Daniel 5:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Qam 'ue da ỹa'xaỹaxac caqami' quiyim shichi' choxochi' cá'maq sqa ỹaataxa'uegue chaqai 'xachi' ca leloxoỹaxac cá'maq 'xoic ca lqalaic. Ca no'm shichi' taqairelec yauajo nerqa chaqai choxochirim ca leloxoỹaxac, ca ỹim so'uet quiyim qoỹañiguilo qami' ma'le caua noho togue' nashi loho, chaqai qaỹa'ue aca rqola'e' 'oro, chaqai qami' ỹotaua queda ỹo'ueenataxanaxac quenajo 'laua soiquentac.

Daniel 5:16 Iomraidhean Croise

Génesis 40:8

—'Ue so qare'guemataxac, qam qaica cá'maq ichoxot ca leloxoỹaxac —'neraco' saua'maxare. —Ca ¿mesqaiño' ñi qota'olec ñí'maq ichoxot cá'maq leloxoỹaxac? —'naaco' so José—. Qamaxahi, 'xachii caỹim cá'maq re'guemataxaguii.

Génesis 41:15

Ca' so Faraón 'naaco' queso'maxare: —Ỹim 'ue so i'guemataxac, qam qaica ca ishit ichoxot ca leloxoỹaxac. Qam 'ue da ỹa'xaỹaxac caqami' qohinac quiyim co'quena' 'qa'ita ca ne'guemataxac, ca chaqa'ma' choxochi' ca leloxoỹaxac.

Génesis 41:42

ca' so Faraón naqate'e aso lichicshaqate asó'maq hueetalec aso netanaxasete quiyim nashi, ca' ỹanñi nqai'en so José. Ime, ca relaataxanlec quiyim qaỹa'vii saua loho lo'yaxanqa chaqai nqolaanñi nqohin aso nqola oro.

Daniel 5:29

Ca' so nashi Belsasar relaataxan quiyim qoỹañiguilo saua togue' noho nashi loho so Daniel chaqai qaỹa'ue aso lqola 'oro, ca' ỹa'ue la'xaỹaxac ná'ogue quiyim chaqaiyi chaqa'ma' lotaua so Daniel queda lo'ueenataxanaxac quiyim nashi.

Daniel 5:7

Ime, ca' ỹaualaq chaqai roỹaxanaque ná'maq richaauec nqai'en nanchaqaina, ná'maq 'deenaxanqachaqaic, chaqai ná'maq napaxaguintapega na piguim le'ec quiyi Babilonia. Ca 'naaco': —Cá'maq retaqalec yí'maq naneretañi quenajo chaqai ichoxochim ca leloxoỹaxac, ca' qoỹañiguilo caua noho togue' nashi loho chaqai qaỹa'ue aca lqola 'oro, chaqai pa'aata'guit aỹim queda ỹo'ueenataxanaxac quiyim soiquentac na 'laua.

Daniel 6:2

Ca' roỹaxanalo so Daniel chaqai saua dos liỹa' quiyim ỹa'ajandac da lo'ueenataxanaxac so liỹaripi, qaiyi qaica canchaqaica ỹo'maauec no'ueenataxanaxac queso nashi.

Hechos 8:18

Ca co'na' so Simón ỹauanchigui dajo quesaua lelaatqa so Jesús quena' ỹashilerelec so qomyipi, ca ỹacoñiguit so Espíritu Santo, ca' ỹachaxanapeguema so Pedro chaqai so Juan aso lam.