaipi chaqai na lauaripi, chi ỹovireto'o' ma' na na'laua qalam qoỹoiquentac quena ỹoreta'oguit qomyipi chaqai na nashillipi quesaxanaxaiquipi.

Ezequiel 31:11

Vichiguiño' ỹim se yqo'ta, ca' saxanegue quiyim qoỹoiquentac queca ỹoqa'a nashi, ca ca'maxare qa'viỹa'gue sauaxat da leualoxonqaishic.

Daniel 5:21

Ca' qaỹoỹootec quena qom, ca' ñigui 'ec isecỹac nqohin; ca ỹalequetaugui na lolgaqaipi, ỹa'ic na 'uaqapi 'ec na ñii'lola, chaqai ana 'ỹa' pi'guiloxolaxat na loshicmaxa, chi ỹovireta'a na' ỹa'deena'a quiyim ñi qota'olec qaica nqai 'nejem 'ue da lquesaxanaxa napacalec ná'ogue ná'maq nashillipi ỹoiquentac na 'laua, chaqai ñi'maxare ỹana'ñi quiyim nashi cá'maq sham ỹana'ñi.

Daniel 6:22

Ñí'maq qota'olec caỹim nela' so lelaatec caỹim, ca' ỹapoguilo naua laapi' na sauaxaic leta'allipi, qaiyi qaica ca 'ne'tegue aỹim, ma' ñi qota'olec ỹa'den quiyim qaica ca sasauaxat quiñi'maxare chaqai caqami', qami' ỹashi.

Hechos 26:13

Qam queso nayic, qami' ỹashi, mashic na'xa'a lavinñi, ca 'uo' so seuana 'nejem ana ncoỹeraxanaxaqui chicqo'ot na piguim. Qam paguec lquesaxanaxa so lauaq cañi ra'aasa, na' nqai'lliguiñi quiyi seuqate'e, ỹovira'ogalo saua ñauegaxaua'.

Hechos 26:19

Ca' qami' ỹashi Agripa, chaqaida nqaishin ma' chaqa'ma' ña'xaỹaxana so iuanaxanaxac chicqo'ot na piguim.

Hechos 7:48

Qam quiñí'maq qota'olec ma' ỹaatqajam lodegaxat, ca' se ishit quiyim neetaugui ca 'imec, lo'ueenatec ca qom. Ma' 'naac só'maq letaxaỹaxanqajnec ñi qota'a: