Daniel 5:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ca' so Daniel qaỹauega'a so nashi, ca co'na' ỹoviro, ca qainato' queso nashi: —¿Qami'o' ná'maq qami' Daniel chicqoiraugui so judioipi loxonqaipi na'le so ita'a nashi Nabucodonosor ỹachigoxota'gue da Judea?

Daniel 5:13 Iomraidhean Croise

Esdras 10:7

Ca co'na' ime, ca' qaroỹaxanougui so qomyipi quiyim lapoỹata' ma'le quiyi Jerusalén ná'ogue na chita'gue novi' rapil, quená'maq neeta'ñi yi Judá chaqai yi Jerusalén.

Esdras 4:1

Ca co'na' so npa'guenaxauaripi so llaalqaipi so Judá chaqai so Benjamín, ỹa'den quiyim só'maq na'aquipi rapil, ca' liỹa ỹo'ueetetac ñi no'ueenaxanaxaqui quiñi qara'gaxala' ñí'maq qota'olec quiyi Israel,

Esdras 6:16

Ca' so llaalqaipi so Israel, só'maq netaxaỹaxanqajanqaipi chaqai so lotauaripi chigoxougui so Leví, sá'ogue na'aquipi na'le, ỹaatqajam 'xoic da netoonaxac na' qoỹaanot aso no'ueenaxanaxaqui ñi qota'olec.

Daniel 1:1

Na' ñaqai hueetauguilo saua tres ñaxari quiyim nashi so Joacim quiyi Judá, ca' so nashi quiyi Babilonia, leenaxat Nabucodonosor, ỹovira'a yi Jerusalén, ca' nahiquinchiguiñi yi na'a' queso nalliripi.

Daniel 1:2

Ca' ñi qara'gaxala' ỹaxanegue quiyim so Nabucodonosor loxonec so Joacim, chaqai qai'neeta quiyim icona so louenqaipi ñi no'ueenaxanaxaqui quiñi qota'olec. Ca' so Nabucodonosor ỹauec so loxonqaipi queda Babilonia, ca' so louenqaipi ñi no'ueenaxanaxaqui quiñi qota'olec illaugui ñí'maq chi nqouagaxainaxaqui quena lashiilec nqolaquipi.

Daniel 1:21

Ca' so Daniel no'ueenañi quiñi lauo' so nashi, chi ỹovireta'a so 'auaxaic ñaaxa na' nashi so Ciro. (2.1-49 'Ue so le'guemataxac so nashi Nabucodonosor, ca' so Daniel ỹa'xat da leloxoỹaxac.)

Daniel 1:6

Ca' queso ne'naqaipi ỹalequesaho saua Daniel, Ananías, Misael chaqai so Azarías chicqoraugui so llaalqaipi so Judá.

Daniel 5:11

Ma' queda ro'ueenataxanaxaqui' quiyim qami' qarashi 'ue so ỹale qaỹashaxantac queso ne'espíritu ñí'maq co'teeta qota'olec. Ma' cana' so qataa'i' qarashi, ca' sojo ỹale re'oq quiyim ỹaatqajam 'ue ỹa'den, 'ue da lco'ỹaxaric chaqai 'ec chicqashiguim da la'deenec. Vichiguiño' so qarashi Nabucodonosor só'maq qataa'i' ỹano na'le quiyim lashi ná'ogue na pi'xonyipi, na richaauec nqai'en nanchaqaina, na 'deenaxanqachaqaiquipi chaqai na napaxaguintapega na piguim le'ec quenajo 'laua.

Daniel 5:14

'Ue da ỹa'xaỹaxac quiyim neetagui qami' ca ne'espíritu ñi qota'olec chaqai ỹaatqajam 'ue da rco'ỹaxariqui' chaqai da ra'yiinqui'.

Daniel 5:18

Ñí'maq paguec lecaic qota'olec ỹaanem da lo'ueenataxanaxac, chaqai da lecaic, da lauaq chaqai da lemaqachic so Nabucodonosor só'maq qataa'i', qami' qarashi.

Daniel 5:2

Ca na' sham quiñiuguet queso lataxa, ca' so nashi Belsasar relaataxan quiyim qanodooro saua ỹoreta'oguit 'taxaquiripi 'oro chaqai na plata, só'maq so leta'a Nabucodonosor rocacho' na'le quiñi no'ueenaxanaxaqui quiyi Jerusalén. Ca' so ỹoreta'oguit 'taxaquiripi qaỹodouo, ca' qaiỹoxoguilo queso lataxa, ca' so nashi chaqai so louaaripi chaqai so leloxoỹaxanataipi, chaqai sá'ogue so liỹa qomyipi nqa'xantañi que'eetac, ni'chigui so 'taxaquiripi.

Daniel 6:13

Co'na'le, ca 'neraco': —Ñi Daniel ñí'maq judío le'ec ỹoqa'a da 'laua qaỹachigoxota'gue, ñi'maxare qaica ca ỹauaaque qami', qami' qarashi, chaqai só'maq qana'deenaxac shi'gue 'deenaxanaxañitegue na qom, ma' qomi' seuanqalec quiyim tres nqouagaxain quiyi na'xa'a.

Juan 7:1

Ca co'na' ime dajo, ca' so Jesús ỹouoxontac yi 'laua Galilea. Sqai quepegue' yi Judea, ma' quiyi'maxare na judioipi ỹahotaque ỹalauat so'maxare.

Juan 7:3

Ca' saua lqaỹa' so'maxare 'neraco': —Mesqai viise'ena, qui' queda Judea, qaiyi caua queesa'pegue' qami' hueesa'gue da'maxare qai'neeta iuanta ca ro'ueenataxanaxaqui'.