Daniel 5:12 - La'qaatqa ñi qota'olec Qota'olec & Qota'olec Novita Na Qomyipi

¹² Ma' queso Daniel, só'maq so Nabucodonosor ỹanegue na'le leenaxat Beltsasar, 'ue so ne'espíritu chalego lecaic queda nco'ỹaxaric chaqai da na'deenec quiyim chaqa'ma' ỹa'den ca leloxoỹaxac ca ne'guemataxac, chaqai quiyim ichoxot ca leloxoỹaxac ca se qaiuanapega na'qaatec, chaqai quiyim ỹa'maxajñi ca 'xoic lqalaic. Vichiguiño' qami' qarashi, ỹaxañire'oga ca Daniel, ca ca'maxare ra'deenaxanaxañitegue ca leloxoỹaxac yi naneretañi quena 'imec lahi.

Daniel 5:12 Iomraidhean Croise

Salmos 16:3

Na lqolaquipi na qomyipi quena 'laua paguec quesaxanaxaiquipi, 'naac ná'maq lashiilqaipi na'maxare.

Daniel 1:17

Ca' quesauajo cuatro ne'naqa ñi qota'olec ỹaanema da lco'ỹaxarigue' chaqai ỹa'yiinchirigui dá'ogue da 'neeta ana lere chaqai ná'ogue na na'deenec. Ca' so Daniel ỹa'den qai'neeta ná'ogue na leloxoỹaxaquipi na neuanaxanaxac chaqai na ne'guemataxac.

Daniel 1:7

Ca saua'maxare qaỹoỹoota'alo daua leenqate' queso nashi quiñi lauo' so nashi. Ca' so Daniel leenaxat nqai'en Beltsasar, ca' so Ananías ỹanegue Sadrac, so Misael ỹanegue Mesac, chaqai so Azarías ỹanegue Abed-nego.

Daniel 5:14

'Ue da ỹa'xaỹaxac quiyim neetagui qami' ca ne'espíritu ñi qota'olec chaqai ỹaatqajam 'ue da rco'ỹaxariqui' chaqai da ra'yiinqui'.

Daniel 5:16

Qam 'ue da ỹa'xaỹaxac caqami' quiyim shichi' choxochi' cá'maq sqa ỹaataxa'uegue chaqai 'xachi' ca leloxoỹaxac cá'maq 'xoic ca lqalaic. Ca no'm shichi' taqairelec yauajo nerqa chaqai choxochirim ca leloxoỹaxac, ca ỹim so'uet quiyim qoỹañiguilo qami' ma'le caua noho togue' nashi loho, chaqai qaỹa'ue aca rqola'e' 'oro, chaqai qami' ỹotaua queda ỹo'ueenataxanaxac quenajo 'laua soiquentac.

Daniel 6:3

Ca' so Daniel chaqa'ma' re'oq quiyim paguec ỹa'den da lo'ueenataxanaxac quesaua liỹa' neloxoỹa', ca vichiguiño' so nashi ỹahotaque quiyim pataxalec nashi quiyá'ogue yi 'laua.

Daniel 6:4

Ca' so lotauaripi so nashi idaantaque ca la'maqa' quiyim 'ue ca qaipataxalec ỹasauaxat queda lo'ueenataxanaxac quiñi lauo' so nashi, qam so Daniel ỹaatqajam 'maxataxaraic, ca' sqaica ca ỹasauaxat, ca' qaica quet cá'maq qaỹa'xat quet queso'maxare.

Colosenses 1:29

Ca' chaqaida dá'maq 'em quiyim ña'ñaxat, so'ueenataxan quedá'maq ỹa'ñaxac chaqai da iquesaxanaxa chicqo'ot so Cristo.